ເຖິງວ່າອຳນາດການປົກ ຄອງບ້ານນາທາມ
ແລະ ບ້ານໃກ້ຄຽງ ຍັງຫ້າມປະຊາຊົນບໍ່ໃຫ້ລົງຫາກິນໃນບໍລິເວນໜອງຫານ ເມືອງປາກງື່ມ
ນະຄອນຫລວງວຽງຈັນ ພາຍຫລັງເກີດມີສະພາບປາຕາຍເປັນຈຳນວນຫລາຍມາແຕ່ກາງເດືອນຕຸລາ
2013 ແລະ ມາຮອດປັດຈຸບັນ ຍັງບໍ່ມີພາກສ່ວນກ່ຽວຂ້ອງໃດເຂົ້າມາຊ່ວຍແກ້ໄຂຈຶ່ງມີປະຊາຊົນຈຳນວນໜຶ່ງໄດ້ຕັດສິນໃຈສ່ຽງລົງໄປຫາປາ
ແລະ ອາຫານຕ່າງໆໃນໜອງນ້ຳດັ່ງກ່າວມາບໍລິໂພກ ເພື່ອລ້ຽງຄອບຄົວປະຄອງຊີວິດໄປວັນໆ,
ພາຍຫລັງທົນກັບຄວາມອຶດຢາກບໍ່ໄຫວ ເຊິ່ງນັບແຕ່ມີການຫ້າມບໍ່ໃຫ້ລົງຫາກິນກໍເຮັດໃຫ້ຫລາຍຄອບຄົວພົບຄວາມຫຍຸ້ງຍາກລຳບາກ.
ທ່ານນາຍບ້ານນາທາມ ໃຫ້ຮູ້ວ່າ: ປັດຈຸບັນ
ປະຊາຊົນຈຳນວນໜຶ່ງໄດ້ລົງໄປຊອກຢູ່ຫາກິນໃນໜອງຫານແລ້ວ, ແຕ່ສ່ວນຫລາຍພາຍໃນບ້ານນາທາມ
ແລະ ບ້ານໃກ້ຄຽງກໍຍັງບໍ່ກ້າທີ່ຈະລົງໄປຫາກິນໃນໜອງນ້ຳດັ່ງກ່າວໄດ້ເທື່ອ
ເພາະຢ້ານເກີດອັນ ຕະລາຍຕໍ່ສຸຂະພາບ ແລະ ຍັງລໍຖ້າຄຳຕອບຈາກໜ່ວຍງານພະແນກຊັບພະ
ຍາກອນທຳມະຊາດ ແລະ ສິ່ງແວດລ້ອມທີ່ໄດ້ເອົາ
ຕົວຢ່າງນ້ຳ ໜອງຫານໄປພິສູດວິເຄາະ
ເພື່ອຫາສາເຫດທີ່ພາໃຫ້ເກີດປາຕາຍ ແຕ່ທ້າຍເດືອນຕຸລາຜ່ານມາ ແລະ ຍັງບໍ່ມີຄຳຕອບແຕ່ຢ່າງໃດ.
ແນວໃດກໍຕາມ, ນາຍບ້ານນາທາມບອກກັບນັກຂ່າວວ່າ:
ຈະລໍຖ້າຄຳຕອບການວິເຄາະນ້ຳ ຈາກພາກສ່ວນກ່ຽວຂ້ອງໄປອີກ 10-20 ວັນ ເຊິ່ງຖ້າບໍ່ມີຄຳຕອບໃດໆ,
ອຳນາດການປົກຄອງບ້ານຈະໄປຫາໂຮງງານຜະລິດແປ້ງມັນຕົ້ນລາວ-ອິນໂດຊາຍນາ ເພື່ອບໍ່ໃຫ້ປ່ອຍນ້ຳເສຍຈາກການຜະ
ລິດຂອງໂຮງງານລົງສູ່ຫ້ວຍທຳມະຊາດທີ່ໄຫລລົງສູ່ໜອງຫານອີກ.
ໜອງຫານແມ່ນໜອງນ້ຳທຳມະຊາດກວ້າງໃຫຍ່ ມີເນື້ອທີ່
200 ກວ່າເຮັກຕາ. ໃນປີ 2009 ໜອງດັ່ງກ່າວເຄີຍເກີດມີປາຕາຍເປັນຈຳນວນຫລາຍ ຍ້ອນການປ່ອຍນ້ຳເປື້ອນຈາກໂຮງງານຜະລິດແປ້ງມັນຕົ້ນ
ລາວ-ອິນໂດຊາຍນາ ແລະ ປາຕາຍໃນເທື່ອນີ້ ປະຊາຊົນຍັງເຊື່ອວ່າອາດເກີດຈາກມີສານເຄມີປົນເປື້ອນຈາກໂຮງງານແປ້ງມັນຕົ້ນອີກກໍເປັນໄດ້.
No comments:
Post a Comment