ແຜນການຮ່ວມມືດ້ານເສດຖະກິດອະນຸພາກພື້ນແມ່ນ້ຳ
ຂອງໂດຍມີຈຸດປະສົງເພື່ອສົ່ງເສີມການພັດທະນາເສດຖະ ກິດ- ສັງຄົມຂອງບັນດາປະເທດອະນຸພາກພື້ນແມ່ນ້ຳຂອງ.
ບັນດາປະເທດອະນຸພາກພື້ນແມ່ນ້ຳຂອງ(GMS)
ໄດ້ມີວິໄສທັດວ່າ: ແຜນງານຮ່ວມມືຄວນມີການຊ່ວຍເຊື່ອມຕໍ່ປະເທດຂອງຕົນໂດຍຜ່ານການປັບປຸງໂຄງລ່າງ
ພື້ນຖານ, ດ້ວຍເຫດນັ້ນຈຶ່ງໄດ້ສົ່ງເສີມການຄ້າ ແລະ ການລົງທຶນ ເພື່ອເປັນການກະຕຸ້ນການເຕີບໂຕທາງດ້ານເສດຖະ
ກິດໃນອະນຸພາກພື້ນ ໃຫ້ດີຂື້ນກວ່າເກົ່າ. ເພື່ອຊ່ວຍເຮັດໃຫ້ວິໄສທັດດັ່ງກ່າວປະກົດຜົນເປັນຈິງ
ແລະ ແກ້ໄຂບັນຫາໃນອະນຸພາກພື້ນ, ແຜນງານ ແລະ ໂຄງການບູລິມະສິດ ໄດ້ຖືກກຳນົດຂຶ້ນ
ແລະ ຈັດຕັ້ງປະຕິບັດຢູ່ໃນ ຫລາຍໆຂະແໜງການ. ບັນດາປະເທດ GMS ໄດ້ລວມເອົາບັນ ດາແຜນງານທີ່ມີກິດຈະກຳພົວ
ພັນກັນ ເຂົ້າມາຮ່ວມກັນ ໂດຍກຳນົດໃຫ້ເປັນຂອບຍຸດທະສາດທີ່ກວມລວມສຳຫລັບການພັດທະ
ນາອະນຸພາກພື້ນ, ເຊິ່ງມີສຸມໃສ່ 5 ໜ້າທີ່ຍຸດທະສາດເຊັ່ນ: ສ້າງຄວາມເຂັ້ມແຂງໃຫ້ແກ່ການເຊື່ອມຕໍ່ດ້ານໂຄງລ່າງພື້ນຖານ;
ອຳນວຍຄວາມສະດວກໃຫ້ແກ່ ການຄ້າ, ການລົງທຶນ ແລະ
ການ ທ່ອງທ່ຽວຂ້າມຜ່ານຊາຍແດນ;
ເພີ່ມທະວີສົ່ງເສີມການເຂົ້າຮ່ວມຂອງພາກເອກະຊົນ ແລະ ປັບປຸງຄວາມສາມາດໃນການແຂ່ງຂັນ;
ການພັດທະນາຊັບພະນາກອນມະນຸດ ແລະ ຄວາມສາມາດດ້ານທັກສະ ແລະ ປົກປ້ອງສິ່ງແວດລ້ອມ
ແລະ ສ່ົ່ງເສີມການນຳໃຊ້ ຊັບພະຍາກອນທຳມະຊາດແບບຍືນຍົງ.
ຕໍ່ກັບຈຸດສຸມແຜນງານ ແລະ ກອບຍຸດທະສາດດັ່ງກ່າວ
ບັນດາປະເທດGMS ໄດ້ກຳນົດ ແລະ ຕົກລົງນຳກັນໂດຍມີ 11 ໂຄງການ ເພື່ອຊຸກຍູ້ການຈະເລີນເຕີບໂຕທາງດ້ານເສດຖະກິດ
ແລະ ຫລຸດຜ່ອນຄວາມທຸກຍາກໃນອະນຸພາກພື້ນ ເຊັ່ນ: ແລວທາງເສດຖະກິດເໜືອ-ໃຕ້;
ແລວທາງເສດຖະກິດຕາເວັນອອກ-ຕາເວັນຕົກ; ແລວທາງເສດຖະກິດພາກໃຕ້; ກະດູກສັນ
ຫລັງໂທລະຄົມມະນາຄົມ; ການຈັດການກ່ຽວກັບການເຊື່ອມ ແລະ ການຄ້າພະ ລັງງານໃນອະນຸພາກພື້ນ;
ການອຳນວຍຄວາມສະດວກ ໃຫ້ແກ່ການຄ້າ ແລະ ການລົງທຶນຂ້າມຜ່ານຊາຍແດນ; ເພີ່ມທະວີການເຂົ້າຮ່ວມຂອງພາກເອກະຊົນ
ແລະ ປັບປຸງຄວາມສາມາດແຂ່ງຂັນ; ພັດທະນາຊັບພະຍາກອນມະນຸດ ແລະ ຄວາມສາມາດທັກສະ;
ປົກປັກຮັກສາສິ່ງແວດລ້ອມ ແລະ ການນຳໃຊ້ຊັບພະຍາກອນທຳມະຊາດແບບຍືນຍົງ; ການຄວບຄຸມ
ແລະ ການຄຸ້ມຄອງຊັບພະຍາກອນນ້ຳ ແລະ ພັດທະນາການທ່ອງທ່ຽວຂອງບັນດາປະເທດອະນຸພາກພື້ນ
ແມ່ນ້ຳຂອງ.
