ໃນວັນທີ 15 ພະຈິກນີ້, ທ່ານ ກີ ອາໂປຣີ
ອຳນວຍການບໍລິສັດ ອາລີອັນປະກັນໄພລາວ ແຈ້ງໃຫ້ຮູ້ວ່າ: ການເປີດສູນບໍລິການປະກັນໄພແຫ່ງນີ້ແມ່ນລວມເອົາການບໍລິການປະກັນໄພທັງໝົດຂອງບໍລິສັດມາຢູ່ຈຸດດຽວຢູ່ອາ
ຄານວຽງຈັນພານິດ ໃນນະຄອນ ຫລວງວຽງຈັນ ເພື່ອອຳນວຍຄວາມສະດວກໃຫ້ແກ່ລູກຄ້າໃຫ້ສາມາດເຂົ້າເຖິງການບໍລິການທຸກປະເພດເຊັ່ນ:
ອອກສັນຍາປະ ກັນໄພໃໝ່, ຕໍ່ສັນຍາປະກັນໄພ, ໃຫ້ຂໍ້ມູນ ແລະ ຄຳປຶກສາການປະກັນໄພ,
ຈ່າຍສິນທົດແທນປະ ກັນໄພ ເຊິ່ງເມື່ອກ່ອນການບໍລິການແມ່ນລູກຄ້າຈະຕ້ອງໄປແຕ່ລະໜ່ວຍງານກ່ຽວຂ້ອງ
ເພື່ອຊື້ປະກັນໄພ ແລະ ບໍລິການອື່ນໆ ອັນສ້າງຄວາມຫຍຸ້ງຍາກສັບສົນໃຫ້ແກ່ລູກຄ້າ.ສູນບໍລິການນີ້ແມ່ນຜົນສຳເລັດຂອງການພັດທະນາຂອດບໍລິການຂອງພວກເຮົາໃຫ້ດີຂຶ້ນ
ເພື່ອສາມາດຕອບສະໜອງຄວາມຕ້ອງການຂອງລູກຄ້າໃນການຄຸ້ມຄອງຊີວິດ ແລະ ຊັບສິນ
ໂດຍປະກັນໄພທີ່ຂາຍຢູ່ສູນແຫ່ງນີ້ປະກອບມີ ປະກັນໄພລົດ, ບ່ອນ ຢູ່ອາໄສ, ທຸລະກິດຂະໜາດນ້ອຍ,
ປະກັນໄພເດີນທາງທ່ອງທ່ຽວ, ປະກັນໄພອຸປະຕິເຫດສ່ວນບຸກຄົນ ແລະ ປະກັນໄພສຸຂະພາບ
ເຊິ່ງພະ ນັກງານສາມາດອອກສັນຍາໄດ້ທັນທີ .
ທ່ານ ກີ ອາໂປຣີ ກ່າວວ່າ: ບໍລິສັດອາລີອັນປະກັນໄພລາວ
ສ້າງຕັ້ງຂຶ້ນໃນປີ 1990, ເປັນບໍລິ ສັດຮ່ວມທຶນລະຫວ່າງລັດຖະ ບານລາວ ຕາງໜ້າໂດຍກະຊວງການເງິນ
ຖືຮຸ້ນ 49% ແລະ ບໍລິ ສັດອາລີອັນສາກົນແຫ່ງປະເທດຝຣັ່ງ ຖືຮຸ້ນ 51% ແລະ ເປັນບໍລິ
ສັດປະກັນໄພແຫ່ງທຳອິດໃນລາວ ທີ່ມີປະສົບການບໍລິການປະກັນໄພ. ນອກຈາກມີຕົວແທນຈຳໜ່າຍປະກັນໄພທັງພາຍໃນ
ແລະ ຕ່າງປະເທດແລ້ວ, ຍັງມີຄູ່ຮ່ວມທຸລະກິດປະເພດໂຮງໝໍ, ບໍລິສັດທ່ອງທ່ຽວ,
ທະນາຄານ ແລະ ຫົວ ໜ່ວຍທຸລະກິດອື່ນໆຫລາຍກວ່າ 120 ແຫ່ງ. ໃນປີ 2013 ບໍລິສັດໄດ້ຈ່າຍສິນທົດແທນໃຫ້ລູກຄ້າປະກັນໄພຄົນປະມານ
70-80% ຂອງວົງເງິນຄ້ຳປະກັນລູກຄ້າ, ຈ່າຍຄ່າປະກັນໄພລົດປະ ມານ 20 ຕື້ກີບ ແລະ
ໃນປີ 2013 ບໍລິສັດຈະມີລາຍຮັບຢູ່ປະມານ 50 ລ້ານໂດລາສະຫະລັດ.
No comments:
Post a Comment