ນາຍົກລັດຖະມົນຕີລົງຊີ້ນຳການຈັດຕັ້ງປະຕິບັດວຽກງານ 3 ສ້າງຢູ່ເມືອງສັງທອງ

         ໃນວັນທີ 3 ກໍລະກົດ 2013 ນີ້, ທ່ານ ທອງສິງ ທຳມະວົງ ນາຍົກ ລັດຖະມົນຕີ ແຫ່ງ ສປປ.ລາວ ໄດ້ລົງເຄື່ອນໄຫວຢ້ຽມຢາມ ແລະ ຊີ້ນຳວຽກງານທົດລອງ 3 ສ້າງ ຢູ່ບ້ານໃຫຍ່ນາ ຈະເລີນ, ເມືອງສັງທອງ, ນະຄອນຫລວງວຽງຈັນ, ໃຫ້ກຽດ ຕ້ອນຮັບໂດຍທ່ານ ບຸນທ່ຽງ ຂຸນສີ  ເຈົ້າເມືອງໆສັງທອງ ພ້ອມດ້ວຍ ອຳນາດການປົກຄອງເມືອງ ແລະ ປະຊາຊົນບ້ານດັ່ງກ່າວດ້ວຍ ຄວາມອົບອຸ່ນ.          

         ໃນໂອກາດອັນມີຄວາມສຳ ຄັນນີ້ ທ່ານ ບຸນທ່ຽງ ຂຸນສີ ໄດ້ ລາຍງານສະພາບການຈັດຕັ້ງ ປະຕິບັດ ວຽກງານ 3 ສ້າງ ຢູ່ບ້ານໃຫຍ່ ນາຈະເລີນ ໂດຍຫຍໍ້ໃຫ້ ທ່ານ ນາຍົກ ລັດຖະມົນຕີ ພ້ອມ ດ້ວຍຄະນະໄດ້ ຮັບຊາບເປັນຕົ້ນແມ່ນອຳນາດການປົກຄອງເມືອງ ໄດ້ສຸມໃສ່ຫັນເອົາ 3 ບ້ານຄື ບ້ານນາລາດ, ນາໝ້ຽງ ແລະ ນາທຽມ ໂຮມເຂົ້າເປັນບ້ານດຽວມີພົນລະເມືອງທັງໝົດ 1.132 ຄົນ, ຍິງ 564 ຄົນ, ມີ 232 ຄອບ ຄົວ, ໂດຍ ແບ່ງເປັນ 3 ຄຸ້ມຄື: ຄຸ້ມນາລາດ, ນາໝ້ຽງ ແລະ ນາທຽມ, ມີເນື້ອ ທີ່ທັງໝົດຫລາຍກວ່າ 2.600  ເຮັກຕາ,ໃນນີ້ມີເນື້ອທີ່ສວນ 65,33ເຮັກ ຕາ, ເນື້ອທີ່ນາກວ່າ 390 ເຮັກຕາ,  ໜອງປາ 20 ເຮັກຕາ ແລະ ເນື້ອທີ່ ອື່ນໆ 1.338 ກວ່າເຮັກຕາ, ມີງົວ 1.161 ໂຕ, ໝູ ໂຕ, ແບ້ ແລະ ສັດ ປີກ ຫລາຍ ກວ່າ 7.800

ໄຂງານສະແດງສິນຄ້າລາວ-ໄທປະຈຳປີ 2013

          ກົມ​ສົ່ງ​ເສີມ ​ແລະ ພັດທະນາ​ສິນຄ້າ ກະຊວງ​ອຸດສາ ຫະກຳ ​ແລະ ການ​ຄ້າ ສປປ ລາວ ​ແລະ ກົມ​ສົ່ງ​ເສີມ​ການ​ຄ້າ​ລະຫວ່າງ​ປະ​ເທດ ​ແຫ່ງຣາຊະ​ອານາຈັກ​ໄທ ​ໄດ້​ຮ່ວມ​ກັນ​ເປີດ​ງານ​ວາງສະ​ແດງ​ສິນຄ້າ ລາວ-​ໄທ ປະຈຳ​ປີ 2013 ຂຶ້ນ ​ໃນ​ລະຫວ່າງ​ວັນ​ທີ 3-7 ກໍລະກົດ​ນີ້ ຢູ່​ສູນ​ການ​ຄ້າ​ລາວ-​ໄອ​ເຕັກ ນະຄອນຫລວງ​ວຽງ​ຈັນ ​ໂດຍ​ການ​ເຂົ້າຮ່ວມ​ເປີດ​ພິທີ​ຂອງ​ທ່ານ ສົມ​ຫວັງ ນິນ​ທະ​ວົງ ຫົວໜ້າ​ກົມ​ສົ່ງ​ເສີມ ​ແລະ ພັດທະ ນາ​ສິນຄ້າ ​ແຫ່ງ ສປປ ລາວ ​ແລະ ທ່ານ ວະ​ລາ​ຍຸດ ​ໄຊ​ຍະ​ກຸນ ອຸປະ​ທູດ​ໄທ​ປະຈຳ​ລາວ.

