laophatthananewspaper: ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເຜີຍແຜ່ວຽກງານອາຊຽນ

ໃນວັນທີ 6 ມັງກອນນີ້, ຢູ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ໄດ້ຈັດກອງປະຊຸມສະຫລຸບ ແລະ ເຜີຍແຜ່ການເຄື່ອນໄຫວວຽກງານອາຊຽນ ໂດຍການເປັນປະ ທານຂອງທ່ານ ສະຫວັນຄອນ ຣາຊ ມຸນຕຣີ ລັດຖະມົນຕີຊ່ວຍວ່າການກະຊວງຖະແຫລ່ງ ຂ່າວ, ວັດທະນາທຳ ແລະ ທ່ອງທ່ຽວ, ມີບັນ ດາຫົວໜ້າກົມ, ຫົວໜ້າພະແນກ ແລະ ພະ ນັກງານທີ່ກ່ຽວຂ້ອງອ້ອມຂ້າງກະຊວງດັ່ງກ່າວເຂົ້າຮ່ວມ.

ທ່ານລັດຖະມົນຕີຊ່ວຍວ່າ ການກະຊວງຖະແຫລ່ງຂ່າວ, ວັດທະນາທຳ ແລະ ທ່ອງ ທ່ຽວ ກ່າວວ່າ: ການເຜີຍແຜ່ການ ເຄື່ອນໄຫວວຽກງານອາຊຽນໃນຄັ້ງນີ້ ເພື່ອເຮັດໃຫ້ການສ້າງປະ ຊາຄົມອາຊຽນໃນ 3 ເສົາຄໍ້າ ຫລັກຄື: ເສົາຄ້ຳດ້ານຄວາມໝັ້ນ ຄົງ, ດ້ານເສດຖະກິດ ແລະ ດ້ານວັດທະນະທຳ-ສັງຄົມ, ໂດຍສະເພາະແມ່ນການສ້າງປະຊາຄົມວັດທະນະທຳ- ສັງຄົມອາຊຽນໃຫ້ບັນລຸຕາມຄາດໝາຍທີ່ຜູ້ນຳອາຊຽນໄດ້ກຳນົດໄວ້ນັ້ນ, ກະຊວງ ຖວທ ກໍໄດ້ຈັດກອງປະຊຸມເຜີຍແຜ່ຮ່ວມກັບບັນດາຂະແໜງການລວມມີຈຳນວນຫລາຍກວ່າ 13 ອົງການວັດທະນະທຳ-ສັງຄົມ ຈາກພາກລັດຖະບານ ແລະ ປຶກສາຫາລືຫລາຍຄັ້ງ, ໃນໄລຍະມໍ່ໆມານີ້ ກໍໄດ້ສຳເລັດການປະເມີນຜົນກາງສະໄໝຂອງການປະຕິ ບັດແຜນ

ງານປະຊາຄົມວັດທະນະທຳ-ສັງຄົມ ເພື່ອຄົ້ນຄ້ວາກ່ຽວກັບການຈັດຕັ້ງປະຕິບັດບັນດາກິດຈະກຳຕ່າງໆຂອງຂະແໜງການ, ໃນຂະແໜງການປະຊາຄົມວັດທະນະທຳ-ສັງຄົມມີຜົນສຳເລັດ, ມີຄວາມຫຍຸ້ງຍາກ ແລະ ສິ່ງທ້າທາຍຫຍັງແດ່, ນອກ ຈາກນັ້ນຍັງໄດ້ກຳນົດແຜນການຂ້າງໜ້າຈາກປີ 2015 ອີກ.

ທ່ານຍັງກ່າວຕື່ມອີກວ່າ: ສຳລັບກະຊວງຖວທໄດ້ຮັບກຽດເປັນເຈົ້າພາບຈັດກອງປະຊຸມລັດ ຖະມົນຕີຮັບຜິດຊອບວຽກງານຖະແຫລງຂ່າວອາຊຽນຄັ້ງທີ 10 ໃນປີ 2011 ພ້ອມທັງກອງປະຊຸມລັດຖະມົນຕີຮັບຜິດຊອບຖະແຫຼງຂ່າວອາຊຽນ + 3 ຄັ້ງທີຢູ່ນະ ຄອນວຽງຈັນ, ຄັ້ງຫລ້າສຸດ ໃນປີ 2013 ຜ່ານມາ, ກໍແມ່ນການເປັນເຈົ້າພາບຈັດກອງປະຊຸມລັດ ຖະມົນຕີທ່ອງທ່ຽວອາຊຽນ ແລະ ຮັບຕ້ອນການຢ້ຽມຢາມ ສປປ ລາວ ຂອງປະທານອົງການທ່ອງທ່ຽວໂລກ ພ້ອມນີ້ລາວເຮົາຍັງໄດ້ຖືກຈັດເຂົ້າໃນບັນຊີຂອງອົງການທ່ອງທ່ຽວໂລກເປັນປະເທດທີ່ໜ້າທ່ອງທ່ຽວທີ່ສຸດໃນໂລກສຳ ລັບສົກປີ 2013 ນອກຈາກນີ້ ກໍໄດ້ເຂົ້າຮ່ວມກິດຈະກຳຕ່າງໆຂອງປະເທດສະມາຊິກອາຊຽນເຊັ່ນ: ການເຄື່ອນໄຫວສະແດງສິລະປະວັນນະຄະດີຂອງຄະນະສິລະປະແຫ່ງຊາດ ກໍຄື:ໂຮງຮຽນສິລະປະດົນຕີແຫ່ງຊາດ ແລະ ຄະນະອື່ນໆເພື່ອແລກປ່ຽນ ແລະ ເຜີຍແຜ່ມໍລະດົກວັດທະນະທຳອັນດີງາມຂອງຊາດຕໍ່ສາຍຕາຂອງຊາວໂລກ ແລະ ການເຂົ້າຮ່ວມກອງປະຊຸມ, ສຳມະນາໃນທຸກລະດັບ,ໃນໂອກາດນີ້ ທ່ານຍັງຮຽກຮ້ອງໃຫ້ໃຫ້ຜູ້ເຂົ້າຮ່ວມກອງປະຊຸມດັ່ງ ກ່າວໄດ້ສະເໜີ ແລະ ປຶກສາຫາລື, ຄົ້ນຄ້ວາຈັບເອົາກາລະໂອ ກາດ ແລະ ສິ່ງທ້າທາຍຕ່າງໆຂອງອາຊຽນມາຜັນຂະຫຍາຍເປັນໂຄງການໜຶ່ງເພື່ອຍາດແຍ່ງທຶນຮອນຈາກອາຊຽນ ແລະ ຄູ່ຮ່ວມມືພາຍນອກໃຫ້ແກ່ປະເທດຊາດ, ເວົ້າສະເພາະແມ່ນຂະແໜງການຖະແຫລ່ງຂ່າວ, ວັດທະນະທຳ ແລະ ທ່ອງທ່ຽວ.