ພາຍຫລັງໄດ້ລົງມືກໍ່ເຫດປຸ້ນຊັບຍິງຄົນໜຶ່ງຢ່າງໂຫດຫ້ຽມຢູ່
ບ້ານໂນນຂີ້ເຫລັກ ເມືອງສີໂຄດຕະບອງ ນະຄອນຫລວງວຽງຈັນ ດ້ວຍການເອົາໄມ້ຄ້ອນຂະໜາດໃຫຍ່ຟາດເຂົ້າໃບໜ້າຫລາຍບາດ
ແລະ ໃຊ້ມີດປາດຄໍເຫຍື່ອ ຈົນໄດ້ຮັບບາດເຈັບສາຫັດ ແລະ ຮື້ຄົ້ນເອົາຊັບໄດ້
ຄືສາຍແຂນຄຳໜັກ 2 ບາດ, ແຫວນຄຳ 2 ສະຫລຶງ ແລະ ເງິນ 9 ພັນບາດ (ສະກຸນເງິນໄທ) ຫລົບໜີໄປ
ໃນຕອນບ່າຍຂອງວັນທີ 11 ທັນວາ ແລະ ເວລາ 2 ໂມງເຊົ້າຂອງມື້ຕໍ່ມາ ເຈົ້າໜ້າທີ່ກໍສາ
ມາດຈັບຕົວຜູ້ທີ່ລົງມືກໍ່ເຫດປຸ້ນຊັບດັ່ງກ່າວ ຄືທ້າວ ວັນໄຊ ຫລື ແອ ອາຍຸ
21 ປີ ຢູ່ບ້ານໂນນຂີ້ເຫລັກ ເມືອງສີໂຄດຕະບອງ ນະ ຄອນຫລວງວຽງຈັນ ເຊິ່ງໄດ້ຫລົບໜີມາລີ້ຊ້ອນຕົວຢູ່ສະຖານທີ່ກໍ່ສ້າງແຫ່ງໜຶ່ງຢູ່ເຂດບ້ານຮ່ອງໄກ່ແກ້ວ
ເມືອງຈັນທະບູລີ ນະ ຄອນຫລວງວຽງຈັນ ເພື່ອນຳມາດຳເນີນຄະດີຕາມກົດໝາຍ ແລະ ຜ່ານການສືບສວນ-ສອບສວນ,
ຜູ້ ກ່ຽວຮັບສາລະພາບວ່າ: ເປັນຜູ້ລົງມືກໍ່ເຫດແທ້ ຍ້ອນຄວາມຄຽດແຄ້ນສ່ວນຕົວ
ແລະ ເພື່ອຫວັງເອົາຊັບຂອງເຫຍື່ອ.
ເຈົ້າໜ້າທີ່ໃຫ້ຮູ້ວ່າ: ຈາກການສອບຖາມສາມີຂອງຜູ້ເຄາະຮ້າຍຮູ້ວ່າ:
ຜູ້ຕ້ອງຫາລາຍນີ້ເຄີຍງັດເຮືອນຂອງຕົນມາແລ້ວສອງຄັ້ງໃນເດືອນເມສາ 2013
ໂດຍມີເຄື່ອງເຮືອນຈຳນວນໜຶ່ງເສຍຫາຍ ແລະ ບໍ່ຄິດວ່າຜູ້ກ່ຽວຈະຄືນມາກໍ່ເຫດຢ່າງໂຫດຫ້ຽມໃນຄັ້ງນີ້.
No comments:
Post a Comment