ວັນທີ 29 ມັງກອນນີ້, ຄະນະກຳມະການຮ່ວມມືລາວ-ຈີນ
ແລະ ສະຖານ ເອກອັກຄະລັດຖະທູດ ສປ ຈີນ ປະຈຳລາວ ໄດ້ຮ່ວມກັນຈັດງານວາງສະແດງຮູບ ພາບຜົນສຳເລັດການຮ່ວມມືດ້ານເສດຖະ ກິດ-ການຄ້າລະຫວ່າງ
ສປປ ລາວ ແລະ ສປ ຈີນ ຂຶ້ນຢູ່ຫໍປະຊຸມແຫ່ງຊາດ, ເພື່ອ ສະແດງ ແລະ ເຜີຍແຜ່ຜົນສຳເລັດຂອງກາ ນຮ່ວມມືດັ່ງກ່າວ,
ໂດຍການນຳເອົາອັກ ສອນ ແລະ ຮູບພາບທີ່ສະແດງເຖິງການ ຮ່ວມມືດ້ານເສດຖະກິດ-ການຄ້າທີ່ນຳ ເອົາຜົນປະໂຫຍດມາສູ່ປະຊາຊົນ ສອງຊາດ,
ທັງເປັນການສະແດງໃຫ້ເຫັນໝາກຜົນທີ່ເປັນຮູບປະທຳ ແລະ ສະແດງເຖິງການຮ່ວມມືດ້ານເສດຖະກິດການ ຄ້າລາວ-ຈີນທີ່
ຍາດມາໄດ້ໃນຊຸມປີຜ່ານມາ,ພ້ອມນີ້ຍັງສະແດງເຖິງຄວາມອຸດົມສົມບູນຂອງສາຍພົວພັນຄູ່ຮ່ວມມືຍຸດທະສາດລາວ-ຈີນ.
ເປັນ
ກຽດເຂົ້າຮ່ວມໃນງານດັ່ງກ່າວມີ ທ່ານ ອາ
ຊາງ ລາວລີ ຮອງນາຍົກລັດຖະມົນຕີ, ຜູ້ຊີ້ນຳວຽກງານວັດທະນະທຳ- ສັງຄົມ, ທ່ານ ກວນ ຮວາປິງ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ
ສປ ຈີນ ປະຈຳລາວ, ພ້ອມບັນດາການນຳຈາກ ກະຊວງ, ຂະແໜງການຂອງສອງປະຊາດເຂົ້າຮ່ວມເປັນຈຳນວນຫຼາຍ.
ທ່ານ ເອກອັກຄະລັດຖະທູດ ສປ ຈີນປະຈຳລາວກ່າວວ່າ:
ປີ 2013 ທີ່ຜ່ານມາ, ເປັນປີໜຶ່ງທີ່ໄດ້ຮັບຄວາມຄືບໜ້າອັນ ໃຫຍ່ຫຼວງໃນຂົງເຂດການຮ່ວມມືດ້ານເສດຖະກິດ-ການຄ້າ,
ພາຍໃຕ້ການເອົາໃຈໃສ່ຂອງການນຳພັກ-ລັດ ຂອງສອງປະເທດ ແລະ ຍ້ອນຄວາມພະຍາຍາມຂອງທັງສອງຝ່າຍນັ້ນຈຶ່ງເຮັດໃຫ້ການພົວພັນການຄ້າຂອງສອງປະເທດຂັບເຄື່ອນໝູນ
ວຽນ ໄປຢ່າງສະດວກສະບາຍ, ລະດັບການຮ່ວມມື້ນັບມື້ຍົກສູງ ແລະ ເປີດກວ້າງຂະຫຍາຍອອກ ແລະ ອຸດົມສົມບູນຂຶ້ນ,
ຕາມ ສະຖິຕິຂອງຝ່າຍຈີນ ເດືອນມັງກອນຫາເດືອນພະຈິກປີ 2013 ທີ່ຜ່ານມາຍອດການຄ້າລາວ-ຈີນ ບັນລຸໄດ້ເຖິງ
2.030 ລ້ານໂດ ລາສະຫາລັດ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນເຖິງ 29.62% ແລະ ໄດ້
ເປັນອັນດັບໜຶ່ງໃນບັນດາປະ ເທດທີ່ມາລົງທຶນຢູ່ລາວ, ຊຶ່ງຜົນສຳເລັດດັ່ງກ່າວໄດ້ນຳມາວາງສະແດງໃນມື້ນີ້ໂດຍຜ່ານການນຳໃຊ້ຕົວອັກສອນ
ແລະ ພາບ ຖ່າຍ ທີ່ເຕັມໄປດ້ວຍຊີວິດຊີວາຂອງຜົນສຳເລັດ
ແລະ ການສ້າງຜົນປະໂຫຍດໃຫ້ແກ່ປະຊາຊົນຂອງສອງປະເທດຢ່າງແທ້ຈິງ ແລະ ໃນປີ 2014 ນີ້ຈະເປັນປີໜຶ່ງທີສຳຄັນໃນການປະຕິບັດຄຳເຫັນເອກະພາບຂອງການນຳສອງຊາດ
ແລະ ສົ່ງເສີມວຽກ ງານພັດທະນາສາຍພົວພັນຢ່າງຮອບດ້ານໃນໄລຍະໃໝ່ລະຫວາງລາວ-ຈີນ, ໃນຖານະທີ່ເປັນບ້ານໃກ້ເຮືອນຄຽງ,
ເພື່ອນມິດ ແລະ ຄູ່ຮ່ວມມືທີ່ດີ, ຝ່າຍຈີນຍິນດີຮ່ວມມືກັບຝ່າຍລາວພ້ອມກັນອອກເຫືອເທແຮງ,
ລົງເລິກວຽກງານສ້າງສາຍພົວພັນ ຄູ່ຮ່ວມມືຍຸດທະສາດຮອບດ້ານລະຫ່ວາງລາວ-ຈີນ ແລະ ເຊື່ອວ່າການຮ່ວມມືຂອງລາວ-
ຈີນຈະນຳຜົນປະໂຫຍດ ມາໃຫ້ປະ ຊາຊົນຂອງສອງປະເທດນັບມື້ຫຼາຍຂຶ້ນ.
No comments:
Post a Comment