ບັນດາປະເທດ GMS ໄດ້ສະໜັບສະໜູນ ບັນດາແຜນງານຕ່າງໆ
ພ້ອມທັງຢືນຢັນວ່າ: ບັນ ດາແຜນງານດັ່ງກ່າວມີຄວາມສາມາດໃຊ້ໄດ້ຕາມເປົ້າໝາຍ
ແລະ ຈຸດປະສົງຂອງການຮ່ວມມືໃນອະນຸພາກພື້ນ ແລະ ໄດ້ຢັ້ງຢືນວິທີການຂອງແຜນງານທີ່ເນັ້ນໃສ່ພາກປະຕິບັດຕົວຈິງ
ເປັນການແນໃສ່ເພື່ອດຳເນີນງານ ທີ່ມີຜົນໄວ້ວາງໃຈຊຶ່ງກັນ ແລະ ກັນ ເຊິ່ງເຮັດໃຫ້ບັນດາປະເທດ
GMS ສາມາດເລັ່ງການຈັດຕັ້ງປະຕິບັດ ບັນດາໂຄງການ ແລະ ຂໍ້ລິເລີ່ມການຮ່ວມມືອະນຸພາກພື້ນທີ່ເປັນບູລິມະສິດຢ່າງມີຜົນສຳເລັດຫລາຍໆດ້ານໃນການພັດທະນາຂອງບັນດາປະເທດ
GMS. ບັນ ດາແຜນງານຕ່າງໆຍັງໄດ້ລ ະດົມການຊ່ວຍເຫລືອດ້ານການເງິນທີ່ມີຈຳນວນເພີ່ມຂື້ນ
ຈາກບັນດາຄູ່ຮ່ວມພັດທະນາ ແລະ ຜູ້ມີສ່ວນຮ່ວມສຳຄັນອື່ນໆ ໂດຍສະແດງອອກ ແລະ
ເຫັນໄດ້ໃນການເກີດໝາກ ຜົນຢ່າງຊັດເຈນອອກມາໃນ 11ໂຄງການ ແລະ ໄດ້ປະກອບສ່ວນຕໍ່ການຈະເລີນເຕີບໂຕດ້ານເສດຖະກິດ
ແລະ ຫລຸດ ຜ່ອນຄວາມທຸກຍາກໃນອະນຸ ພາກພື້ນກໍຄືການເຮັດໃຫ້ບັນດາປະເທດ GMS ມີຄວາມວັດທະ
ນາ, ປະສົມປະສານ ແລະ ມີ ຄວາມປອງດອງກົມກຽວກັນ ແລະ ປາກົດເປັນຈິງໃນຂອບເຂດທີ່ກວ້າງຂວາງອອກ.ຍອດຜະລິດຕະພັນພາຍໃນອະນຸພາກພື້ນແມ່ນ້ຳຂອງ
ໄດ້ເຕີບໂຕໃນແຕ່ ລະປີ ລາຍຮັບຕົວຈິງກໍໄດ້ເພີ່ມຂື້ນກວ່າ 3 ເທື່ອ, ສະພາບຄວາມ
ທຸກຍາກໃນບັນດາປະເທດ GMS ອິງຕາມຂິດຄວາມທຸກຍາກແຫ່ງຊາດ
ແມ່ນໄດ້ຫລຸດລົງຢ່າງຫລວງຫລາຍ ແລະ ບັນດາປະເທດ GMS ໄດ້ສ້າງຄວາມຄືບໜ້າທີ່ສຳຄັນໃນການບັນລຸເປົ້າໝາຍສະຫັດສະວັດ
ເພື່ອການພັດທະນາ(MDGs). ບັນດາປະເທດ GMS ໄດ້ການເປັນປະເທດທີ່ມີເສດຖະກິດເປີດກວ້າງຫລາຍຂຶ້ນ
ແລະ ອັດຕາການລົງທຶນກໍໄດ້ເພີ່ມຂຶ້ນຢ່າງຫລວງ ຫລາຍສຳລັບບັນດາປະເທດ.
No comments:
Post a Comment