ກົມອາຊຽນ,ກະຊວງການຕ່າງປະເທດ ໄດ້ຈັດກອງປະຊຸມສະຫລຸບການເຄື່ອນໄຫວວຽກງານອາຊຽນຂອງ
ສປປ ລາວ ຂຶ້ນ ໃນວັນທີ 13 ມັງກອນນີ້, ຢູ່ສູນເຝິກອົບຮົມ ແລະ ຮ່ວມມືສາ ກົນ ໂດຍການໃຫ້ກຽດເປັນປະ
ທານ ຂອງ ທ່ານ ອາລຸນແກ້ວ ກິດຕິຄຸນ ລັດຖະມົນຕີຊ່ວຍວ່າ ການກະຊວງການຕ່າງປະເທດ
ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງລາວ, ມີບັນດາຜູ້ຮັບຜິດ ຊອບຈຸດປະສານງານອາຊຽນຂອງກະຊວງ,
ຂະແໜງການ, ອົງການທຽບເທົ່າອ້ອມຂ້າງສູນກາງ, ຕາງໜ້າສະພາການຄ້າ ແລະ ອຸດ ສາຫະກຳ,
ສະ ມາຄົມກຸ່ມທຸລະກິດລາວເຂົ້າ ຮ່ວມຈຳນວນຫລາຍ.
ກອງປະຊຸມຄັ້ງນີ້, ໄດ້ສະ ຫລຸບ ແລະ ຕີລາຄາຄືນຜົນສຳເລັດ,
ຂໍ້ຄົງຄ້າງ, ສິ່ງທ້າທາຍໃນການຈັດຕັ້ງປະຕິບັດບັນດາກິຈະກຳ ແລະ ມາດຕາການຕ່າງໆ
ໃນໜຶ່ງປີຜ່ານມາພາຍໃຕ້ແຜນແມ່ບົດ 3 ເສົາຄ້ຳຄື: ປະຊາຄົມການເມືອງ-ຄວາມໝັ້ນຄົງອາ
ຊຽນ,
ປະຊາຄົມເສດຖະກິດອາຊຽນ ແລະ ປະຊາຄົມວັດທະນະທຳ- ສັງຄົມອາຊຽນ. ພ້ອມດຽວກັນນີ້
ກອງປະຊຸມຍັງໄດ້ຮັບຊາບສະ ພາບການຂອງພາກພື້ນ ແລະ ສາ
ກົນທີ່ພົ້ນເດັ່ນໃນປະຈຸບັນ,
ໄດ້ແລກປ່ຽນ ແລະ ຖອດຖອນບົດ ຮຽນຊຶ່ງກັນ ແລະ ກັນ ເພື່ອປັບ ປຸງຂອບປະສານງານ
ແລະ ກະ ກຽມຄວາມພ້ອມໃນແຕ່ລະດ້ານເປັນຕົ້ນແມ່ນ ດ້ານບຸກຄະລາກອນ, ນິຕິກຳ, ໂຄງລ່າງພື້ນ
ຖານ, ຜະລິດຕະພັນ ແລະ ບັນຫາອື່ນໆທີ່ກ່ຽວຂ້ອງ ເພື່ອກຽມພ້ອມເຂ້ົາປະຊາຄົມອາຊຽນ
ໂດຍສະເພາະແມ່ນການເຂົ້າຮ່ວມປະຊາຄົມເສດຖະກິດອາຊຽນ ແລະ ການກະກຽມເປັນປະທານອາ
ຊຽນ ຂອງ ສປປ ລາວ ໃນປີ 2016.
ຕະຫລອດໄລຍະໜຶ່ງປີ ຜ່ານມາ, ສປປ ລາວ ໄດ້ປະກອບ
ສ່ວນຢ່າງຫ້າວຫັນໃນການຈັດ ຕັ້ງປະຕິບັດພັນທະຂອງຕົນຢ່າງມີຄວາມຮັບຜິດຊອບສູງ,
ເປັນ ຕົ້ນແມ່ນໄດ້ເປັນເຈົ້າພາບກອງປະຊຸມລັດຖະມົນຕີອາຊຽນວ່າດ້ວຍການຕ້ານອາດສະຍາກຳຂ້າມຊາດ
ຄັ້ງທີ 9, ກອງປະຊຸມຜູ້ບັນຊາການທະຫານອາກາດສູງສຸດ ຄັ້ງທີ 10,ກອງປະຊຸມເຈົ້າໜ້າທີ່ອາວຸໂສວ່າດ້ວຍກົດໝາຍອາຊຽນຄັ້ງທີ
15, ກອງປະຊຸມອົງ ການຕ້ານການສໍ້ລາດບັງຫລວງຂົງເຂດອາຊີ-ຕາເວັນອອກສຽງໃຕ້ຄັ້ງທີ
9, ກອງປະຊຸມລັດຖະ ມົນຕີຂົນສົ່ງອາຊຽນຄັ້ງທີ 19 ແລະ ກອງປະຊຸມເຈ້ົາໜ້າທີ່ອາວຸໂສຂົນສົ່ງອາຊຽນຄ້ັງທີ
36, ກອງປະຊຸມລັດຖະມົນຕີປ່າໄມ້ອາຊຽນໃນຄັ້ງທີ 35, ກອງປະຊຸມລັດຖະມົນຕີທ່ອງທ່ຽວອາຊຽນ
ຄ້ັງທີ 12 ແລະ ກອງປະຊຸມລັດ ຖະມົນຕີກິລາອາຊຽນ ຄັ້ງທີ 2. ກອງປະຊຸມຄັ້ງນີ້ ໄດ້ຮັບທຶນສະ
ໜັບສະໜູນຈາກໂຄງການຊ່ວຍເຫລືອວຽກງານອາຊຽນ ໄລຍະ 3 ຂອງອົງການສະຫະປະຊາຊາດເພື່ອການພັດທະນາ.
No comments:
Post a Comment