laophatthananewspaper: ລາວ-ຈີນ ເພີ່ມທະວີການຮ່ວມມືດ້ານວິທະຍາສາດ

23 January 2014

ລາວ-ຈີນ ເພີ່ມທະວີການຮ່ວມມືດ້ານວິທະຍາສາດ

ໃນວັນທີ 22 ມັງກອນ 2014 ທີ່ ກະຊວງວິທະຍາສາດ ແລະ ເຕັກໂນໂລຊີ,ທ່ານ ສຈ. ດຣ.ບໍ່ວຽງຄຳ ວົງດາ ລາ ລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ, ປະທານສະພາວິທະຍາສາດແຫ່ງຊາດໄດ້ຕ້ອນ ຮັບການເຂົ້າຢ້ຽມຂ່ຳນັບ ຂອງທ່ານ Prof.Huanming yang ປະທານ ກຸ່ມບໍລິສັດ BGI ສະຖາບັນຄົ້ນຄວ້າວິ ທະຍາສາດ ພ້ອມດ້ວຍຄະນະ ໃນໂອກາດທີ່ ທ່ານ ເດີນທາງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 22-23 ມັງກອນນີ້.

ທ່ານລັດຖະມົນຕີວ່າການກະຊວງວິທະຍາສາດ ແລະ ເຕັກໂນໂລຊີ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍ ທ່ານ Prof.Huanming yang ພ້ອມດ້ວຍຄະນະ ໃນຄັ້ງນີ້. ຜ່ານມາ ການຮ່ວມມືດ້ານການຄົ້ນຄວ້າວິທະຍາສາດ ແລະ

ພັດທະນາເຕັກໂນໂລຊີລະຫວ່າງ ສປປ ລາວ ແລະ ສປ ຈີນ ໄດ້ຮັບການປັບປຸງໃຫ້ດີຂຶ້ນຫລາຍດ້ານ,ການພັດທະນາວຽກງານວິທະຍາສາດ ແລະ ເຕັກໂນໂລຊີ ຂອງ ສປປ ລາວ ກໍແມ່ນໜຶ່ງໃນບັນດາວຽກງານບູລິມະສິດທີ່ໄດ້ກຳນົດໄວ້ໃນແຜນຍຸດທະສາດການພັດທະນາວິທະຍາສາດ ແລະ ເຕັກໂນໂລຊີຮອດປີ 2020 ແລະ ວິໄສທັດຮອດປີ 2030.ຜ່ານມາກໍມີຫລາຍໂຄງການຮ່ວມມືກັບ ບໍລິສັດ BGI, ທັງດ້ານການຊ່ວຍເຫລືອທາງດ້ານທຶນຮອນ ແລະ ຖ່າຍທອດບົດຮຽນປະສົບການຕ່າງໆເຊັ່ນ:ໂຄງການສ້າງສວນສາທິດວິທະຍາສາດ ແລະ ເຕັກໂນໂລຊີ ກະສີກຳທັນສະໄໝ ລາວ-ຈີນ,ໂຄງການທົດລອງເພາະພັນເຂົ້າໜຽວລູກປະສົມ ແລະ ສົມທຽບແນວພັນເຂົ້າຈ້າວຫອມ ແລະ ໂຄງການອື່ນໆ. ຊຶ່ງທັງໝົດລ້ວນແຕ່ເປັນການປະກອບ ສ່ວນໃນການພັດທະນາຂະແໜງເຕັກໂນໂລຊີ ຊີວະພາບ, ການພັດທະນາວິທະຍາ ສາດ ແລະ ເຕັກໂນໂລຊີ ກໍຄືການພັດທະນາເສດຖະກິດ-ສັງຄົມຂອງລາວ ໃຫ້ດີຂຶ້ນເລື້ອຍໆ.

ໃນໂອກາດນີ້ ທ່ານ Prof.Huanming yang ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ຕໍ່ທ່ານ ລັດຖະມົນຕີວ່າກະຊວງວິທະຍາສາດ ແລະ ເຕັກໂນໂລຊີ ພ້ອມທັງແຈ້ງໃຫ້ຊາບເຖິງຈຸດປະສົງຂອງການເດີນ ທາງມາຄັ້ງນີ້. ເພື່ອເຂົ້າຮ່ວມກອງປະຊຸມປະຈຳປີ 2013 ຂອງກຸ່ມບໍລິສັດ BGI ທີ່ນະຄອນຫລວງວຽງຈັນ.