ຍ້ອນຄວາມເອົາໃຈໃສ່ຂອງພັກ-ລັດຖະບານ ຕໍ່ການລົງກໍ່
ສ້າງຮາກຖານການເມືອງ ແລະ ການພັດທະນາຊົນນະບົດໃນໄລຍະຜ່ານມາ ນອກຈາກໃຫ້ຄວາມສຳຄັນດ້ານການຍົກລະ
ດັບພື້ນຖານໂຄງລ່າງຕິດພັນກັບການຊຸກຍູ້ສົ່ງເສີມການຜະລິດກະ ສິກຳເປັນສິນຄ້າ
ໂດຍການ ປູກຝັງ-ລ້ຽງສັດແລ້ວ ຍັງດຳເນີນການພັດທະນາ ໄປຢ່າງສົມຄູ່ກັບຂົງເຂດການສຶກສາ
ແລະ ສາທາ ລະນະສຸກດ້ວຍຜົນສຳເລັດ.
ທ່ານ ບຸນຍັງ ວໍລະຈິດ ຮອງປະທານປະເທດ,
ຫົວໜ້າຄະນະຊີ້ນຳວຽກງານສາມສ້າງຂັ້ນ ສູນກາງ ໄດ້ຍົກໃຫ້ເຫັນສະ ພາບການລົງທຶນເຂົ້າຂະແໜງການສຶກສາ ໂດຍການຂະຫຍາຍໂຮງຮຽນໄປສູ່ບ້ານຕ່າງໆໃນເຂດຊົນນະບົດ
ເພື່ອສ້າງເງື່ອນໄຂໃຫ້ລູກຫລານໄດ້ໄປຮຽນໜັງສືຢ່າງເປັນລະບົບ ແຕ່ປະຖົມຮອດມັດທະຍົມ.
ພ້ອມນັ້ນ ກໍໄດ້ແກ້ໄຂບັນຫາການຂາດເຂີນອຸປະ ກອນການຮຽນ-ການສອນ ທັງໄດ້ເພີ່ມໂກຕາຄູສອນໃຫ້ພຽງພໍ
ແລະ ທົ່ວເຖິງໃນເຂດຫ່າງໄກສອກຫລີກ, ມາຮອດປັດຈຸບັນ ຈຳນວນບ້ານທີ່ມີໂຮງ ຮຽນເພີ່ມຂຶ້ນກວມ
98,89%, ອັດ ຕາເຂົ້າຮຽນຂອງເດັກເກນອາຍຸເພີ່ມຂຶ້ນ ກວມ 98,97%, ມີບ້ານຈົບປະຖົມພາກບັງຄັບກວມ
90,45% ແລະ ສາມາດປະກາດສຳເລັດການສຶກສາຊັ້ນປະຖົມພາກບັງຄັບຈຳນວນ 104 ເມືອງ.
ສຳລັບຂະແໜງສາທາລະນະສຸກ ກໍໄດ້ຮັບການປັບປຸງ
ແລະ ຂະຫຍາຍຕາໜ່າງການບໍລິການເປັນວົງກວ້າງອອກໄປສູ່ ເຂດຈຸດສຸມ, ກຸ່ມບ້ານ
ແລະ ບ້ານໃຫຍ່ ໂດຍທົ່ວປະເທດມີສຸກສາລາ 984ແຫ່ງ, ຕູ້ຢາປະຈຳບ້ານກວ່າ 5.000
ແຫ່ງ, ສ້າງ ຕັ້ງກອງທຶນສຸຂະພາບສຳລັບຜູ້ທຸກຍາກຢູ່ 102 ເມືອງ ແລະ ໄດ້ປະຕິບັດນະໂຍ
ບາຍການອອກລູກບໍ່ເສຍຄ່າໃນ 62 ສຸກສາລາ ຂອງ 7 ແຂວງ. ອັນໄດ້ສ້າງເງື່ອນໄຂໃຫ້ປະຊາຊົນບັນດາເຜົ່າຜູ້ທຸກຍາກຢູ່ຊົນນະບົດ
ໄດ້ເຂົ້າເຖິງການບໍລິການດ້ານສາ ທາລະ ນະສຸກເພີ່ມຂຶ້ນກວມ 94%. ໃນຂະນະດຽວກັນ,
ຂະບວນການສ້າງບ້ານແບບຢ່າງ ດ້ານສາທາ ລະນະສຸກກໍໄດ້ດຳເນີນໄປຢ່າງຕັ້ງໜ້າກວມ
45% ຂອງຈຳນວນບ້ານທັງໝົດໃນທ່ົວປະເທດ.
No comments:
Post a Comment