ຕະຫລອດທັງວັນຂອງວັນທີ 9 ມັງກອນນີ້, ຄະນະຜູ້ແທນຂະບວນຄາຣາວານ
“ຄືນສູ່ຖິ່ນກຳເນີດກອງທັບປະຊາຊົນລາວ” ຈາກນະຄອນຫລວງວຽງຈັນ ຜ່ານແຂວງວຽງຈັນ-ຊຽງຂວາງ-ຫົວພັນ,
ຊຶ່ງນຳໂດຍທ່ານ ສຈ.ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ ແລະ ທ່ານ ພົນຕີ ຈັນສະໝອນ ຈັນຍາລາດ ລັດຖະມົນ ຕີຊ່ວຍວ່າການກະຊວງປ້ອງກັນປະເທດ
ໄດ້ດຳເນີນການຢ້ຽມ ຢາມຊົມແຫລ່ງທ່ອງທ່ຽວທາງວັດທະນະທຳ ແລະ ປະຫວັດ ສາດຫລາຍແຫ່ງຢູ່ທີ່ແຂວງຊຽງຂວາງ
ໂດຍສະເພາະສະ ຖານທີ່ທ່ອງທ່ຽວວັດເພຍວັດ, ວັດສີພົມ, ກອງ ກ 1, ກອງ ຄ 258, ສູນວາງສະແດງຮູບຈຳລອງກອງພັນທີ
2 ຜ່າວົງປິດລ້ອມ ສັດຕູອອກຈາກທົ່ງໄຫຫີນ, ສູນວາງສະແດງສິ່ງເສດເຫລືອ ສົງຄາມ ແລະ ຂໍ້ມູນຂ່າວສານການທ່ອງທ່ຽວ,
ທົ່ງໄຫຫີນ 1 ແລະ ຊົມສະຖານທີ່ຜະລິດໄຫຫີນພູເກັງຕະຫລອດເຖິງການຂຶ້ນ ຊົມວິວຕົວເມືອງຊຽງຂວາງໃນຍາມຄ່ຳຄືນນຳອີກ.
ການຢ້ຽມຢາມແຕ່ລະແຫ່ງ ການນຳ ແລະ ພາກສ່ວນອົງ
ການຈັດຕັ້ງຕ່າງໆກໍໄດ້ມອບ ເງິນສົດ ແລະ ເຄື່ອງຊ່ວຍເຫລືອ ຈຳນວນໜຶ່ງເພື່ອປະກອບສ່ວນ ຊຸກຍູ້ເປັນກຳລັງໃຈໃຫ້ພະນັກ
ງານ-ນັກຮົບ ແລະ ປະກອບ ສ່ວນປະຕິສັງຂອນວັດວາອາ ຮາມ. ທົ່ງໄຫຫີນ 1 ຕັ້ງຢູ່ທາງ ທິດເໜືອຂອງໂພນສະຫວັນປະ
ມານ 8 ກິໂລແມັດ, ປະກອບ ມີ ໄຫຫີນທັງໝົດ 334 ໜ່ວຍ, ຈາກ
ການປະເມີນ ແລະ ວັດແທກຮອບ ໄຫໜ່ວຍໃຫຍ່ກວ່າໝູ່ມີນ້ຳໜັກ
ປະມານ 1.000 ກິໂລ ແລະ ມີ ລວງຮອບ 8,14 ແມັດ, ຈາກ ການຄົ້ນຄວ້າໃນປີ 1930-1935 ບອກວ່າ:
ໄຫຫີນມີອາຍຸ 2.500- 3.000 ປີ, ຈຶ່ງມີຂໍ້ສັງເກດວ່າຄົນ ສະໄໝ ກ່ອນຂົນຍ້າຍໄຫຫີນດ້ວຍວິທີໃດຈາກບ່ອນຜະລິດໄຫພູເກັງຫາທົ່ງໄຫຫີນ
1 ໄລຍະທາງ ເກືອບ 10 ກິໂລແມັດ ແລະ ຢູ່ບໍລິ ເວນດັ່ງກ່າວຍັງມີຖ້ຳທີ່ມີຄວາມ ລຶກລັບທາງດ້ານປະຫວັດສາດ
ອີກຫລາຍຢ່າງທີ່ໜ້າສຶກສາຄົ້ນ ຄວ້າໂດຍໃນໄລຍະຜ່ານມານັກ ທ່ອງທ່ຽວກໍໄດ້ເຂົ້າໄປທ່ຽວຊົມ ຢ່າງຫລວງຫລາຍ.
