ກອງປະຊຸມລັດຖະມົນຕີຂົນສົ່ງອາຊຽນ ຄັ້ງທີ
19 ໄດ້ໄຂຂຶ້ນ ຢ່າງເປັນທາງການໃນວັນທີ 19- 20 ທັນວານີ້, ຢູ່ເມືອງປາກເຊ
ແຂວງຈຳປາສັກ ສປປ ລາວ ໂດຍການໃຫ້ກຽດເຂົ້າຮ່ວມຂອງທ່ານ ທອງສິງ ທຳມະວົງ ນາຍົກ
ລັດຖະມົນຕີແຫ່ງ ສປປ ລາວ, ມີບັນດາລັດຖະມົນຕີຮັບຜິດຊອບວຽກງານຂົນສົ່ງປະເທດສະມາ
ຊິກອາຊຽນເຂົ້າຮ່ວມ ໂດຍກອງປະຊຸມຄັ້ງນີ້ ແນໃສ່ການຫລຸດ ຜ່ອນຄວາມແຕກໂຕນດ້ານການຂົນສົ່ງ
ແລະ ໃຫ້ລະບົບການຂົນສົ່ງສາມາດເຊື່ອມຈອດໃນອາຊຽນ ແລະ ພາກພື້ນໃນຕໍ່ໜ້າ.
ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ໃຫ້ກຽດຂຶ້ນ
ກ່າວໄຂກອງປະຊຸມວ່າ: ເພື່ອຫັນເອົາຈຸດພິເສດທາງດ້ານທີ່ຕັ້ງ
ພູມສາດ ອັນເປັນທ່າແຮງໃຫ້ກາຍເປັນກາລະໂອກາດທີ່ເອື້ອ
ອຳນວຍໃຫ້ແກ່ການພັດທະນາໂດຍລວມຂອງປະເທດ, ຕະ ຫລອດໄລຍະຜ່ານມາ ລັດຖະ ບານໄດ້ກຳນົດທິດທາງເພື່ອຫັນ
ສປປ ລາວ ເປັນປະເທດບໍລິການທາງຜ່ານຂອງອະນຸພາກພື້ນເຂົ້າໃນແຜນຍຸດທະສາດການພັດທະ
ນາຂອງຕົນຮອດປີ 2020, ໃນນັ້ນ ວຽກງານການເຊື່ອມຈອດອາຊຽນຖືວ່າເປັນວຽກບູລິມະສິດອັນດັບໜຶ່ງໃນຂະບວນວິວັດແຫ່ງການເຊື່ອມໂຍງ
ສປປ ລາວ ກັບພາກພື້ນ ແລະ ສາ ກົນ. ລັດຖະບານຍາມໃດກໍຖືເອົາການຄົມມະນາຄົມຂົນສົ່ງເປັນປາຍແຫລມຂອງເສດຖະກິດແຫ່ງຊາດ
ໂດຍໄດ້ຂຸດຄົ້ນນຳໃຊ້ທຶນ ຮອນອັນຫລວງ ຫລາຍ ທັງພາຍໃນ ແລະ ຈາກການຊ່ວຍເຫລືອສະໜັບສະໜູນຈາກບັນດາປະເທດເພື່ອນມິດ
ແລະ ສາກົນ ເຂົ້າໃນການພັດທະນາພື້ນຖານໂຄງລ່າງທາງດ້ານຄົມມະນາຄົມຂົນສົ່ງຂອງປະເທດຢ່າງຕັ້ງໜ້າ
ເພື່ອສົ່ງເສີມການໄປມາຫາສູ່, ການທ່ອງ ທ່ຽວ, ການຄ້າ ແລະ ການດຶງດູດການລົງທຶນຢູ່ພາຍໃນບັນດາປະເທດອາຊຽນກໍຄືການເຊື່ອມໂຍງພາກພື້ນ
ແລະ ສາກົນ.
