ໃນວັນທີ 6 ມັງກອນນີ້, ຢູ່ສະມາຄົມນັກຂ່າວແຫ່ງ ສປປ ລາວ
ໄດ້ມີການຖະແຫລງຂ່າວ ການຈັດເທສະການອາຫານລາວ ປະຈຳປີ 2014 ໃນລະຫວ່າງວັນທີ
16-18 ມັງກອນນີ້ ຢູ່ເດີ່ນຫໍວັດ ທະນະທຳແຫ່ງຊາດ, ນະຄອນ ຫລວງວຽງຈັນ. ເຊິ່ງແມ່ນສະ
ມາຄົມນັກທຸລະກິດແມ່ຍິງລາວ ໂດຍພາຍໃຕ້ການຊີ້ນຳ ແລະ ນຳ ພາຂອງສູນກາງສະຫະພັນແມ່
ຍິງລາວຈັດຂຶ້ນ.
ທ່ານນາງ ຈັນທະຈອນ ວົງໄຊ ປະທານຄະນະກຳມະການຈັດງານ
ເທສະການອາຫານລາວປະຈຳປີ 2014 ໄດ້ກ່າວວ່າ : “ ຈຸດປະສົງໃນການຈັດງານເທ ສະການອາຫານພື້ນເມືອງລາວຄັ້ງທີ
9 ປີ 2014 ນີ້ ເພື່ອເປັນການສືບຕໍ່ຊຸກ ຍູ້
ແລະ ສົ່ງເສີມທຸກຫົວໜ່ວຍທຸລະກິດຂອງແມ່ຍິງ ນັບແຕ່ການຜະລິດ, ປູກພືດກະ ສິກຳ,
ລ້ຽງສັດ, ປຸງແຕ່ງ, ທຸລະກິດຮ້ານອາຫານ, ໂຮງຮຽນ, ສະຖາບັນທີ່ເຝິກອົບຮົມການປຸງແຕ່ງອາ
ຫານຢູ່ນະຄອນຫລວງວຽງຈັນ ແລະ ແຂວງຕ່າງໆພາຍໃນປະເທດໃຫ້ມີໂອກາດມາວາງສະແດງ ແລະ ຂາຍຜະລິດຕະພັນຂອງຕົນ. ພ້ອມກັນນີ້ ຍັງເປັນການສ້າງໂອກາດໃຫ້ແມ່ຍິງຜູ້ປະກອບການຂະແຫນງຜະລິດ
ແລະ ປຸງແຕ່ງອາຫານ ມີໂອກາດໄດ້ແລກປ່ຽນບົດຮຽນ, ປະສົບການຮູ້ຈັກປັບປຸງຜົນຜະລິດ
ແລະ ສາມາດຕອບສະຫນອງໄດ້ຕາມຄວາມຕ້ອງການ ( ມາດຕະ ຖານ ) ຂອງຕະຫລາດ, ໃຫ້ແມ່ ຍິງສາມາດປະກອບສ່ວນໃນການຜະລິດເປັນສິນຄ້າ,
ຂະຫຍາຍການຕະຫລາດ ແລະ ເຮັດໃຫ້ລາຍຮັບຂອງແມ່ຍິງ ແລະ ຄອບຄົວນັບມື້ເພີ່ມຂຶ້ນ
”.
ພິເສດໃນຕອນເຊົ້າວັນທີ 16 ມັງກອນ
2014 ເຊິ່ງເປັນມື້ເປີດງານຈະໄດ້ມີ “ ການແຂ່ງຂັນປຸງແຕ່ງລາບແຊບ ” ເຊິ່ງຈະມີ
7 ແຂວງເຂົ້າຮ່ວມປະຊັນຝີມື ເຊັ່ນ : ລາບຫມູ່ໃສ່ຫມາກກອກ ( ຫລວງນ້ຳທາ ), ລາບຫນຽວອຸດົມໄຊ ( ອຸດົມໄຊ
), ລາບຊຳເຫນືອ ( ຫົວພັນ ), ລາບນົກແອ່ນ ( ຊຽງຂວາງ ), ລາບປາຕອງຄຳມ່ວນ ( ຄຳມ່ວນ
), ລາບງົວໃສ່ເພ້ຍ+ບີ ( ສະຫວັນນະເຂດ ) ແລະ ລາບປາພອນ ຈາກແຂວງຈຳປາສັກ.
No comments:
Post a Comment