           ທ່ານ​ນາງ ພິມົນ ປົງ​ກອງ​ແກ້ວ ອັກຄະລາຊະທູດ​ທີ່​ປຶກສາ​ຝ່າຍ​ການ​ພານິດ​ທູດ​ໄທ​ປະຈຳ​ລາວ ກ່າວ​ວ່າ: ງານ​ວາງສະ​ແດງ​ສິນຄ້າ​ຄັ້ງນີ້ມີ​ຈຸດປະສົງ​ເພື່ອ​ສ້າງ​ຄວາມ​ສຳພັນ​ອັນ​ດີ​ໃນ​ການ​ສົ່ງ​ເສີມ​ການ​ຄ້າ​ລະ ຫວ່າງ​ຜູ້​ປະກອບ​ການ ລາວ-​ໄທ ​ເພື່ອ​ເພີ່ມ​ມູນ​ຄ່າ ການ​ຄ້າ​ລະຫວ່າງ​ສອງ​ປະ​ເທດ ​ແລະ ຊຸກຍູ້​ສົ່ງ​ເສີມ​ໃຫ້​ນັກທຸລະ ກິດ​ຂະໜາດ​ນ້ອຍ ​ແລະ ກາງ (SME) ​ໄດ້​ມີ​ໂອກາດ​ຂະຫຍາຍ​ຕະຫລາດ​ການ​ຄ້າ​ໃນ​ປະ​ເທດ​ເພື່ອນ​ບ້ານ​ໃກ້​ຄຽງ ເພື່ອ​ຮອງ​ຮັບ​ການ​ເປັນ​ປະຊາ​ຄົມ​ເສດຖະກິດ​ອາ​ຊຽນ ​ໃນ​ປີ 2015 ທີ່​ຈະ​ເຖິງ​ນີ້. ງານ​ວາງສະ​ແດງ​ຄັ້ງນີ້ມີ​ຜູ້​ປະກອບ​ການ​ນຳ​ສິນຄ້າ​ເຂົ້າຮ່ວມ​ປະ ມານ

ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VII ຈະໄຂຂຶ້ນລະຫວ່າງວັນທີ 8-23 ກໍລະກົດ 2013

           ກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VII ຈະໄຂຂຶ້ນໃນວັນທີ 8-23 ກໍລະກົດ 2013,  ເພື່ອຈະໄດ້ຮັບຟັງການລາຍງານ, ພິຈາລະນາ ແລະ ຕົກລົງບັນຫາສຳຄັນຕ່າງ ໆຂອງບັນ ດາອົງການລະບົບອຳນາດລັດ.              