ສ່ວນສະຖານທີ່ຜະລິດໄຫ ຫີນພູເກັງຕັ້ງຢູ່ທາງທິດຕາເວັນ
ຕົກສ່ຽງເໜືອຂອງໂພນສະຫວັນ ປະມານ 15 ກິໂລແມັດ ຊຶ່ງ ໄດ້ ເປີດບໍລິການເປັນແຫລ່ງທ່ອງ ທ່ຽວໃນຕົ້ນປີ
2012 ຜ່ານມາ, ໂດຍອີງໃສ່ການເລົ່າຈາກປາກຕໍ່ປາກຂອງເຖົ້າແກ່ແນວໂຮມ ໃຫ້ຮູ້ວ່າ:ເມື່ອປີ ຄສ
1351 ຂຸນເຈືອງ ໄດ້ປົກຄອງເມືອງກັນ ຫລື ເມືອງພວນໃນໄລຍະດັ່ງກ່າວໄດ້ມີການແຜ່ອ ຳນາດເພື່ອຂະ
ຫຍາຍຂອບເຂດການປົກຄອງ, ເມື່ອຕໍ່ສູ້ສັດຕູໄດ້ຮັບໄຊຊະນະຢູ່ບ່ອນໃດກໍມີການສະຫລອງໄຊກັນທຸກຄັ້ງ.
ດັ່ງນັ້ນຂຸນເຈືອງ ຈຶ່ງໄດ້ສົ່ງເສນາອາມາດມາສ້າງໄຫຫີນຢູ່ພູເກັງແຫ່ງນີ້ ເພື່ອໄປໃສ່ເຫລົ້າ.
ພູເກັງເປັນພູທີ່ມີຫີນຫລາຍເໝາະສົມກັບການຜະລິດ ໄຫ, ອີງຕາມການຄົ້ນຄວ້າສຳຫລວດສັບເຈາະຫີນຢູ່ທົ່ງໄຫຫີນຂອງນັກວິທະຍາສາດໃນປັດຈຸບັນສາມາດສະ
ຫລຸບໄດ້ວ່າໄຫຫີນ ມີອາຍຸປະ ມານ 2.500-3.000 ປີ. ມາເຖິງ ຊຸມປີ 1960 ໄລຍະສົງຄາມຕໍ່ ຕ້ານກັບຈັກກະພັດອາເມລິກາ
ແລະ ລູກມືຂາຍ ຊາດຈອມພູເກັງໄດ້ກາຍເປັນສະໜາມຮົບຍຸດທະສາດທາງດ້ານການທະຫານຂອງກອງທັບປະຊາຊົນລາວໃນການປົດປ່ອຍທົ່ງ
ໄຫຫີນດ້ວຍຜົນສຳເລັດ.
ທ່ານ ຄຳເພັດ ພົມມະດວງ ໄກສອນຫົວໜ້າພະແນກຖະ ແຫລງຂ່າວ,
ວັດທະນະທຳ ແລະ ທ່ອງທ່ຽວ ແຂວງຊຽງຂວາງ ໃຫ້ຮູ້ວ່າ: ທົ່ວແຂວງມີແຫລ່ງທ່ອງທ່ຽວທາງດ້ານວັດທະນະ
ທຳ, ທຳມະຊາດ ແລະ ປະຫວັດສາດ ທັງໝົດປະມານ 300 ແຫ່ງ, ໂດຍໄລຍະຜ່ານມາໄດ້ມີການພັດທະນາ ແລະ
ເປີດບໍລິການແລ້ວ 42 ແຫ່ງ, ສະເພາະປີ 2014 ແຂວງໄດ້ມີແຜນຈະ ເປີດບໍລິການແຫລ່ງທ່ອງທ່ຽວແບບອະນຸລັກທຳມະຊາດປະຊາຊົນມີສ່ວນຮ່ວມເພື່ອສ້າງລາຍຮັບໃຫ້ຊຸມຊົນໃນການແກ້ໄຂ
ຄວາມທຸກຍາກ.
ສຳລັບແຫລ່ງລາຍຮັບຈາກ ການທ່ອງທ່ຽວໃນແຂວງຊຽງ ຂວາງສ່ວນໃຫຍ່ແມ່ນຈາກທົ່ງ
ໄຫຫີນ 1,2,3, ລວມເຖິງພູເກັງ ແລະ ບໍ່ນ້ຳຮ້ອນເມືອງຄຳ. ໃນປີ 2013 ຜ່ານມາມີນັກທ່ອງທ່ຽວ
ທັງພາຍໃນ ແລະ ຕ່າງປະເທດ ເຂົ້າມາທ່ຽວແຂວງຊຽງຂວາງ ປະມານ 43 ພັນເທື່ອຄົນ, ສ້າງ ລາຍໄດ້ໃຫ້ແຂວງໄດ້ເປັນຢ່າງດີ.
No comments:
Post a Comment