ສະຖາບັນວິຈິດສິນແຫ່ງຊາດ ແລະ ຄະນະສິລະປະກຳສາດມະ
ຫາວິທະຍາໄລຂອນແກ່ນປະເທດໄທ ໄດ້ຈັດງານວາງສະແດງຜົນ ງານພາບຖ່າຍໃນໂອກາດຈັດ
ໂຄງການເຝິກອົບຮົມວິຊາການ ຖ່າຍພາບສິລະປະ ແລະ ວັດທະ ນະທຳ ໃນລະຫວ່າງວັນທີ
10-13 ມັງກອນນີ້, ມີນັກສຳມະກອນ ຈາກສະຖາບັນວິຈິດສິນແຫ່ງຊາດ ລາວ 15 ຄົນ ແລະ
ປະເທດໄທ 40 ຄົນ ໄດ້ນຳເອົາຜົນງານການຖ່າຍພາບຢູ່ລາວ ແລະ ປະເທດໄທຈຳນວນ 68
ກວ່າຮູບ, ພ້ອມປຶ້ມສູນທິບັດຈຳນວນ 300 ກວ່າເຫລັ້ມ. ພິທີໄດ້ຈັດຂຶ້ນໃນວັນທີ
13 ມັງກອນນີ້, ຢູ່ສະຖາບັນວິຈິດສິນແຫ່ງຊາດໂດຍມີ ທ່ານໄມ່ສິງ ຈັນບຸດດີ ຫົວໜ້າສະຖາບັນວິຈິດສິນແຫ່ງຊາດ,
ທ່ານ ຮສຈ.ດຣ. ສະເຫລີມສັກ ພິກຸນສີ ຄະນະບໍດີສິລະປະກຳສາດ ມະ ຫາວິທະຍາໄລຂອນແກ່ນ,
ມີບັນ ດານັກສິລະປິນແຫ່ງຊາດ, ນັກສຶກສາ, ພ້ອມດ້ວຍນັກສຳມະນາກອນເຂົ້າຮ່ວມ.
ທ່ານ ໄມ່ສິງ ຈັນບຸດດີ ກ່າວວ່າ: ໂຄງການອົບຮົມການຖ່າຍພາບສິລະປະວັດທະນະທຳແມ່ນກິດຈະກຳໜຶ່ງຢູ່ໃນການ
ຮ່ວມມືໃນໂຄງການມໍລະດົກລ້ານຊ້າງທີ່ໄດ້ເລີ່ມແຕ່ປີ
2011- 2013 ລະ ຫວ່າງກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ກັບມະຫາວິທະຍາໄລຂອນແກ່ນ
ປະເທດໄທ ໄດ້ມີການແລກປ່ຽນຮຽນຮູ້ການຖ່າຍພາບຈາກຊ່າງຖ່າຍພາບທີ່ມີຄວາມຊ່ຽວຊານໂດຍກົງ,
ໄດ້ມີການຮຽນຮູ້ເຖິງ ຄວາມສຳຄັນຂອງວິຖີຊິວິດ ແລະ ສິລະປະວັດທະນະທຳໃນກຸ່ມປະເທດພາກພື້ນລຸ່ມແມ່ນ້ຳຂອງເວົ້າລວມໂດຍສະເພາະແມ່ນວິຖີຊີວິດ
ແລະ ສິລະປະວັດທະນະທຳຂອງຄົນລາວ, ຮຽນຮູ້ເຖິງເຕັກນິກການນຳໃຊ້ກ້ອງຖ່າຍໃຫ້ຖືກ
ຕ້ອງຕາມຫລັກວິຊາການ, ຮຽນຮູ້ການຖ່າຍພາບໃຫ້ເປັນມິຕິສິລະປະພາບແຫ່ງຄວາມງາມ.
ທີ່ສຳ ຄັນແມ່ນການສ້າງສັນຄວາມສຳພັນ, ຄວາມສາມັກຄີທີ່ດີຕໍ່ກັນ ການຮ່ວມມືຊ່ວຍເຫລືອຊຶ່ງກັນ
ແລະ ກັນ ຄວາມຮັກແພງກັນລະຫວ່າງນັກສຶກສາ, ຄູອາຈານ, ບຸກຄະລາກອນທັງສອງສະຖາບັນໂດຍອາໄສກິດຈະກຳດ້ານສິ
ລະປະວັດທະນະທຳເປັນສື່ ແລະ ເປັນເອກະລັກຂອງສິລະປະວັດທະນະທຳເປັນໜຶ່ງດຽວໃນປະເທດປະຊາຄົມອາຊຽນໃນປີ
2015.
No comments:
Post a Comment