ທ່ານນາຍົກລັດຖະມົນຕີ ກ່າວຕື່ມວ່າ: ໄປພ້ອມກັບການສ້າງສິ່ງອຳນວຍຄວາມສະດວກຕ່າງໆໃຫ້ແກ່ການຄົມມະນາຄົມຂົນສົ່ງທາງບົກ,
ທາງນ້ຳ, ທາງອາກາດ ແລະ ທາງລົດໄຟ ໂດຍສະເພາະໄດ້ກໍ່ສ້າງຍົກລະດັບບັນດາເສັ້ນ
ທາງອາຊຽນທີ່ຜ່ານລາວ, ພັດທະ ນາບັນດາສະໜາມບິນ ແລະ ອື່ນໆ, ແຕ່ຄຽງຄູ່ກັບຜົນສຳເລັດດັ່ງກ່າວ
ຍັງມີຫລາຍອັນທີ່ຍັງເປັນສິ່ງທ້າທາຍ ໂດຍສະເພາະທຶນຮອນທີ່ມີຈຳກັດ, ແຕ່ຄວາມຕ້ອງການພັດທະນາພັດສູງ.ນອກ
ນັ້ນການບູລະນະຮັກສາພື້ນຖານໂຄງລ່າງທີ່ມີແລ້ວໃຫ້ນຳໃຊ້ໄດ້ຍາວນານ, ການແກ້ໄຂຜົນກະທົບຈາກທຳມະຊາດ
ແລະ ໄພພິບັດຕ່າງໆ ກໍລ້ວນແຕ່ມີຄວາມຮຽກ ຮ້ອງຕ້ອງການທຶນຮອນເປັນຈຳ ນວນຫລາຍ.
ສະນັ້ນ ເພື່ອເຊື່ອມຈອດອາຊຽນໃຫ້ເປັນຮູບປະທຳ ມັນຮຽກຮ້ອງໃຫ້ພວກເຮົາຕ້ອງຮ່ວມກັນຄົ້ນຄວ້າຊອກຫາວິທີແກ້ໄຂສິ່ງທ້າທາຍດັ່ງກ່າວຢ່າງມີປະ
ສິດທິຜົນ. ປັດຈຸບັນ ລັດຖະບານພວມກະກຽມລິເລີ່ມຮູບແບບສົ່ງເສີມການລົງທຶນຮ່ວມກັນລະ
ຫວ່າງພາກລັດ ແລະ ພາກທຸລະກິດເຂົ້າໃນການກໍ່ສ້າງ ແລະ ຍົກລະດັບບາງເສັ້ນທາງ
ເຊິ່ງເຫັນວ່າເປັນທາງເລືອກທີ່ດີ ແລະ ເຊື່ອວ່າຜົນສຳເລັດຂອງກອງປະຊຸມຄັ້ງນີ້ຈະເປັນການປະກອບສ່ວນຊຸກຍູ້ສົ່ງເສີມ
ແລະ ສ້າງຄວາມເຂັ້ມແຂງຢ່າງຕັ້ງໜ້າໃຫ້ການພັດທະນາດ້ານຄົມມະນາຄົມຂົນສົ່ງບໍ່ໃຫ້ຫລຸດໂຕນກັນ
ແລະ ການເຊື່ອມຈອດອາຊຽນໃຫ້ມີຄວາມສະດວກວ່ອງໄວປອດໄພ ແລະ ທັນສະໄໝຂຶ້ນອີກລະດັບໜຶ່ງ.
ໃນໂອກາດນີ້, ທ່ານ ດຣ. ສອນໄຊ ສີພັນດອນ ເຈົ້າແຂວງຈຳປາສັກ ກ່າວວ່າ:
ແຂວງຈຳ ປາສັກມີພື້ນຖານໂຄງລ່າງເສດ ຖະກິດ-ສັງຄົມທີ່ໄດ້ຮັບການກໍ່ ສ້າງເປັນລະບົບໃນແຕ່ລະຂະແໜງການ,
ມີຊັບພະຍາກອນທຳມະຊາດອັນອຸດົມສົມບູນ, ມີແຫລ່ງນ້ຳຫລາຍສາຍ ສາມາດນຳໃຊ້ເຂົ້າໃນການກໍ່ສ້າງອ່າງເກັບນ້ຳຜະລິດກະແສໄຟຟ້ານ້ຳຕົກ,
ການຜະລິດກະສິກຳສະອາດ ແລະ ເສັ້ນທາງຄົມມະນາຄົມທາງບົກ, ທາງອາກາດ ເຊື່ອມຈອດກັບປະເທດໃກ້ຄຽງ
ຄືຫວຽດນາມ, ໄທ ແລະ ກຳປູເຈຍ, ມີດ່ານສາກົນ 3 ແຫ່ງ ຄືດ່ານສາກົນວັງເຕົ່າ, ດ່ານໜອງນົກ
ຂຽນ ແລະ ດ່ານສາກົນສະໜາມບິນສາກົນປາກເຊ ເຊິ່ງເປັນທ່າແຮງສຳຄັນຕໍ່ການເຊື່ອມໂຍງກັບສາກົນ
ແລະ ພັດທະນາເສດຖະກິດ-ສັງຄົມຂອງແຂວງ.
No comments:
Post a Comment