ໃນຕອນເຊົ້າວັນທີ 8 ມັງ ກອນນີ້ ຢູ່ເດີ່ນພະທາດຫລວງນະຄອນຫລວງ ວຽງຈັນ ໄດ້ມີພິທີເປີດຂະບວນຄາຣາວານສູ່ແຂວງຫົວພັນ” ສູ່ຖິ່ນກຳເນີດກອງທັບປະຊາຊົນລາວ”
ໃຊ້ເວລາທັງໄປ ແລະ ກັບ 5 ຄືນ 6 ວັນ ແຕ່ວັນທີ 8-13 ມັງກອນ 2014, ຊຶ່ງມີລົດ ເຂົ້າຮ່ວມໃນຂະບວນຄາຣາວານຄັ້ງນີ້ເຖິງ
51 ຄັນ ແລະ ຜູ້ເຂົ້າ ຮ່ວມ 200 ກວ່າຄົນ ໂດຍມີ ທ່ານ ອາຊາງ ລາວລີ ຮອງນາຍົກລັດຖະມົນຕີ,
ຜູ້ຊີ້ນຳວຽກງານວັດທະນະທຳສັງຄົມເຂົ້າຮ່ວມ.
ທ່ານ ສຈ.ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງ ຂ່າວ,
ວັດທະ ນະທຳ ແລະ ທ່ອງທ່ຽວ, ທັງເປັນຫົວໜ້າຄະນະຮັບຜິດຊອບຂະບວນຄາຣາວານ ໄດ້ກ່າວເປີດຂະບວນຄາຣາ ວານຄັ້ງນີ້ວ່າ:
ເພື່ອສະເຫລີມສະຫລອງວັນສ້າງຕັ້ງກອງທັບປະຊາຊົນລາວ ຄົບຮອບ 65 ປີ ຊຶ່ງເປັນການລ້ຳລຶກຫວນຄືນມູນເຊື້ອ
ປະຫວັດສາດອັນພິ
ລະອາດຫານຂອງປະຊາຊົນລາວບັນດາເຜົ່າເວົ້າລວມ, ເວົ້າສະເພາະວິລະກຳອັນລໍ້າເລີດ
ຂອງປະຊາຊົນແຂວງຊຽງຂວາງ ແລະ ແຂວງຫົວພັນ ພາຍໃຕ້ການຊີ້ນຳພາອັນປີຊາສາມາດຂອງບັນດາທ່ານຜູ້ນຳໃນເມື່ອກ່ອນ,
ພ້ອມທັງເປັນການໂຄ ສະນາເຜີຍແຜ່” ສປປ ລາວ ເປັນປະເທດທີ່ໜ້າທ່ອງທ່ຽວທີ່ສຸດໃນໂລກສຳລັບປີ
2013” ຊຶ່ງເປັນລາງວັນທີ່ໜ້າພາກພູມໃຈ ແລະ ເປັນກຽດຢ່າງຍິ່ງ ທີ່ສະ ພາການທ່ອງທ່ຽວ
ແລະ ການຄ້າ ຂອງສະຫະພາບເອີຣົບ ໄດ້ເປັນກຽດມອບໃຫ້ປະເທດລາວ ເມື່ອວັນທີ 9 ພຶດສະພາ
2013. ພ້ອມກັນນີ້ ກໍເປັນການໂຄສະນາລາຍການທ່ອງທ່ຽວຕາມເສັ້ນທາງວົງຈອນໃໝ່ເພື່ອສົ່ງເສີມການທ່ອງ
ທ່ຽວພາຍໃນ “ລາວທ່ຽວລາວ” ຄຽງຄູ່ກັບຄວາມອຸດົມສົມບູນທາງດ້ານແຫລ່ງທ່ອງທ່ຽວທຳມະຊາດ
ແລະ ວັດທະນະທຳ ຮ່ອງຮອຍທາງປະຫວັດ ສາດຫລາຍພັນປີຊຶ່ງຢັ້ງຢືນເຖິງຄວາມເປັນຊາດທີ່ເກົ່າແກ່ໄດ້ຮັບການປົກປັກຮັກສາ
ແລະ ສ້າງ ສາພັດທະນາໃຫ້ມີຄວາມຮຸ່ງເຮືອງມາໃນຫລາຍຍຸກຫລາຍສະໄໝ. ມູນເຊື້ອດັ່ງກ່າວຍິ່ງກ້າແກ່ນເຂັ້ມແຂງຜ່ານແປວໄຟຂອງສົງ
ຄາມຕີຕ້ານພວກຈັກກະພັດ ແລະ ລູກແຫລ້ງຕີນມືຜູ້ຮຸກຮານ ໄດ້ເກີດມີສະໝໍລະພູມທີ່ລືຊື່ຢູ່ໃນທົ່ວດິນແດນຂອງ
ສປປ ລາວ ຊຶ່ງປັດຈຸບັນ ໄດ້ກາຍເປັນສະຖານທີ່ທ່ອງທ່ຽວທາງປະຫວັດສາດ, ເປັນບ່ອນສຶກສາຮຽນຮູ້ວິລະກຳອັນລ້ຳເລີດຂອງບັນດາທ່ານຜູ້ນຳ,
ຮ່ຳຮຽນເອົານ້ຳໃຈພິລະອາດຫາດບໍ່ຍອມຈຳນົນຂອງພະ ນັກງານ, ນັກຮົບ ແລະ ປະຊາ ຊົນລາວບັນດາເຜົ່າ.
ຕາມເສັ້ນ ທາງຜ່ານຂອງຂະບວນ ຄາຣາ ວານໃນຄັ້ງນີ້, ຍັງຈະໄດ້ຊື່ນຊົມກັບຄວາມສວຍງາມຂອງທຳມະຊາດ,
ພູຜາປ່າໄມ້, ທົ່ງໄຮ່ທົ່ງນາ ແລະ ວິຖີຊີວິດຂອງປະຊາຊົນບັນ ດາເຜົ່າ ແລະ ຈະໄດ້ພ້ອມກັນທ່ຽວຊົມ
ແລະ ສຶກສາຮຽນຮູ້ບັນ ດາແຫລ່ງທ່ອງທ່ຽວທາງດ້ານປະຫວັດສາດທີ່ໂດດເດັ່ນ ແລະ
ມີຄວາມໝາຍສຳຄັນຈຳນວນໜຶ່ງ ຢູ່ສອງແຂວງຄື: ຢູ່ແຂວງ ຊຽງຂວາງມີ ທົ່ງໄຫຫີນ 1, ທົ່ງໄຫຫີນ
2, ບ່ອນຜະລິດໄຫຫີນທີ່ພູເກັງ, ເສັ້ນທາງຜ່າວົງປິດລ້ອມຂອງກອງພັນທີ 2, ຖ້ຳປິວເມືອງຄຳ.
ສຳລັບຢູ່ແຂວງຫົວພັນ ຈະທ່ຽວຊົມບັນດາຖ້ຳຂອງທ່ານຜູ້ນຳ ທີ່ເມືອງວຽງໄຊ, ຖິ່ນກຳເນີດຂອງ
ສປປ ລາວ ແລະ ຫັດຖະກຳຕໍ່ຜ້າໄໝທີ່ລືຊື່.
No comments:
Post a Comment