       ທ່ານ ອຸນແກ້ວ ວຸທິລາດ ຫົວ ໜ້າຫ້ອງວ່າການສະພາແຫ່ງ ຊາດ ທັງເປັນໂຄສົກຂອງສະພາ ແຫ່ງຊາດ ໄດ້ແຈ້ງຕໍ່ບັນດາສື່ມວນຊົນໃນວັນທີ 3 ກໍລະກົດ 2013 ນີ້ວ່າ: ກອງປະຊຸມຈະດຳ ເນີນໄປ ເປັນເວລາ 15 ວັນນັ້ນ ຈະໄດ້ພິຈາລະນາບັນຫາທີ່ສຳຄັນ ໃນຂົງເຂດວຽກງານຂອງລັດຖະບານ ເຊັ່ນ: ບົດລາຍງານຂອງ ລັດຖະບານກ່ຽວກັບການຈັດຕັ້ງປະຕິບັດໄລຍະກາງສະໄໝຂອງແຜນພັດທະ ນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ VII (2011-2015), ບົດລາຍງານການຈັດຕັ້ງປະຕິບັດແຜ ນພັດທະນາເສດຖະກິດ-ສັງຄົມ 6 ເດືອນຕົນ ສົກປີ, ວຽກງານຈຸດສຸມ 6 ເດືອນ ທ້າຍປີ 2012- 2013 ແລະ ທິດທາງແຜນການ ສົກປີ 2013-2014, ບົດລາຍງານການຈັດຕັ້ງແຜນງົບປະມານແຫ່ງ ລັດ 6 ເດືອນຕົ້ນສົກປີ, ແຜນສະເໜີ ດັດແກ້ງົບປະມານແຫ່ງລັດ 6 ເດືອນທ້າຍສົກປີ 2012-2013 ແລະ ທິດທາງແຜນ ການງົບປະມານແຫ່ງ ລັດສົກປີ 2013-2014, ລວມທັງບົດລາຍງານຄວາມພ້ອມຂອງ ສປປ. ລາວ ໃນການກະກຽມເຂົາສູ່ປະ ຊາຄົມອາຊຽນ ປີ 2015 ແລະ ປະກອບຄຳເຫັນຕໍ່ຮ່າງນະໂຍບາຍທີ່ດິນແຫ່ງຊາດ. ວຽກງານໃນຂົງເຂດອົງການກວດສອບແຫ່ງລັດແມ່ນຈະໄດ້ຮັບຟັງ ບົດລາຍງານການເຄື່ອນໄຫວວຽກງານຂອງອົງການກວດສອບ ແຫ່ງລັດປະຈຳສົກປີ 2011- 2012 ແລະ ທິດທາງແຜນການເຄື່ອນໄຫວປະຈຳ ສົກປີ

ETL ສຸ່ມຫາ​ຜູ້​ໂຊກ​ດີ​ປະຈຳ​ເດືອນມິຖຸນາ

    ບໍລິສັດ ອີ​ທີ​ແອ​ລ ມະຫາຊົນໄດ້​ ຈັດ​ພິທີ​ສຸ່ມ​ຫາ​ຜູ້​ໂຊກ​ດີ (random) ຈາກ​ໂຄງການແຈກ​ໂຊກ 3 ຊັ້ນ ພາກ 2 ປະຈຳ​ເດືອນມິຖຸນາ 2013 ທີ່​ຕະຫຼາດ​ໃໝ່ໜອງໜ້ຽວ ​ເມືອງສີ​ໂຄດ​ຕະບອງ ນະຄອນ ຫຼວງວຽງ ຈັນ ເຊິ່ງ​ໂຄງການ​ດັ່ງກ່າວ​ນີ້ ແມ່ນ​ເລີ່​ມປະຕິບັດ​ມາຕັ້ງ​ແຕ່ເດືອນເມາ​ສາ 2013 ຫາ ​ເດືອນ ມິຖຸນາ 2013 ປະກອບມີ​​ໂຊກ​ຊັ້ນທີ 1 ແມ່ນ ໂຊກ​ປະຈຳ​ອາທິດ, ​ໂຊກ​ຊັ້ນທີ 2 ແມ່ນ ໂຊກ​ປະຈຳ​ເດືອນ ແລະ​ ໂຊກ​ຊັ້ນທີ 3 ແມ່ນ​ການ​ສະ​ສົມການ​ໂທ​ອອກ​ຄົບ​ທຸກໆ 15.000 ກີບ ​ແມ່ນ​ຈະ​ໄດ້​ຮັບ​ສິດ​ຊີງ​ໂຊກ 1 ເທື່ອ ລວມຂອງ​ລາງວັນທັງໝົດຫຼາຍກ່ວາ 1500 ລາງວັນ ແລະ ການ​ສຸມ​ຫາຜູ້​ໂຊກ​ດີ​ໃນ​ຄັ້ງນີ້ກໍ​ເປັນຄັ້ງທີ​ສາມ​ສຳລັບ​ໂຊກ​ຊັ້ນທີ2 ຄື​ຜູ້​ໂຊກ​ດີປະຈຳ​ເດືອນ ມິຖຸນານີ້ ມີ​ຂອງ​ລາງວັນ​ຢ່າງຫຼວງຫຼາຍ ​ເຊິ່ງ​ໄດ້​ແບ່ງ​ອອກ​ເປັນ​ສອງໝວດຄື: ໝວດສະ​ເພາະ​ບັດ​ຕື່ມ​ມູນ​ຄ່າ​​ໂທ 15.000 ກີບ ​ແລະ ໝວດບັດ 10.000 ກີບ, 30.000 ກີບ, 50.000 ກີບ, 100.000 ກີບ, 200.000 ກີບ ​ແລະ 500.000 ກີບ ລວມມີ​ລາງວັນ ລົດຈັກ 6 ລາງວັນ, ພັດ​ລົມ​ອາຍ​ນ້ຳ 10 ລາງວັນ, ​ເຕົາ​ປີ້ງ 20 ລາງ ວັນ, ມື​ຖື 30 ລາງວັນ ແລະ ຄັນ​ຮົ່ມ 40 ລາງວັນ.

