ທ່ານຮອງນາຍົກລັດຖະ ມົນຕີ ອາຊາງ ລາວລີ
ຜູ້ຊີ້ນຳວຽກງານວັດທະນະທຳ-ສັງຄົມ ໄດ້ໃຫ້ກຽດເຂົ້າຮ່ວມໂອລົມຕໍ່ຂະແໜງແຮງງານ
ແລະ ສະຫວັດດີການສັງຄົມ ທົ່ວປະເທດ ປະຈຳປີ 2013 ເຊີ່ງຈັດຂື້ນໃນຕົ້ນເດືອນພະຈິກຢູ່ທີ່ນະຄອນ
ຫຼວງວຽງຈັນ ໂດຍທ່ານໃດ້ເນັ້ນໃຫ້ຂະແໜງການດັ່ງກ່າວສຸມໃສ່ການພັດທະນາສີມືແຮງງານໃຫ້ຕິດພັນກັບການຈັດຫາວຽກເຊິ່ງປັດ ຈຸບັນວຽກງານດັ່ງກ່າວພວມຜະເຊີນໜ້າກັບສິ່ງທ້າທາຍຢູ່ໃນສັງຄົມເຮົານັບເປັນຈຳນວນບໍ່ໜ້ອຍ.
ຮອງນາຍົກລັດຖະມົນຕີໃດ້ໃຫ້ທິດຊີ້ນຳວ່າ:ເພື່ອໃຫ້ວຽກງານທີ່ກ່າວມາຂ້າງເທິງນັ້ນໄດ້ຮັບການຈັດຕັ້ງປະຕິບັດໃຫ້ກາຍເປັນຮູບປະທຳຫຼາຍຂຶ້ນກ່ອນອື່ນໝົດຂະແໜງແຮງງານ
ແລະ ສະຫວັດດີການສັງຄົມຕ້ອງໄດ້ເພີ່ມທະວີຄວາມເອົາໃຈໃສ່ຫຼາຍກວ່າເກົ່າໃນການພັດທະນາສີມືແຮງງານຕິດພັນກັບການຈັດຫາວຽກ
ແລະ ຮັບປະກັນການດຸ່ນດ່ຽງລະຫວ່າງຄວາມຕ້ອງການ ແລະ ການສະ ໜອງແຮງງານ.ໃນນີ້, ຂະແໜງແຮງງານ
ແລະ ສະຫວັດດີການ ສັງຄົມ ຕ້ອງສືບຕໍ່ຖືເອົາການສ້າງກຳລັງແຮງງານ ແລະ ພັດທະນາສີມືແຮງງານລາວ
ເປັນວຽກຈຸດສຸມບຸລິມະສິດຂອງຕົນ ແລະ ເພີ່ມທະວີການປະສານງານກັບຂະ
ແໜງຂອງສູນກາງ
ແລະ ທ້ອງຖິ່ນລວມທັງພາກເອກະຊົນເພື່ອສ້າງແຜນຄວາມຕ້ອງການນຳໃຊ້ແຮງງານໃນແຕ່ລະຂົງເຂດ
ແລະ ແຕ່ລະສາຂາອາ ຊີບໃຫ້ຊັດເຈນແນໃສ່ພັດທະນາກຳລັງແຮງງານ ລາວໃຫ້ສອດຄ່ອງກັບຄວາມ
ຮຽກຮ້ອງຕ້ອງການ ຂອງການ ພັດທະນາປະເທດແຕ່ລະໄລຍະ ໂດຍສະເພາະແມ່ນສອດຄ່ອງກັບໂຄງປະກອບເສດຖະກິດ
ແລະ ທ່າແຮງຂອງເຂດແຄວ້ນ,ບໍລິເວນ,ສອດຄ່ອງກັບຄວາມຕ້ອງ ການຂອງຕະຫຼາດແຮງງານທັງໃນສະເພາະໜ້າ
ແລະ ຍາວນານ; ຕ້ອງສູ້ຊົນແກ້ໄຂສະພາບ
“ເຫຼືອບໍ່ພໍ” ຂອງກຳລັງແຮງງານ. ໃນ ພາກຕົວຈິງ, ຕ້ອງມີມາດຕະການສົ່ງເສີມ
ແລະ ດຶງດູດໃຫ້ຄົນຫັນມາເຂົ້າຮຽນ ແລະ ຝຶກອົບຮົມວິ ຊາຊີບໂດຍສະເພາະແມ່ນສາຂາວິຊາສະເພາະ-ວິຊາການຊ່າງ
ເພື່ອໃຫ້ກາຍເປັນກຳມະກອນອາ ຊີບ,ນາຍຊ່າງຊຳນານງານ ແລະ ພະນັກງານເຕັກນິກ-ວິຊາການ
ໃຫ້ມີຈຳນວນຫຼາຍຂຶ້ນ ທັງຮັບປະ ກັນລະດັບມາດຕະຖານສີມືເພື່ອໃຫ້ສາມາດແຂ່ງຂັນໃນອາຊຽນໄດ້ເປັນກ້າວໆ.
