ເລີ່ມແຕ່ວັນທີ 1 ພະຈິກ ເປັນຕົ້ນມາເຈົ້າໜ້າທີ່ຈະລາຈອນນະ ຄອນຫຼວງ ວຽງຈັນ,
ໄດ້ຈັດກຳລັງຕຳຫຼວດລົງກວດ ກາພາ ຫະນະ ແລະ ປະຕິບັດມາດຕະການ ຕໍ່ຜູ້ລະເມີດລະບຽບຈະລາຈອນຕາມຖະໜົນ,
ພາຍຫຼັງໄດ້ຮັບແຈ້ງການສະບັບເລກທີ 20152 - ລົງວັນທີ 7 ຕຸລາ 2013, ກ່ຽວກັບການກວດກາພະຫະນະທີ່ບໍ່ມີປ້າຍ,
ປ້າຍບໍ່ຖືກຕ້ອງ, ປ້າຍຈີກຂາດ, ຕົວໜັງສື ຕົວເລກລືບ, ກວດກາຄວາມໄວ, ກວດ ທາດເຫຼົ້ານຳຜູ້ຂັບຂີ່,
ການໃສ່ໝວກກັນກະທົບ, ລັອກລໍ້ຍານພະຫະນະທີ່ຈອດບໍ່ຖືກ ຕ້ອງກີດຂວາງການສັນຈອນ.
ທ່ານ ພັນໂທ ພົມມະຈັນ ສວນບຸນມາຫົວໜ້າພະແນກຈະລາຈອນນະຄອນຫຼວງໄດ້ເນັ້ນໃຫ້ເຫັນຄວາມຈຳເປັນໃນ
ການປະຕິບັດມາດຕະການຕໍ່ຜູ້ລະເມີດວ່າ: ເນື່ອງຈາກປັດຈຸບັນນີ້ສະພາບການສັນຈອນໃນນະຄອນຫຼວງວຽງຈັນມີຄວາມແອ
ອັດສັບສົນ, ໂດຍສະເພາະແມ່ນໃນເວລາຮີບດ່ວນ, ເຂົ້າການ-ເລີກການ ແລະ ຍ້ອນນັກຂັບຂີ່ຈຳນວນໜຶ່ງປະໝາດ,
ບໍ່ປະຕິບັດ ຕາມລະບຽບຈະລາຈອນ ເຊັ່ນ: ນຳໃຊ້ແຄມທາງສັນຈອນເປັນບ່ອນຄ້າຂາຍ, ຈອດລົດຊະຊາຍກີດຂວາງການສັນຈອນ
ແລະ
ອື່ນໆ, ພ້ອມຊຸກຍູ້ໃຫ້ຜູ້ໃຊ້ລົດໃຊ້ຖະໝົນມີຄວາມຕື່ນຕົວປະຕິບັດຕາມລະບຽບຈະລາຈອນເຂັ້ມງວດ,
ເພື່ອຫຼຸດຜ່ອນອຸປະຕິ ເຫດເທື່ອລະກ້າວ, ດັ່ງນັ້ນ ກອງບັນຊາການ ປກສ ນະຄອນຫຼວງວຽງຈັນ, ຈຶ່ງໄດ້ແຈ້ງມາຍັງນັກຂັບຂີ່ທັງຫຼາຍຊາບທົ່ວເຖິງ
ກັນ ວ່າ: ນັບແຕ່ວັນທີ 1 ພະຈິກ 2013 ເປັນຕົ້ນໄປຕຳຫລວດຈະລາຈອນນະຄອນຫລວງວຽງຈັນ
ແລະ 9 ຕົວເມືອງຈະໄດ້ ສົມ ທົບກັນຕັ້ງຈຸດກວດກາຢູ່ຕາມເຂດຊານເມືອງ
ຫລື ບ່ອນເໝາະສົມ, ຈັດກຳລັງເລາະກວດກາຕາມເສັ້ນທາງຕ່າງໆທີ່ມີຄວາມແອອັດສັບສົນ,
ບ່ອນທີ່ມີປ້າຍຫ້າມຈອດ, ຫ້າມຈອດວັນຄີກ-ວັນຄູ່, ຂອບທາງຂາວແດງ ແລະ ອື່ນໆ
ເພື່ອຊອກໃຫ້ເຫັນຜູ້ລ່ວງລະເມີດກົດລະບຽບຈະລາຈອນ. ເມື່ອພົບເຫັນຍານພາຫະນະທີ່ລະເມີດກົດລະບຽບຈະລາຈອນເຊັ່ນ:
ຍານ ພາຫະນະທີ່ບໍ່ມີປ້າຍ, ປ້າຍບໍ່ຖືກ ຕ້ອງ, ປ້າຍຈີກຂາດ, ໂຕໜັງສື-ໂຕເລກລຶບ;
ໃຊ້ຄວາມໄວເກີນກຳ ນົດ; ຜູ້ຂັບມີທາດເຫລົ້າ; ບໍ່ໃສ່ໝວກກັນກະທົບຈອດລົດຊະຊາຍກີດຂວາງການສັນຈອນ;
ການນຳໃຊ້ແຄມທາງສັນຈອນ, ທາງຍ່າງເປັນບ່ອນຄ້າຂາຍ, ບໍລິ ການຈອດລົດ ແມ່ນໃຫ້ປະຕິບັດຕາມຂໍ້ທີ
3 ຂອງແຈ້ງການສະບັບນີ້ຢ່າງເດັດຂາດ, ໃນກໍລະນີທີ່ຊອກຫາເຈົ້າຂອງລົດບໍ່ເຫັນຕຳ
ຫລວດຈະລາຈອນຈະໃຊ້ວິທີການລ໊ອກລໍ້ຍານພາຫະນະຄັນດັ່ງກ່າວ ແລະ ຈະຍົກເອົາເຂົ້າມາໄວ້ຫ້ອງການບ່ອນທີ່ມີຄວາມປອດໄພ,ເພື່ອສຶກສາອົບຮົມຜູ້ຂັບ
ຂີ່ທີ່ລະເມີດຫຼືປັບໄໝຕາມດຳລັດ 188/ນຍ ຫລື ດຳເນີນຄະດີຕາມກົດໝາຍ. ດັ່ງນັ້ນຈຶ່ງໄດ້ມອບໃຫ້ຕຳຫລວດຈະລາຈອນນະຄອນ
ຫລວງສົມທົບກັບພະແນກຖະແຫລງຂ່າວ ແລະ ວັດທະນະທຳ, ກົມໂຄສະນາກະຊວງ ປກສ ໂຄ ສະນາຜ່ານສື່ມວນຊົນ,
ກ່ອນລົງ ມືຈັດຕັ້ງປະຕິບັດຕົວຈິງ.
ສຳລັບລົດຈັກທີ່ຂ້າມທາງໃນເຂດທີ່ກຳນົດເປັນບ່ອນຂ້າມທາງຄົນຍ່າງແດ່ ສາມາດແກ້ໄຂໄດ້ບໍ?
ReplyDelete