      ຮອງ​ຫົວໜ້າພະ​ແນ​ກການ​ຕະ ຫຼາດ ບໍລິສັດ ອີ​ທີແອ​ລ ມະຫາຊົນ ໃຫ້​ຮູ້​ວ່າ: ​ໃນ​ໄລຍະ​ຜ່ານ​ມາ ອີ​ທີ​ແອ​ລ ກໍ​ໄດ້​ມອບ​ລາງວັນ​ໃຫ້​ແກ່​ຜູ້​ໂຊກ​ດີ ປະຈຳ​ອາທິດ ​ແລະ ປະຈຳ​ເດືອນ​ໄປ​ແລ້ວ​ຢ່າງຫຼວງຫຼາຍ, ຜູ້​ທີ່​ໄດ້​ຮັບ​ລາງວັນ​ກໍ​ມີ​ທັງ​ພາຍ​ໃນ ນະຄອນຫຼວງວຽງຈັນ ແລ​ະ ​ແຂວງ​ຕ່າງໆ ແລະ ຄາດ​ວ່າ​ໃນຕໍ່ ໜ້າ ອີ​ທີ​ແອ ກໍ​ຈະ​ມີ​ໂຄງການ ແຈກ​ໂຊກ​ຕ່າງໆອີກ​ເປັນ​ຈຳນວນ ຫຼາຍ ​ເພື່ອຄືນ​ກຳ​ໄລ​ໃຫ້​ແກ່​ລູກ​ຄ້າຂອງ​ຕົນ.

ຫລາຍເສັ້ນທາງໃນຕົວເມືອງມີສະພາບເປິະເປື້ອນ

       ໃນແຕ່ລະປີ, ລັດຖະບານ ໄດ້ສຸມທຶນຮອນເປັນຈຳນວນມະຫາສານໃນການພັດທະນາພື້ນຖານໂຄງ ລ່າງໂດຍສະເພາະແມ່ນຖະ ໜົນຫົນທາງ ເພື່ອຮັບປະກັນໃຫ້ການສັນຈອນໄປມາຂອງປະຊາຊົນມີຄວາມສະ ດວກປອດໄພ ​ໂດຍ​ສະ​ເພາະ​ແມ່ນ​​ໄລຍະ​ລະດູຝົນ, ແຕ່ຄຽງຄູ່ກັນນັ້ນກໍເຫັນວ່າ ຫລາຍເສັ້ນທາງທີ່ໄດ້ຮັບ ການກໍ່ສ້າງໃຫ້ດີແລ້ວຊ້ຳພັດກັບມາຕົກຢູ່ໃນສະພາບຊຸດໂຊມ, ເປີະເປື້ອນຍ້ອນຂາດການບົວລະບັດຮັກສາ ແລະ ຂາດການ ຄຸ້ມຄອງຢ່າງເຂັ້ມງວດໂດຍສະເພາະບັນດາເສັ້ນທາງທີ່ມີໂຄງການກໍ່ສ້າງອາຄານ, ສຳນັກງານ ແລະ ສູນການຄ້າຕ່າງໆໃນຕົວເມືອງແມ່ນຕົກຢູ່ໃນສະ ພາບເປີະເປື້ອນທີ່ສຸດເຊິ່ງຕົ້ນຕໍແມ່ນເກີດຈາກ ເສດ ດິນ-ຕົມ ຕິດຕາມຕີນລົດບັນທຸກດິນ-ຊາຍ ທີ່ແລ່ນເຂົ້າ-ອອກ ໃນໂຄງການກໍ່ສ້າງຕ່າງໆ ແລ້ວມາ ຢຽບໃສ່ເສັ້ນ ທາງຢາງຈົນເປີະເປື້ອນຢ່າງຂາດຄວາມຮັບພິຊອບເມື່ອຝົນຕົກລົງໃສ່ກໍກາຍເປັນຂີ້ຕົມໝື່ນ ແລະ ເມື່ອເວລາ ແດດອອກກໍກາຍ ເປັນຂີ້ຝຸນ ປິວໄຫງ່ໄປທົ່ວ ເຊິ່ງບັນຫາທັງໝົດນັ້ນ ລ້ວນແຕ່ສ້າງຄວາມຫຍຸ້ງ ຍາກສັບສົນ ຕໍ່ການສັນຈອນໄປມາໃຫ້ແກ່ສັງຄົມ, ກໍ່ໃຫ້ເກີດບັນຫາມົນລະພິດຕໍ່ສະ ພາບແວດລ້ອມ ແລະ ມີອຸປະຕິເຫດ ເກີດຂຶ້ນ ແລະ ອີກດ້ານໜຶ່ງການອະນາໄມເສັ້ນທາງໃນຕົວເມືອງຂອງໜ່ວຍງານຮັບຊອບ ໃນໄລຍະຜ່ານມາ ກໍເຫັນວ່າມີລັກສະນະງ່າຍດາຍສ່ວນໃຫຍ່ໃຊ້ພຽງລົດນ້ຳສີດລ້າງຂີ້ດິນລົງສູ່ຮ່ອງລະ ບາຍນ້ຳແຄມທາງຈົນໃນທີ່ສຸດເຮັດໃຫ້ຮ່ອງລະບາຍນ້ຳອັດຕັນ ແລະ ເກີດນ້ຳຖ້ວມຂັງຫລາຍຈຸດເມື່ອ ເວລາມີຝົນຕົກ.

