ພາຍຫລັງຂົວໄຮຢ່ອນ ເມືອງທຸລະຄົມ ແຂວງວຽງຈັນ
ຫັກຍ້ອນລົດບັນທຸກຊີມັງເກີນນ້ຳ ໜັກຂອງຂົວດັ່ງກ່າວຮັບໄດ້ ເມື່ອເຊົ້າວັນທີ
5 ມັງກອນຜ່ານມາ ໄດ້ສົ່ງຜົນໃຫ້ການສັນຈອນໃນເສັ້ນ ທາງດັ່ງກ່າວມີສະພາບຕິດຂັດໝົດມື້
ແລະ ພາກສ່ວນກ່ຽວຂ້ອງເມືອງດັ່ງກ່າວຕ້ອງຮີບຮ້ອນໃນການເຮັດທາງເວັ້ນ ຈົນສຳເລັດໃນຕອນແລງຂອງມື້ດັ່ງກ່າວ
ເພື່ອໃຫ້ລົດສາມາດທ່ຽວຜ່ານໄປ ມາໄດ້ຈົນກວ່າຂົວຈະສ້ອມແປງຄືນສຳເລັດ.
ທ່ານ ພູວົງ ໄຊຍະສົມບັດ ຫົວໜ້າຫ້ອງການໂຍທາທິການ
ແລະ ຂົນສົ່ງເມືອງທຸລະຄົມ ໃຫ້ຮູ້ວ່າ: ຂົວດັ່ງກ່າວສ້າງມາໄດ້ເກືອບ 20 ປີ ເປັນຂົວເຫລັກຍາວ
36 ແມັດ, ກວ້າງ 4,5 ແມັດ, ສາມາດຮັບນ້ຳໜັກໄດ້ພຽງແຕ່ 25 ໂຕນ, ແຕ່ອຸປະຕິເຫດຄັ້ງນີ້ເກີດຂຶ້ນ
ເນື່ອງຈາກວ່າມີລົດບັນ ທຸກຊີມັງນ້ຳໜັກຊີມັງປະມານ 45 ໂຕນ ແລະ ບວກກັບນ້ຳໜັກຂອງລົດອີກ
22 ໂຕນ ແລ່ນມຸ້ງໜ້າມາແຕ່ນະຄອນຫລວງວຽງຈັນ ເພື່ອຈະນຳສົ່ງຊີມັງໄປສະຖານທີ່ກໍ່
ສ້າງໃນເຂດ
ເມືອງທຸລະຄົມ ພໍແລ່ນເຂົ້າມາຂົວດັ່ງກ່າວກໍເຮັດໃຫ້ຂົວຮັບນ້ຳໜັກບໍ່ໄຫວ
ຈຶ່ງໄດ້ຫັກເອ່ນລົງ, ແຕ່ໂຊກດີອຸປະຕິເຫດຄັ້ງນີ້ບໍ່ມີຜູ້ໃດໄດ້ຮັບບາດເຈັບ
ຫລື ເສຍຊີວິດ, ສ່ວນລົດບັນ ທຸກຄັນດັ່ງກ່າວກໍບໍ່ໄດ້ຕົກອອກຈາກຂົວແຕ່ຢ່າງໃດ.
ພາຍຫລັງເກີດເຫດການດັ່ງກ່າວ, ອຳນາດການປົກ ຄອງເມືອງ ພ້ອມດ້ວຍເຈົ້າໜ້າທີ່ກ່ຽວຂ້ອງໄດ້ລົງກວດ
ກາ ແລະ ກໍ່ສ້າງທາງເວັ້ນດ່ວນຈົນສາມາດເປີດນຳໃຊ້ໄດ້ໃນຕອນແລງຂອງມື້ດຽວກັນ
ເພື່ອໃຫ້ລົດສາມາດທ່ຽວໄປມາໃນເສັ້ນທາງດັ່ງກ່າວໄດ້ຕາມປົກ ກະຕິ. ສຳລັບການສ້ອມແປງຂົວແມ່ນຈະໃຊ້ເວລາໄລຍະໜຶ່ງ
ໂດຍແມ່ນບໍລິສັດຂອງລົດບັນທຸກຊີມັງດັ່ງກ່າວຮັບຜິດຊອບທັງໝົດ. ນີ້ຖືເປັນຄັ້ງທີສອງແລ້ວທີ່ຂົວດັ່ງ
ກ່າວຫັກ ເຊິ່ງເທື່ອທຳອິດຫັກໃນປີຜ່ານມາກໍຍ້ອນລົດບັນທຸກຊີມັງໜັກເກີນຂະໜາດເຊັ່ນດຽວກັນ.
No comments:
Post a Comment