ວັນທີ 7 ມັງກອນນີ້, ທ່ານ ສີສະຫວາດ ແກ້ວບຸນພັນ,
ອະດີດກຳມະການກົມການເມືອງສູນ ກາງພັກ, ອະດີດປະ ທານສູນກາງແນວລາວສ້າງຊາດ
ໄດ້ເລົ່າຄືນມູນເຊື່ອວັນສ້າງຕັ້ງກອງທັບປະ ຊາຊົນລາວຄົບ ຮອບ 65 ປີ ຢູ່ຫໍວັດທະນະທຳ
ແຂວງຫລວງນ້ຳທາ ຊຶ່ງທ່ານ ດຣ. ພິມມະສອນ ເລືອງຄຳມາ, ກຳມະການສູນກາງພັກ, ເລຂາພັກແຂວງ,
ເຈົ້າແຂວງໆຫລວງນ້ຳທາ, ມີບັນດາທ່ານການນຳຂັ້ນແຂວງ, ແນວລາວສ້າງຊາດແຂວງ, ອະດີດການນຳ,
ພະນັກງານປະຕິວັດອາວຸໂສ-ບຳນານ, ຫົວໜ້າ ແລະ ຮອງຫົວໜ້າພະແນກການ, ອົງ ການທຽບເທົ່າ,
ລັດວິສາຫະກິດ, ທະນາຄານ, ຄະນະພັກ, ນາຍ ແລະ ພົນທະ ຫານ, ນາຍ ແລະ ພົນຕຳຫລວດ, ຄະນະພັກເມືອງຫລວງນ້ຳທາ,
ຜູ້ຕາງໜ້າຄູ-ອາ ຈານ ແລະ ແພດໜໍເຂົ້າຮ່ວມຮັບຟັງທັງໝົດ 600 ກວ່າທ່ານ.
ໃນພິທີ ທ່ານ ສີສະຫວາດ ແກ້ວບຸນພັນ
ໄດ້ຍົກໃຫ້ເຫັນການກຳເນີດ ແລະ ເຕີບໃຫຍ່ຂະ ຫຍາຍຕົວ ຂອງກອງທັບປະຊາ ຊົນລາວ
ເຊິ່ງໄດ້ສ້າງຕັ້ງຂຶ້ນໃນວັນທີ 20 ມັງກອນ 1949 ຢູ່ເຂດລາວຮຸ່ງພຽງສາ ເມືອງຊຽງຄໍ້
ແຂວງຫົວພັນ ໂດຍແມ່ນທ່ານ ໄກສອນ ພົມວິຫານ ເປັນຜູ້ບັນຊາການໂດຍກົງ ເຊິ່ງໃນເວລານັ້ນເອີ້ນ
ວ່າ: ກອງທັບລາວອິດສ ະຫລະ ໂດຍພາຍໃຕ້ການຊີ້ນຳ- ນຳພາຂອງພັກທີ່ມີແນວທາງການເມືອງ,
ການທະຫານອັນ ຖືກຕ້ອງ ແລະ ປະດິດສ້າງຂອງ ກອງທັບປະຊາຊົນລາວໄດ້ ເຕີບໃຫຍ່ເຂັ້ມແຂງ ແລະ ກ້າວຂຶ້ນ
ຍາດເອົາໄຊຊະນະຢ່າງເນື່ອງນິດລຽນຕິດ, ກອງທັບປະຊາຊົນລາວ ໄດ້ສາມັກຄີກັບກອງທັບປະຊາຊົນ
ບັນດາປະເທດສັງຄົມນິຍົມອ້າຍນ້ອງ ແລະ ບັນດາປະເທດເພື່ອນມິດທີ່ກ້າວໜ້າໃນໂລກ
ໂດຍສະເພາະແມ່ນຄວາມສາມັກ ຄີ ຮ່ວມສຳພັນສູ້ຮົບກັບກອງທັບ ແລະ ປະຊາຊົນອ້າຍນ້ອງ.
ພ້ອມນີ້, ທ່ານ ສີສະຫວາດ ແກ້ວບຸນພັນ ຍັງໄດ້ຫວນຄືນໄຊຊະນະບັ້ນຮົບປົດປ່ອຍຫລວງນ້ຳທາ
ໃນປີ 1962 ເຊິ່ງເປັນບັ້ນຮົບທົດສອບທຳອິດ ເພື່ອໃຫ້ເຫັນແຈ້ງກ່ຽວກັບຄວາມສາ
ມາດຂອງກອງທັບປະຊາຊົນລາວໃນການ ຕີເອົາຊະນະກັບຈັກກະພັດ ແລະ ລູກແຫລ້ງຕີນມືໃນສະໜາມຮົບຢູ່ປະເທດເຮົາ
ແລະ ບັນດາສະໜາມຮົບຢູ່ອິນດູຈີນ.
ການຈັດຕັ້ງປາຖະກະຖາວັນສຳຄັນດັ່ງກ່າວ
ແມ່ນແນໃສ່ເຮັດໃຫ້ພະນັກງານ, ສະມາຊິກພັກພາຍໃນແຂວງຫລວງ ນ້ຳທາໄດ້ຮັບຮູ້, ກຳແໜ້ນມູນເຊື້ອ
ແລະ ຜົນງານຂອງກອງທັບປະຊາຊົນລາວ, ທັງເປັນການສຶກສາອົບ ຮົມນ້ຳໃຈຮັກຊາດ, ນ້ຳໃຈຕໍ່ສູ້ເດັດດ່ຽວບໍ່ຍອມຈຳນົນ
ແລະ ນ້ຳໃຈເສຍສະຫລະອັນສູງສົ່ງຕໍ່ປະເທດຊາດຂອງກອງທັບ ກໍຄື ປະຊາຊົນ ແລະ ປັດຈຸບັນກອງ ທັບປະຊາຊົນລາວໄດ້ເສີມຂະ
ຫຍາຍມູນເຊື້ອຂອງຕົນໃນການປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງພັກຕາມບົດບາດ ຂອງຕົນຢ່າງສົມກຽດໃນພາລະ
ກິດປົກປັກຮັກສາ ແລະ ສ້າງສາພັດທະນາປະເທດຊາດ.
ໂອກາດນີ້, ທ່ານ ສີສະຫວາດ ແກ້ວບຸນພັນ
ຍັງໄດ້ນຳເອົາປື້ມ ພົນເອກ ສີສະຫວາດ ແກ້ວບຸນພັນ ຫຼໍ່ຫຼອມ ແລະ ເຕີບໃຫຍ່ໃນແປວໄຟປະຕິວັດ,
ຢາປົວພະຍາດ ແລະ ເຄື່ອງນຸ່ງຫົ່ມຈຳ ນວນໜຶ່ງມອບໃຫ້ແຂວງຫລວງນ້ຳທາ.
No comments:
Post a Comment