ອາທິດຜ່ານມາເຈົ້າຫນ້າທີ່ຕຳຫລວດແກ້ໄຂຄະດີໄດ້ 25 ເລື່ອງ

         ຕາມ​ການ​ລາຍ​ງານ​ຈາກ​ກອງ​ບັນຊາ​ການ ປກສ ນະຄອນຫຼວງວຽງຈັນ ວ່າ: ​ໃນ​ຮອບ​ອາທິດ​ຜ່ານ​ມາ​ຄື: ນັບ​ແຕ່​ວັນ​ທີ 26 ມິ ຖຸນາ ຫາ 2 ກໍລະກົດ ​ເຈົ້າໜ້າທີ່​ກອງ​ຄະດີ ປກສ ນະຄອນຫຼວງ ສົມທົບ​ກັບ​ກອງ​ບັນຊາ​ການຕຳຫຼວດ​ເມືອງ​ອ້ອມ​ຂ້າງ ​ໄດ້​ຮ່ວມ​ພິຈາລະນາ​ແກ້​ໄຂ​ຄະດີ​ສຳຄັນ​ຕ່າງໆລວມມີ 25 ເລື່ອງ, ໃນ​ນັ້ນບັນຫາ​ພົ້ນ​ເດັ່ນ​ຍັງ​​ແມ່ນ​ຄະດີ​ຄ້າຂາຍ​​ຢາ​ເສບ​ຕິດ​ຈຳນວນ 20 ເລື່ອງ ​ແລະ ຄະດີ​ລັກ​ຊັບ​ພົນລະ​ເມືອງ 5 ເລື່ອງ

