laophatthananewspaper: ສານຕັດສິນລົງໂທດຜູ້ກໍ່ຄວາມບໍ່ສະຫງົບໃນສັງຄົມຈຳຄຸກ 15 ປີ.

14 January 2014

ສານຕັດສິນລົງໂທດຜູ້ກໍ່ຄວາມບໍ່ສະຫງົບໃນສັງຄົມຈຳຄຸກ 15 ປີ.

ເມື່ອບໍ່ດົນມານີ້, ສານນະ ຄອນຫລວງວຽງຈັນ ໄດ້ຕັດສິນລົງໂທດນາງ ໝີ ອາຍຸ 25 ປີ ຢູ່ບ້ານສີດຳດວນ ເມືອງຈັນທະບູລີ ນະຄອນຫລວງວຽງຈັນ ຈຳຄຸກເປັນເວລາ 15 ປີ ແລະ ປັບໄໝເງິນອີກ 14 ລ້ານກີບ, ພາຍຫລັງນາງ ໝີ ກັບພັກພວກໄດ້ເຄື່ອນໄຫວປຸ້ນຊັບ ແລະ ລັກຊັບພົນລະເມືອງຫລາຍຄັ້ງ ໂດຍສະເພາະແມ່ນປຸ້ນ ແລະ ລັກລົດຈັກໄດ້ຈຳນວນຫລາຍສິບຄັນ ລວມທັງຄ້າຂາຍຢາເສບຕິດໃນຕົວເມືອງ ເຊິ່ງຖືກເຈົ້າໜ້າທີ່ກັກຕົວໄດ້ໃນເດືອນກັນຍາ 2010 ຜ່ານມາ.

ຂ່າວໃຫ້ຮູ້ອີກວ່າ: ໃນວັນທີ 7 ມັງກອນ 2014, ສານນະຄອນ ຫລວງວຽງຈັນ ໄດ້ຕັດສິນລົງໂທດທ້າວ ໝາກ ອາຍຸ 25 ປີ ແລະ ນາງ ສົມຫວັງ ອາຍຸ 19 ປີ ທັງສອງເປັນອ້າຍນ້ອງກັນ ຢູ່ບ້ານສີຖານເໜືອ ເມືອງສີໂຄດຕະບອງ ນະຄອນຫລວງວຽງຈັນ ໃຫ້ຈຳຄຸກຄົນລະ 5 ປີ ແລະ ປັບໄໝເງິນຜູ້ລະ 10 ລ້ານກີບ ໃນຄະດີມົ້ວສຸມ ແລະ ຄ້າຂາຍຢາເສບຕິດມາເປັນເວລາດົນໃນເຂດເມືອງສີໂຄດຕະບອງ ໂດຍທັງສອງຖືກເຈົ້າ ໜ້າທີ່ຈັບໄດ້ໃນກາງປີ 2013 ຜ່ານມາ ພ້ອມຂອງກາງຢາເສບຕິດຈຳນວນໜຶ່ງ.