ເຈົ້າໜ້າທີ່ ປກສ ເມືອງໂພນທອງ ແຂວງຈຳປາສັກ
ໃຫ້ຮູ້ວ່າ: ໃນວັນທີ 7 ມັງກອນນີ້, ເວລາປະມານ 17:30 ໂມງ ໄດ້ຮັບແຈ້ງວ່າມີຄົນເສຍຊີວິດຢູ່ໜອງນ້ຳເຂດບ້ານໂນນຊັບ
ເມືອງໂພນທອງ, ເຈົ້າໜ້າທີ່ຈຶ່ງລົງກວດສະຖານທີ່ເກີດເຫດທັນທີ ແລະ ພົບສົບຍິງຄົນໜຶ່ງ
ອາຍຸ 14 ປີ ຢູ່ບ້ານໂນນ ຊັບ ເມືອງໂພນທອງ ແຂວງຈຳ ປາສັກ. ຜ່ານການສັນນະສູດສົບຜູ້ຕາຍແມ່ນຖືກຂົ່ມຂືນແລ້ວຂ້າ
ຖິ້ມລົງໜອງນ້ຳດັ່ງກ່າວ ໂດຍພໍ່ຂອງຜູ້ຕາຍໃຫ້ການກັບເຈົ້າໜ້າທີ່ວ່າ: ກ່ອນເກີດເຫດການສູນ
ເສຍທີ່ບໍ່ເພິ່ງປາດຖະໜານີ້, ລູກສາວຕົນໄດ້ອອກໄປນາໃນຕອນເຊົ້າ, ແຕ່ຈົນຮອດຕອນບ່າຍບໍ່ເຫັນມາ
ຈຶ່ງໄດ້ອອກໄປຊອກຫາຈົນໄປເຫັນເກີບຂອງລູກສາວຖິ້ມໄວ້ຢູ່ແຄມໜອງນ້ຳ ຈຶ່ງໄດ້ລົງຊອກຫາຢູ່ໜອງນ້ຳດັ່ງກ່າວ
ຈຶ່ງພົບສົບຂອງລູກສາວ.
ຈາກການສືບສວນສອບສວນຈຸດເກີດເຫດ ແລະ
ພະຍານຫລັກຖານ, ເຈົ້າໜ້າທີ່ຈຶ່ງຮູ້ວ່າ: ຜູ້ລົງມືຂົ່ມຂືນ ແລະ ຂ້າຍິງຄົນດັ່ງ
ກ່າວຄືທ້າວ ສົມໃຈ ຂັນຄູນ (ໜ້ອຍ) ອາຍຸ 27 ປີ ຢູ່ບ້ານໜອງສາລາ ເມືອງໂໂພນທອງ
ແຂວງຈຳປາສັກ ໂດຍຜູ້ກ່ຽວໄດ້ຮັບສາ ລະພາບວ່າ: ຕົນໄດ້ລົງມືຂົ່ມຂືນ ແລະ ຂ້າຍິງຄົນດັ່ງກ່າວແທ້
ເຊິ່ງກ່ອນລົງມືກໍ່ເຫດ, ຕົນ ແລະ ໝູ່ອີກ 1 ຄົນ ໄດ້ໄປຫວ່ານແຫຢູ່ໜອງນ້ຳດັ່ງກ່າວ
ແລະ ຫາກໍເສບຢາບ້າພໍດີ ເຫັນຜູ້ຕາຍຢູ່ເຂດໃກ້ຄຽງຈຶ່ງເກີດອາລົມທາງເພດ
ແລະ ໄດ້ລົງມືຂົ່ມຂື ແລະ ຂ້າ ໂດຍໄດ້ເອົາສົບ ຜູ້ຕາຍຖິ້ມລົງໜອງ ເພື່ອອຳພາງຄະດີ,
ສ່ວນໝູ່ອີກຄົນໜຶ່ງໄປຫວ່ານແຫນຳກັນ,ເຈົ້າໜ້າທີ່ຈະໄດ້ສອບສວນຕື່ມວ່າໄດ້ມີສ່ວນຮ່ວມໃນການກໍ່ເຫດ
ຫລື ບໍ່ ເພື່ອຈະໄດ້ດຳເນີນຄະດີຕາມລະບຽບກົດໝາຍ.
No comments:
Post a Comment