          ໃນ​ຈຳນວນ​ຄະດີ​ທັງໝົດທີ່​ເຈົ້າໜ້າທີ່​ຕຳຫຼວດ ພວມ​ເລັ່ງດຳ​ເນີນ​ການ​ແກ້​ໄຂ ປະກອບ​ຜູ້​ຕ້ອງ​ຫາ​ທັງໝົດ 40  ຄ​ົນ, ລວມມີ​ຂອງ​ກາງ​ທີ່​ເຈົ້າໜ້າທີ່​ຍຶດ​ໄດ້ລົດ​ກະບະ​ຍີ່​ຫໍ້​ຮຸນ​ໄດ 1 ຄັນ, ລົດຈັກ 4 ຄັນ, ປືນສັ້ນ 1 ກະບອກ,ເງິນ 40 ລ້ານ​ກີບ ​ແລະ ຢາ​ບ້າ 400 ກ່ວາ​ເມັດ, ຜູ້​ຕ້ອງ​ຫາ​ດັ່ງກ່າວ ​ໄດ້​ຖືກ​ເຈົ້າ ໜ້າທີ່ ກັກ​ຕົວ​ມາ​ດຳ​ເນ​ີນຄະດີ​ສ່ວນ​ໃຫຍ່ຈະ​ເປັນ​ໄລຍະນັບ​ແຕ່​ຕົ້ນ​ເດືອນມິຖຸນາຜ່ານ​ມາ ​ແລະ ມາ​ຮອດ​ດຽວນີ້ ບັນດາ​ຜູ້​ຕ້ອງ​ຫາ​ທີ່​ມີ​ໂທດໜັກ ​ໄດ້​ສົ່ງ​ຟ້ອງ​ໃຫ້​ໄອ​ຍະ​ການ, ສານ​ປະຊາຊົນຂັ້ນ ຕ່າງໆສືບຕໍ່ການ​ສືບ ສວນ-ສອບ​ສວນ ເພື່ອ​ສະ​ເໜີຟ້ອງ​ໃຫ້​​ໄອ​ຍະ​ການ ​ແລະ ສານຄົ້ນ​ຄ້ວາ​ພິຈາລະນາ​ຕັດສິນ​ຕາມ​ຂະ​ບວນການ​ຍຸຕິ​ທຳ. ສ່ວນ​ຜູ້​ຕ້ອງ​ຫາທີ່ຢູ່​ໃນ​ກໍລະນີ​ເບົາ​ເຈົ້າໜ້າທີ່​ຈະ​ເລັ່ງສືບສວນ- ສອບ​ສວນ ເອົາ​ໄປ​ສຶກສາ​ອົບຮົມຢູ່​ຕາມ​ສູນ​ຕ່າງໆພ້ອມ​ທຳ​ການ​ປັບ​ໃໝຕາມ​ລະບຽບຂອງ​ບ້ານ​ເມືອງ.

ໂຄງການກໍ່ສ້າງຂົວນ້ຳຂອງໄຊຍະບູລີ-ຫລວງພະບາງ ຈະສຳເລັດໃນທ້າຍປີນີ້

        ໃນວັນທີ 2 ກໍລະກົດນີ້, ທ່ານ ດຣ ລຽນ ທິແກ້ວ ເຈົ້າແຂວງໆໄຊຍະບູລີ ພ້ອມຄະນະໄດ້ລົງ ຕິດຕາມກວດກາໂຄງການກໍ່ສ້າງຂົວຂ້າມນ້ຳຂອງແຂວງໄຊຍະບູລີ-ຫລວງພະບາງ ເຊິ່ງພວມດຳເນີນ ການ ເຊື່ອມຈອດລະຫວ່າງສອງສົ້ນຂົວດ່ັງກ່າວ, ມາຮອດດຽວນີ້ ມີຄວາມຄືບໜ້າແລ້ວ 95% ຂອງໜ້າວຽກ ທັງໝົດ ເຊິ່ງເລີ່ມລົງມືກໍ່ສ້າງມາແຕ່ເດືອນພະຈິກ 2009, ຄາດວ່າຈະສຳເລັດໃນ ເດືອນກັນຍາໜ້ານີ້.       

         ໂຄງການກໍ່ສ້າງຂົວດັ່ງກ່າວ ໂດຍແມ່ນບໍລີສັດອີຈັງ-ກາບູລ ເປັນຜູ້ຮັບເໝົາກໍ່ສ້າງ, ລວມມູນ ຄ່າ ເກືອບ 10 ລ້ານໂດລາສະຫະລັດ, ໃນນີ້ມີທຶນກູ້ຢືມຈາກທະນາຄານພັດທະນາຂາເຂົ້າ- ຂາອອກ ແຫ່ງ ສ. ເກົາຫລີ 80% ແລະ ທຶນສົມທົບຂອງລັດຖະບານ 20%. ຂົວແຫ່ງນີ້ ຕັ້ງຢູ່ລະຫວ່າງ ບ້ານທ່າເດື່ອ ເມືອງ ແລະ ແຂວງໄຊຍະບູລີ ແລະ ບ້ານປາກຄອນ ເມືອງນານ ແຂວງຫລວງພະບາງ ເປັນຂົວເບຕົງເສີມເຫລັກ, ມີຄວາມຍາວ 620 ແມັດ, ກວ້າງກວ່າ 10 ແມັດ, ມີທາງຍ່າງ ສອງເບື້ອງໆລະ 1,25 ແມັດ, ທາງລົດ ແລ່ນ 8 ແມັດ, ມີ 6 ເລັນ, ມີ 5 ເສົາ, ສູງເສົາລະເກືອບ 50 ແມັດ, ສາມາດຮັບນ້ຳໜັກ 80 ໂຕນ. ພາຍຫລັງ ສຳເລັດການກໍ່ສ້າງຂົວແຫ່ງນີ້ ກໍຈະສືບຕໍ່ສ້າງທາງເຂົ້າຫາຂົວທັງສອງເບື້ອງທີ່ມີຄວາມຍາວທັງໝົດ 3,4 ກິ ໂລມັດ, ກວ້າງ 9 ແມັດ, ເປັເສັ້ນທາງປູຢາງ 2 ຊັ້ນ, ປັດຈຸບັນພວມລົງມືກໍ່ສ້າງ ໄດ້ 60% ຂອງໜ້າວຽກ ທັງໝົດ.

