ພິທີເຊັນສັນຍາເງິນກູ້ລະຫວ່າງລັດຖະບານລາວກັບລັດຖະບານ
ຍີ່ປຸ່ນສຳລັບ 1 ແຜນງານ ແລະ 1 ໂຄງການ, ໄດ້ມີຂຶ້ນໃນວັນທີ 10 ມັງກອນນີ້ຢູ່ກະຊວງການເງິນ,
ຕາງໜ້າລັດຖະບານລາວແມ່ນທ່ານ ພູເພັດ ຄຳພູນວົງ ລັດຖະມົນ ຕີວ່າການກະຊວງການເງິນ
ແລະ ຕາງໜ້າລັດຖະບານຍີ່ປຸ່ນແມ່ນທ່ານ ໂຄອີຈິ ທາເກອິ ຫົວໜ້າຫ້ອງ ການອົງການຮ່ວມມືສາກົນຍີ່ປຸ່ນ
(JICA) ປະຈຳລາວ ໂດຍມີພະນັກງານທີ່ກ່ຽວ ຂ້ອງທັງສອງຝ່າຍເຂົ້າຮ່ວມ.
ສຳລັບເງິນກູ້ຂອງ1ແຜນງານ ແມ່ນການສະໜັບສະໜູນການຫລຸດຜ່ອນຄວາມ ທຸກຍາກ
ຊຸດທີ 3 ໄລຍະ 9 (PRSO 9), ມູນຄ່າ 500 ລ້ານເຢັນ(ສະກຸນເງິນຍີ່ປຸ່ນ) ປະມານ 5 ລ້ານໂດລາສະຫະລັດ
ຫລື ປະມານ 40 ຕື້ ກວ່າກີບ. ການສະໜອງທຶນກູ້ຢືມຈາກ JICA ແມ່ນປະກອບສ່ວນໃນການສະໜອງທຶນຮ່ວມກັບທະນາ
ຄານໂລກໃຫ້ແຜນງານ
(PRSO 9) ເພື່ອນຳໃຊ້ເຂົ້າໃນການດຸ່ນງົບປະມານ,ໂດຍ JICA ເຫັນດີຕໍ່ຜົນສຳເລັດຂອງການຈັດຕັ້ງປະຕິບັດບັນດາເງື່ອນໄຂ
ແລະ ໜ້າວຽກຂອງແຜນງານ PRSO 9 ທີ່ລັດຖະບານລາວ ໄດ້ຕົກລົງກັບທະນາຄານໂລກ ໃນເດືອນສິງຫາ
2013,ເງື່ອນໄຂໄລຍະການກູ້ຢືມ 40 ປີ ລວມທັງໄລຍະປອດການຊຳລະຕົ້ນທຶນ 10 ປີ,
ອັດ ຕາດອກເບັ້ຍ 0,01% ຕໍ່ປີ ຈ່າຍ 2 ຄັ້ງຕໍ່ປີ,ຄ່າທຳນຽມເງິນກູ້ 0,1% ຂອງຈຳນວນເງິນກູ້ຊຶ່ງຜູ້ກູ້ຕ້ອງຈ່າຍພາຍໃນ
ຫລື ຫລັງຈາກມື້ສັນຍາເງິນກູ້ມີຜົນສັກສິດ,ແຕ່ບໍ່ເກີນ 60 ວັນ.ໂດຍ JICA ຈະໂອນເງິນເຂົ້າບັນຊີຜູ້ກູ້
ພາຍຫລັງທີ່ໄດ້ຮັບຄ່າທຳນຽມຄົບຖ້ວນ.ສຳລັບໂຄງການຂະຫຍາຍອາຄານຜູ້ໂດຍສານສະໜາມບິນສາກົນວັດໄຕ
ມູນຄ່າ 9.017 ລ້ານເຢັນ (ສະກຸນເງິນຍີ່ປຸ່ນ) ປະມານ 90,44 ລ້ານໂດລາສະຫະລັດ ຫລືປະມານ
700 ຕື້ກວ່າກີບ, ໂດຍແມ່ນກະ ຊວງໂຍທາທິການ ແລະ ຂົນສົ່ງ ຈະເປັນຜູ້ຈັດຕັ້ງປະຕິບັດ.ສຳລັບໂຄງການນີ້
ແມ່ນການຂະຫຍາຍອາຄານຜູ້ໂດຍ ສານສະໜາມບິນສາກົນວັດໄຕ ທັງສາຍພາຍໃນ ແລະ ຕ່າງປະເທດ
ເພື່ອຮັບປະກັນຄວາມປອດໄພພາຍໃນສະ ໜາມບິນ, ເພີ່ມທະວີການສ້າງເງື່ອນໄຂສະດວກໃຫ້ແກ່ການບໍລິການຜູ້ໂດຍສານ
ຊຶ່ງໂຄງການດັ່ງກ່າວຈະປະກອບ ສ່ວນຊຸກຍູ້ການພັດທະນາການຂົນສົ່ງທາງອາກາດ ແລະ
ຊ່ວຍຍູ້ແຮງການພັດທະນາເສດຖະກິດແຫ່ງຊາດ ໃນເງື່ອນໄຂຂອງການກູ້ຢືມ 30 ປີ
ລວມທັງໄລຍະປອດການຊຳລະຕົ້ນທຶນ 10 ປີ,ອັດຕາດອກເບັ້ຍ 0,7% ຕໍ່ປີ ສຳລັບຄ່າກໍ່ສ້າງ
ຈ່າຍ 2 ຄັ້ງຕໍ່ປີ, ອັດຕາດອກເບັ້ຍ 0,01% ຕໍ່ປີ ສຳລັບຄ່າທີ່ປຶກສາຈ່າຍ 2 ຄັ້ງຕໍ່ປີ,
ຄ່າທຳນຽມເງິນກູ້ 0,2% ຂອງຈຳນວນເງິນກູ້ຊຶ່ງຜູ້ກູ້ຕ້ອງຈ່າຍພາຍໃນ 60 ວັນ ຫລັງຈາກສັນຍາເງິນກູ້ມີຜົນສັກສິດ.
ຖ້າຫາກບໍ່ໄດ້ຮັບຄ່າທຳ
ນຽມດັ່ງກ່າວຄົບຖ້ວນຕາມຈຳນວນແມ່ນ
JICA ຈະຢຸດຕິການເບີກຈ່າຍເງິນໃຫ້ໂຄງການ. ໃນກໍລະນີການເບີກຖອນເງິນສຳເລັດຕາມໄລຍະເວລາທີ່ກຳນົດໄວ້
ໃນສັນຍາ JICA ຈະສົ່ງຄືນ 0,1%.
No comments:
Post a Comment