ເກີດເຫດໄຟໄໝ້ຕະຫຼາດດາວເຮືອງຢູ່ເມືອງປາກເຊ

             ເວລາປະມານ 10 ໂມງ ເຊົ້າຂອງວັນທີ 20 ພະຈິກນີ້  ໄດ້ເກີດເຫດ ໄຟໄໝ້ຕຶກຫ້ອງແຖວທາງທິດເໜືອ ຂອງຕະຫລາດດາວເຮືອງ  ເມືອງປາກເຊ ແຂວງ ຈຳປາສັກ. ຜູ້ຢູ່ໃນເຫດການໄດ້ໃຫ້ ຮູ້ວ່າ:ຍັງບໍ່ຮູ້ສາເຫດຢ່າງ ຄັກແນ່ ໃນລະຫວ່າງ ທີ່ປະຊາຊົນ, ແມ່ຄ້ຊາວຂາຍຢູ່ຕະຫຼາດດັ່ງກ່າວພວມສັບສົນກັບການຊື້ການຂາຍ ຢູ່ນັ້ນໄດ້ເກີດມີກຸ່ມ ຄວັນຂຶ້ນມາຈາກຫ້ອງແຖວໃຊ້ເປັນຮ້ານຂາຍເຄື່ອງເບັດຕະເລັດ ແລະ ອຸປະໂພກຕ່າງໆແລ້ວຈາກນັ້ນກໍເກີດປະກາຍໄຟພຸ່ງຂຶ້ນມາຢ່າງໄວ ວາຈົນ ບໍ່ສາມາດມອດໄຟນັ້ນໄດ້.

            ຈາກນັ້ນປະມານ 10 ນາ ທີຕໍ່ມາຈຶ່ງເຫັນລົດນ້ຳຂອງກອງ ຮ້ອຍຕຳຫຼວດຕ້ານ ແລະ ສະກັດ ກັ້ນອັກຄີໄພ ພ້ອມດ້ວຍ ກຳລັງຕຳຫຼວດ ປກສ ເມືອງປາກເຊ, ກອງພັນ 208 ແລະ ກອງກຳລັງທະຫານແຂວງຈຳນວນຫລາຍ ແລະ ລົດນ້ຳມູນນິທິດັບ ເພີງແຂວງຈຳປາສັກອີກຈຳນວນຫນຶ່ງເຂົ້າສົມທົບການມອດໄຟໃນຄັ້ງນີ້, ເປັນເວລາປະມານ 2 ຊົ່ວໂມງ ຈຶ່ງສາມາດສະກັດກັ້ນ ແລະ ມອດໄຟໄດ້ພຽງເຮັດໃຫ້ຫ້ອງແຖວ3ຫ້ອງພ້ອມດ້ວຍສິນຄ້າໃນຮ້ານຖືກໄໝ້ກ້ຽງ. ນອກນັ້ນຍັງມີຕຶກຮ້ານສັບພະສິນຄ້າແລະຮ້ານຂາຍຄຳຄຳຮຸ່ງທີ່ຢູ່ຮ່ວມຕຶກດຽວກັນໄດ້ຮັບຄວາມເສຍຫາຍ ເປັນຈຳນວນຫຼາຍເຊັ່ນ ດຽວກັນ.

           ປັດຈຸບັນ, ກຳລັງເຈົ້າຫນ້າ ທີ່ພວມດຳເນີນການສືບສວນຫາສາເຫດທີ່ເຮັດໃຫ້ເກີດອັກຄີໄພດັ່ງກ່າວ ແລະ ຂໍຮຽກຮ້ອງ ທຸກພາກສ່ວນໃນສັງຄົມຈົ່ງມີສະຕິລະວັງຕົວຂຶ້ນຕື່ມໃນການນຳໃຊ້ຟືນໄຟໄລຍະລະດູແລ້ງອາກາດແຫ້ງ ແລ້ງມັກຈະເກີດອັກຄີໄພໄດ້ງ່າຍ.