ເລີ່ມສຳຫລວດເຂື່ອນໄຟຟ້ານ້ຳຕົກນ້ຳແຖມຂະຫນາດນ້ອຍຢູ່ເມືອງວັງວຽງ

      ໃນວັນທີ 2 ກໍລະກົດນີ້, ຢູ່ພະແນກແຜນການ ແລະ ການລົງທຶນແຂວງວຽງຈັນ ໄດ້ມີພິທີເຊັນ ບົດ ບັນທຶກຄວາມເຂົ້າໃຈ (MOU) ເພື່ອສຶກສາຄວາມເປັນໄປໄດ້ຂອງໂຄງການພັດທະນາເຂື່ອນໄຟ ຟ້ານ້ຳຕົກ ນ້ຳແຖມຂະໜາດນ້ອຍ 15 ເມກາວັດ ຢູ່ບ້ານປາກເປາະ ເມືອງວັງວຽງ ແຂວງວຽງຈັນ ລະ ຫວ່າງທ່ານ ອຸດົງ ພົງໄພ ປະດິດຫົວໜ້າພະແນກແຜນການ ແລະ ການລົງທຶນແຂວງ ແລະ ທ່ານ ບຸດດາ ຄຳບັນຍາ ປະທານ ບໍລິສັດວຽງຈັນ WERC ຈຳກັດ ໂດຍຊ້ອງໜ້າທ່ານ ຄຳບົງ ຄອນສະ ຫວັນ ຫົວໜ້າພະແນກພະລັງງານ-ບໍ່ ແຮ່ແຂວງພ້ອມຜູ້ມີສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

     ປະທານບໍລິສັດດັ່ງກ່າວແຈ້ງໃຫ້ຮູ້ວ່າ: ພາຍຫລັງເຊັນສັນຍາ ກໍຈະໄດ້ລົງສຳຫລວດສຶກສາ ຄວາມເປັນ ໄປໄດ້, ການຕີລາຄາຜົນກະທົບເບື້ອງຕົ້ນຕໍ່ສິ່ງແວດລ້ອມ ແລະ ສັງຄົມເຊິ່ງມີກຳນົດ 18 ເດືອນ. ໃນໄລຍະ ຜ່ານມາບໍລິສັດຕົນໄດ້ລົງເກັບກຳຂໍ້ມູນ, ສຶກສາສຳຫລວດຂໍ້ມູນບາງສ່ວນແລ້ວ. ນອກນີ້ ຍັງສຳເລັດການທະລຸເສັ້ນທາງໄປເຖິງ ຈຸດທີ່ຈະພັດທະນາເຂື່ອນແລ້ວ 100% ແລະ ຄາດວ່າຈະໄດ້ລາຍງານຜົນຂອງການສຳຫລວດດັ່ງກ່າວໃຫ້ອຳນາດການປົກຄອງແຂວງກໍຄືພະແນກ ແຜນການ ແລະ ການ ລົງທຶນແຂວງວຽງ ຈັນໄດ້ຮັບຊາບພາຍໃນເດືອນມີນາ 2014 ນີ້. ໂຄງການນີ້ຖ້າສຳເລັດຈະສາມາດຜະລິດກະແສໄຟຟ້າໄດ້ 15 ເມກາວັດໃນລະດູຝົນ ແລະ ຄາດວ່າໃນລະດູແລ້ງຈະສາມາດຜະ ລິດກະແສໄຟຟ້າໄດ້ 10 ເມກາວັດ.