ຊຸດສຳມະນາທີ່ດຳເນີນເປັນເວລາສອງວັນນັ້ນ
ໄດ້ມີການເຜີຍແຜ່ດຳລັດຂອງນາຍົກລັດຖະ ມົນຕີວ່າດ້ວຍການແຕ່ງຕັ້ງ ຄະນະກຳມະການຄຸ້ມຄອງແຫ່ງຊາດ
ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ຂໍ້ຕົກລົງວ່າດ້ວຍການແຕ່ງຕັ້ງ
ແລະ ເຄື່ອນໄຫວຂອງຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່
ສປປ ລາວ ແລະ ຂໍ້ຕົກລົງວ່າດ້ວຍ
ການຈັດຕັ້ງ ແລະ ການເຄື່ອນໄຫວຂອງຄະນະກຳມະການຄຸ້ມຄອງການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຂອງອົງການປົກຄອງທ້ອງຖິ່ນຊຶ່ງໃນນີ້ໄດ້ຍົກໃຫ້ເຫັນພາລະບົດບາດ,
ໜ້າທີ່, ສິດ, ໂຄງປະກອບການຈັດຕັ້ງ ແລະ ແບບແຜນວິທີເຮັດວຽກຂອງຄະນະກຳມະການຄຸ້ມຄອງການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຂອງອົງການປົກຄອງທ້ອງຖິ່ນ ເພື່ອເປັນບ່ອນອີງໃຫ້ແກ່ການຈັດຕັ້ງ ແລະ ເຄື່ອນໄຫວຂອງອົງການປົກຄອງທ້ອງຖິ່ນໃຫ້ມີປະສິດທິພາບ ແລະ ປະສິດທິຜົນ ທັງນີ້ ກໍເພື່ອແນໃສ່ໃຫ້ການປະສານງານລະຫວ່າງສູນກາງ ແລະ ທ້ອງຖິ່ນ ກ່ຽວກັບການແກ້ໄຂລະເບີດບໍ່ທັນແຕກໃຫ້ມີຄວາມເປັນເອກະພາບກັນໃນການຈັດຕັ້ງປະຕິບັດວຽກງານແກ້ໄຂລະເບີດບໍ່ທັນແຕກ ເຊັ່ນ: ການ ວາງແຜນເກັບກູ້ລະເບີດບໍ່ທັນແຕກ, ການໂຄສະນາສຶກສາຄວາມສ່ຽງຈາກລະເບີດບໍ່ທັນແຕກ ແລະ ການຊ່ວຍເຫລືອຜູ້ທີ່ຖືກເຄາະຮ້າຍ ແລະ ອື່ນໆ ເພື່ອຮັບປະກັນໃຫ້ການຈັດຕັ້ງປະຕິບັດແຜນຍຸດທະສາດແຫ່ງຊາດ ກ່ຽວກັບການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ແຕ່ 2011-2020 ມີປະສິດທິຜົນຍິ່ງໆຂຶ້ນ.
ບັນຫາລະເບີດບໍ່ທັນແຕກທີ່ຕົກຄ້າງຢູ່
ສປປ ລາວ ຍັງເປັນອຸປະສັກອັນໃຫຍ່ຫລວງຕໍ່ການພັດທະນາເສດຖະກິດ-ສັງຄົມ ຂອງປະເທດເຮົາຍ້ອນວ່າພື້ນທີ່ໂຄງການພັດທະນາພື້ນຖານໂຄງລ່າງ,
ໂຄງການພັດທະນາອຸດ ສາຫະກຳ, ໂຄງການພັດທະນາກະສິກຳ-ປ່າໄມ້, ໂຄງການຈັດສັນພູມລຳເນົາໃຫ້ປະຊາຊົນລາວບັນດາເຜົ່າ
ແລະ ໂຄງການອື່ນໆ ຢູ່ບັນດາແຂວງ ຍັງໄດ້ຮັບຜົນກະທົບຈາກລະເບີດບໍ່ທັນແຕກ
ເຖິງວ່າສົງຄາມຈະຊິ້ນສຸດລົງ ເກືອບ 40 ປີແລ້ວກໍຕາມ, ແຕ່ລະເບີດບໍ່ທັນແຕກ ຍັງເຮັດໃຫ້ປະ
ຊາຊົນລາວບັນດາເຜົ່າຖືກບາດເຈັບ ແລະ ເສຍຊີວິດປີລະ 300 ຄົນ.
No comments:
Post a Comment