         ທ່ານ ພົນ​ຈັດຕະວາ ດຣ. ບຸນ​ຊູ ນາມມະ​ຈັກ ຫົວໜ້າ​ກອງ​ບັນຊາ​ການ ປກສ ນະຄອນ ຫລວງ​ວຽງ​ຈັນ ​ໃຫ້​ຮູ້​ວ່າ: ພາຍ ຫລັງ​ເລີ່​ມມີ​ການ​ຄົບງັນ​ບຸນ​ນະ ມັດສະການ​ພະທາດ​ຫລວງ​ວຽງ​ຈັນ ​ແຕ່​ວັນ​ທີ 11-17 ພະ ຈິກ​ຜ່ານ​ມານີ້ ມີ​ປະຊາຊົນ​ທີ່​ມາ​ທ່ຽວ​ຊົມ​ບຸນ​ດັ່ງກ່າວ​ເປັນ​ຈຳ ນວນ​ບໍ່​ໜ້ອຍ​ໄດ້​ຕົກ​ເປັນ​ເຫຍື່ອ​ຂອງ​ແກ໊ງ​ແຫກ​ກະ​ເປົາຫລາຍ​ເຖິງ 34 ກໍລະນີ ​ໃນ​ນີ້ລວງ​ກະ​ເປົາ​ມີ 19 ກໍລະນີ, ສ້າງ​ຜົນ​ເສຍ​ຫາຍ 31 ລ້ານ​ກວ່າ​ກີບ, 45 ພັນ​ບາດ (ສະກຸນ​ເງິນ​ໄທ), 200 ກວ່າ​ໂດ​ລາ​ສະຫະລັດ, 1 ພັນ​ວອນ (ສະກຸນ​ເງິນ ສ.​ເກົາຫລີ), ຄຳ​ຮູບ​ປະພັນ 7 ບາດ ​ແລະ ​ເອ ກະສານ​ຂອງ​ຜູ້​ເສຍ​ຫາຍ​​ຈຳ ນວນ​ໜຶ່ງ, ສ່ວນການແຫກກະເປົາມີ 15 ກໍ ລະນີ, ສ້າງຜົນເສຍຫາຍ 12 ລ້ານ ກວ່າກີບ, 30 ພັນກວ່າບາດ, 1 ພັນ ກວ່າໂດລາສະຫະລັດ ແລະ ເອກະ ສານສຳຄັນຂອງຜູ້ເສຍຫາຍຈຳ ນວນໜຶ່ງ ແລະ ເຈົ້າໜ້າທີ່ສາມາດກັກຜູ້ ກະທຳຜິດໄດ້ 8 ຄົນ,ຍິງ 1 ຄົນ.

        ຫົວໜ້າກອງບັນຊາການ ປກສ ນະຄອນຫລວງ ກ່າວວ່າ: ກຸ່ມແກ໊ງດັ່ງກ່າວແມ່ນມີການວາງແຜນຄັກແນ່ ກ່ອນລົງມືກໍ່ເຫດກຸ່ມໜຶ່ງມີ 3-4 ຄົນໂດຍອາໄສ ຈັງຫວະບ່ອນມີຄົນຫລາຍແຫຍ້ກັນ ​ແລະ ຂະນະ​ນັ້ນ, ຜູ້ທີໜຶ່ງ ເປັນຜູ້ແຫກ ຫລື ຈົກກະເປົາ, ຜູ້ທີສອງເປັນຜູ້ຈົກເອົາແລ້ວພວກ​ເຂົາ​ຈະ​ຍື່ນ​ສິ່ງ​ຂອງ​ລັກ​ໄດ້​ນັ້ນໃຫ້ຜູ້ທີສາມເອົາໄປ. ຕໍ່ບັນຫາດັ່ງກ່າວແມ່ນໄພອັນຕະລາຍທີ່ມັກເກີດຂຶ້ນໃນຍາມບຸນ ແລະ ເທສະການຕ່າງໆລວມໄປເຖິງຢູ່ຕາມຕະ ຫລາດ, ຮ້ານສັບພະສິນຄ້າບ່ອນ​ຄົນ​ໜາ​ແໜ້ນ​ແອ​ອັດ. ສະນັ້ນ ຈຶ່ງ​ເຕືອນປະຊາຊົນຈົ່ງມີສະຕິລະວັງໂຕ, ຮັກສາຊັບ ສິນມີຄ່າຂອງຕົນໃຫ້ປອດໄພເພື່ອບໍ່ໃຫ້ຕົກເປັນເຫຍື່ອຂອງກຸ່ມແກ໊ງດັ່ງກ່າວໄດ້.