ໃນວັນຄ່ຳຄືນຂອງວັນທີ 21 ທັນວານີ້, ຢູ່ໂຮງແຮມດອກຈຳປາ,
ນະຄອນຫຼວງວຽງຈັນ, ບໍລິສັດ ໂຕໂຍຕ້າ ມໍເຕີ້
ປະເທດໄທ ຈຳກັດ ໄດ້ຈັດງານ Toyota Passen ger Car Exclusive Party ຂຶ້ນໃນຮູບແບບ
Toyota Star Light Night Party, ເຊິ່ງງານດັ່ງກ່າວຈັດຂຶ້ນເພື່ອຂອບໃຈລູກຄ້າທີ່ໄດ້ໃຫ້ການສະໜັບສະໜູນ
ແລະ ໄດ້ມອບຄວາມໄວ້ວາງໃຈ ໃຫ້ກັບໂຕໂຍຕ້າຕະຫຼອດມາ ແລະ ຖືໂອກາດສະເຫຼີມສະຫຼອງປີໃໝ່ທີ່ຈະມາຮອດໃນມໍ່ໆນີ້,
ໂດຍການເຂົ້າຮ່ວມຂອງທ່ານ ປະກອນ ວົງວິທະຍາພິຣົມ ທີ່ປຶກສາບໍລິຫານ ບໍລິສັດ
ໂຕໂຍຕ້າ ມໍເຕີ້ ປະເທດໄທ ຈຳກັດ ພ້ອມດ້ວຍລູກຄ້າບັນ
ດາພະນັກງານ ແລະ ແຂກເຂົ້າຮ່ວມເປັນຈຳນວນຫຼາຍ.
ພາຍໃນງານໄດ້ມີກິດຈະກຳຫຼາຍລາຍການເຊັ່ນ: ການສະແດງ,
ຄອນເສີດຈາກນັກຮ້ອງສຽງດີ ມາຊ່າ ວັດທະນາພານິດ, ນັກມາຍາກົນຊື່ດັງຈາກງານ
Street Show ແລະ ເກມຊີງລາງ ວັນຫຼາຍລາຍການພ້ອມທັງບັນ
ດາສີລະປິນທີ່ມີຊື່ສຽງຂອງລາວກໍໄດ້ເຂົ້າຮ່ວມຫຼວງຫຼາຍ. ນອກ ຈາກນີ້, ຍັງມີການຈັບສະຫຼາກ
ລຸ້ນລາງວັນ iPhone 5s, iPad mini ແລະ ລາງວັນອື່ນໆ
ອີກຢ່າງຫຼວງຫຼາຍ. ເຊິ່ງໂຕໂຍຕ້າໄດ້ຈັດກຽມມາໃຫ້ສຳລັບລູກຄ້າຄົນພິເສດຂອງໂຕໂຍຕ້າ
ໂດຍສະເພາະ.
ທ່ານ ປະກອນ ວົງວິທະຍາພິຣົມ ທີ່ປຶກສາບໍລິຫານ ບໍລິສັດ ໂຍຕ້າ ມໍເຕີ້ ປະເທດໄທ ຈຳກັດ ກ່າວໃນງານຄັ້ງນີ້ວ່າ: ເນື່ອງໃນໂອກາດສົ່ງທ້າຍປີເກົ່າຕ້ອນຮັບປີໃໝ່ນີ້
ຂໍອວຍພອນໄຊອັນປະເສີດໃຫ້ທຸກທ່ານປະສົບ ຜົນສຳເລັດ, ມີຄວາມສຸກ, ຄວາມຈະເລີນຮັ່ງມີຍິ່ງໆຂຶ້ນໄປ
ແລະ ຂໍຂອບໃຈລູກຄ້າທຸກທ່ານເປັນຢ່າງສູງທີ່ໃຫ້ໂອກາດ ແລະ ຄວາມໃວ້ວາງໃຈພວກເຮົາສະເໝີມາ
ແລະ ສັນຍາວ່າ ຈະພັດທະນາຜະລິດຕະພັນໃຫ້ດີຂຶ້ນເລື້ອຍໆ ເພື່ອຕອບສະ ໜອງຄວາມຕ້ອງການທຸກທ່ານໃຫ້ຫຼາຍຂຶ້ນ
ແລະ ສ້າງກິດຈະກຳດີໆເພື່ອສາທາລະນະປະໂຫຍດໃນລາວ. ໂດຍເຮົາຈະກ້າວໄປພ້ອມໆກັນຕາມແນວທາງ
“ ໄປໃສໄປນຳກັນ ”. ທ່ານ ປະກອນ ກ່າວຕື່ມວ່າ: ປັດຈຸບັນ, ເສດຖະກິດມີການຂະ ຫຍາຍຕົວ
ເຮັດໃຫ້ການຊົມໃຊ້ພາ ຫະນະ ໂດຍສະເພາະປະເພດລົດໃຫຍ່ມີຈຳນວນເພີ່ມຂື້ນຂະນະດຽວກັນກໍເຫັນວ່າ
ລົດຍີ່ຫໍ້ ໂຕໂຍຕ້າ ກໍໄດ້ຮັບຄວາມສົນໃຈ ທັງປະຢັດນ້ຳມັນ, ທົນທານ ແລະ ເປັນທີ່ນິຍົມຈາກມວນຊົນ
ເຊິ່ງເຮັດໃຫ້ຍອດຂາຍມີການເພີ່ມຂຶ້ນຕະຫຼອດມາ ແລະ ເພື່ອເປັນການບໍລິການ ໃຫ້ແກ່ລູກຄ້າໄດ້ຢ່າງທົ່ວເຖິງທາງບໍລິສັດໄດ້ຂະຫຍາຍສາຂາເພີ່ມຕື່ມອີກຈຳນວນໜຶ່ງ.
No comments:
Post a Comment