ເພື່ອຮັບປະກັນໃຫ້ແກ່ການ ຈັດຕັ້ງປະຕິບັດການພັດທະນາສີມືແຮງງານດັ່ງກ່າວ,
ສະເໜີໃຫ້ຂະແໜງແຮງງານ ແລະ ສະ ຫວັດດີການສັງຄົມເອົາໃຈໃສ່ກໍ່ສ້າງ ແລະ ປັບປຸງບັນດາສູນພັດທະນາສີມືແຮງງານໃຫ້ພຽງພໍ;ປັບປຸງຫຼັກສູດ,
ສ້າງປຶ້ມ ຕຳລາການຮຽນ-ການສອນໃຫ້ມີຫຼາຍລະດັບ,ຫຼາຍສາຂາວິຊາຊີບ, ຍົກລະດັບຄູສອນ
ແລະ ຈັດຫາອຸປະ ກອນທີ່ຈຳເປັນຮັບໃຊ້ໃນການສາ ທິດ ແລະ ການລົງມືປະຕິບັດຕົວຈິງຂອງຜູ້ເຂົ້າຝຶກອົບຮົມການພັດ
ທະນາສີມືແຮງງານເຮັດໃຫ້ການ ພັດທະນາສີມືແຮງງານດຳເນີນໄປເປັນແຕ່ລະໄລຍະຢ່າງຕໍ່ເນື່ອງ.
ພາຍຫຼັງທີ່ໄດ້ຮັບການພັດທະນາສີມືແຮງງານແລ້ວ ຕ້ອງມີກົນໄກເຮັດໃຫ້ເຂົາເຈົ້າໄດ້ເຂົ້າໄປສູ່ຕຳແໜ່ງງານຕ່າງໆຂອງຫົວໜ່ວຍການຜະລິດທຸລະກິດຕາມລະດັບຄວາມຮູ້ຄວາມສາມາດຂອງເຂົາ.
ໜາຍຄວາມວ່າ “ ການພັດທະນາສີມືແຮງງານຕ້ອງ ຕິດພັນກັບ ການມີວຽກເຮັດງານທຳ ”. ສະ ນັ້ນ,
ຖ້າຢາກເຮັດໄດ້ແນວນັ້ນ, ຂະແໜງແຮງງານ ແລະ ສະຫວັດ ດີການສັງຄົມ ຕ້ອງກຳໃຫ້ໄດ້ວ່າ ກຳລັງແຮງງານລາວທົ່ວປະເທດທີ່ມີວິຊາຊີບ,
ມີມາດຕະ ຖານສີມືແຮງງານແຕ່ລະລະດັບໜ້ອຍ- ຫຼາຍຊ່ຳໃດ? ແຕ່ລະຂົງເຂດເສດຖະກິດມີແຮງງານແຕ່ລະປະເພດ,
ແຕ່ລະສາຂາວິຊາ ອາຊີບແນວໃດ ? ແລ້ວຈິ່ງກຳນົດທິດໃນການພັດທະນາສີມືແຮງງານ, ເຮັດການທົດສອບ
ແລະ ຢັ້ງຢືນມາດຕະຖານສີມືແຮງ ງານໄປຕາມແຜນຄວາມຕ້ອງການນຳໃຊ້ແຮງງານຂອງຫົວໜ່ວຍທຸລະກິດ, ການຜະລິດ
ຫຼື ຄວາມຕ້ອງການຂອງຕະ ຫຼາດແຮງ ງານ. ທັງໝົດເຫຼົ່ານີ້ຕ້ອງມີກົນໄກການປະສານງານກັບທຸກພາກສ່ວນເສດຖະກິດລວມທັງພາກລັດ-ເອກະຊົນ
ໃຫ້ເຂົ້າມາມີ ສ່ວນຮ່ວມໃນວຽກງານນີ້ຢ່າງກວ້າງຂວາງຕື່ມ. ຖ້າຫາກຍັງເບິ່ງບັນຫາໃນວົງແຄບໆ,
ພຽງແຕ່ສິ່ງທີ່ຂະແໜງແຮງງານ ແລະ ສະ ຫວັດດີການສັງຄົມເຮັດການພັດທະນາສີມືແຮງງານເທົ່ານັ້ນກໍເປັນການຍາກທີ່ຈະບັນລຸຕົວເລກຄາດໝາຍສູ້ຊົນທີ່ກຳນົດໄວ້ໃດ້.
ຮອງນາຍົກລັດຖະມົນຕີໃດ້ກ່າວເນັ້ນຕື່ມວ່າ:ສຳລັບ
ການຈັດຫາວຽກໃຫ້ເອົາໃຈໃສ່ປັບປຸງການເຄື່ອນໄຫວຂອງບໍ ລິສັດຈັດຫາວຽກໃຫ້ມີຄວາມເຂັ້ມແຂງໂດຍສະເພາະແມ່ນເນັ້ນໃສ່ການຈັດຫາວຽກພາຍໃນໃຫ້ພຽງ
ພໍກັບຄວາມຕ້ອງການ ຂອງຕະຫຼາດແຮງງານ. ພ້ອມກັນກໍຕ້ອງຮີບຮ້ອນແກ້ໄຂບັນດາບໍລິສັດຈັດຫາວຽກທີ່ເຄື່ອນໄຫວຈັດຫາວຽກຂາດປະສິດທິພາບສ້າງຄວາມຫຍຸ້ງເຫຍີງໃຫ້ແກ່ລະບົບການຈັດຫາງານ
ຫຼື ເອົາລັດເອົາປຽບຜູ້ອອກແຮງງານໃຫ້ສຳເລັດຢ່າງ ຂາດໂຕໂດຍໄວ.
No comments:
Post a Comment