ທ່ານຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດ
ສົມສະຫວາດ ເລັ່ງສະຫວັດ ໄດ້ໃຫ້ຮູ້ໃນໂອກາດລົງເຄື່ອນໄຫວເຮັດວຽກ ແລະ ໂອ້ລົມຄະນະນຳແຂວງສະຫວັນນະເຂດ
ເມື່ອບໍ່ດົນນີ້ວ່າ: ລັດຖະບານໄດ້ຕັ້ງ ຄະນະກຳມະການສະເພາະກິດ 7 ໜ່ວຍງານ ຄືໜ່ວຍງານຕິດຕາມຊຸກຍູ້ການເກັບລາຍຮັບຂະແໜງພາສີ,
ສ່ວຍສາອາກອນ, ການຄ້າ, ທີ່ດິນ ແລະ ຊັບສິນຂອງລັດ, ໜ່ວຍງານກວດກາໄມ້ ແລະ ການຄ້າໄມ້,
ໜ່ວຍງານກວດກາຈຳນວນພົນລະເຮືອນ ແລະ ໜ່ວຍງານກວດກາຈຳ ນວນພົນໃນກອງກຳລັງປະກອບອາວຸດ
ເພື່ອຊຸກຍູ້ໃຫ້ການເກັບລາຍຮັບແຫ່ງຊາດໄດ້ຕາມແຜນກຳນົດໄວ້ປະກອບສ່ວນຮັບ ປະກັນສະຖຽນລະພາບຂອງເສດຖະກິດມະຫາພາກ,
ພາຍຫລັງສົກປີຜ່ານ ມາການເກັບລາຍຮັບງົບປະມານແມ່ນບໍ່ໄດ້ຕາມຄາດໝາຍ. ຂະນະດຽວກັນລາຍຈ່າຍກໍເພີ່ມສູງຂຶ້ນ
ທັງການເພີ່ມຂຶ້ນຂອງດັດຊະນີເງິນເດືອນ ແລະ ຂະແໜງການຕ່າງໆ. ຂະນະທີ່ກະຊວງການເງິນລາຍງານວ່າ:
ການເກັບລາຍຮັບໃນໄຕມາດທີ 1 ໄດ້ພຽງ 10 ກວ່າສ່ວນຮ້ອຍ ເຊິ່ງເປັນໂຕເລກທີ່ຕ່ຳ
ຫລາຍ.
ທັງ 7 ຄະນະສະເພາະກິດນີ້, ທ່ານນາຍົກລັດຖະມົນຕີ
ທອງສິງ ທຳມະວົງ ເປັນຜູ້ແຕ່ງຕັ້ງ ແລະ ມອບໃຫ້ທ່ານຮອງນາຍົກລັດຖະ ມົນຕີ ສົມສະຫວາດ
ເລັ່ງສະຫວັດ ເປັນຜູ້ຊີ້ນຳໂດຍກົງ ເພື່ອເຄື່ອນໄຫວຕິດຕາມຊຸກຍູ້ການເກັບລາຍຮັບໃນຂອບເຂດທົ່ວປະເທດ
ໂດຍໜ່ວຍງານເຫລົ່ານີ້ຈະປະສານສົມທົບກັບທ້ອງຖິ່ນ ເພື່ອກວດກາຄືນບັນດາຊ່ອງຫວ່າງທີ່ພາໃຫ້
ການເກັບລາຍຮັບບໍ່ໄດ້ເປັນຕົ້ນ ການຄຸ້ມຄອງຖານລາຍຮັບ, ການບໍ່ຖືບັນຊີຂອງພາກເອກະຊົນ,
ການຄຸ້ມຄອງທີ່ດິນ ແລະ ການຄຸ້ມຄອງລາຍຮັບຈາກການຂຸດຄົ້ນໄມ້ ໂດຍຈະນຳໃຊ້ມາດຕະການທີ່ເຂັ້ມງວດ
ແລະ ເອກະ ພາບ ເຊິ່ງທັງໝົດນີ້ແມ່ນການທົດສອບ ແລະ ກວດສອບຄືນເຖິງຄວາມຊື່ສັດບໍລິສັດຕໍ່ຊາດ,
ຕໍ່ພັກ- ລັດ ແລະ ຕໍ່ປະຊາຊົນ.
ກະຊວງການເງິນ ໃຫ້ຮູ້ວ່າ: ໃນສົກປີຜ່ານມາ
ສາມາດປະຕິ ບັດລາຍຮັບໄດ້ 26.288 ຕື້ກວ່າກີບ ເທົ່າກັບ 96,37% ຂອງແຜນ ການປີ
ແລະ ໃນສົກປີ 2013- 2014 ຈະສູ້ຊົນປະຕິບັດຄາດໝາຍລາຍຮັບບໍ່ໃຫ້ຫລຸດ
29.745 ຕື້ກີບ ເທົ່າກັບ 32,81% ຂອງ GDP ແລະ ທຽບໃສ່ປີຜ່ານມາເພີ່ມຂຶ້ນ 9,04% ໂດຍກະຊວງດັ່ງກ່າວເປີດເຜີຍວ່າ:
ໂຕເລກລາຍຮັບດັ່ງ ກ່າວແມ່ນຄາດໝາຍສະພາແຫ່ງຊາດໄດ້ຮັບຮອງໂຕເລກຕ່ຳສຸດ. ດັ່ງນັ້ນ
ບັນດາຂະແໜງການ ແລະ ທ້ອງຖິ່ນຕ້ອງຈັດຕັ້ງປະ ຕິບັດໃຫ້ໄດ້ຄາດໝາຍ ຫລື ລື່ນຄາດໝາຍບົນຈິດໃຈສູ້ຊົນບຸກບືນສູງ,
ຈຳກັດຊ່ອງຫວ່າງການຮົ່ວໄຫລຕົກເຮ່ຍເສຍຫາຍລາຍຮັບງົບປະມານໃຫ້ໄດ້ຢ່າງເປັນຮູບປະທຳ
ແລະ ເພີ່ມທະວີຄວາມເຂັ້ມງວດໃນການຈັດຕັ້ງປະຕິບັດລະບຽບກົດໝາຍກ່ຽວຂ້ອງຢ່າງເດັດຂາດ.
No comments:
Post a Comment