ໜ່ວຍພັກຫ້ອງວ່າການປະທານປະເທດຮັບໃບຢັ້ງຢືນ ໜ່ວຍພັກເຂັ້ມແຂງ-ຮູ້ນຳພາຮອບດ້ານຄັ້ງທີ IV.

       

  ຄະນະພັກຫ້ອງວ່າການປະທານປະເທດໄດ້ຈັດພິທີມອບໃບຢັ້ງຢືນໜ່ວຍພັກ ເຂັ້ມແຂງ-ຮູ້ນຳພາຮອບດ້ານຄັ້ງ ທີ  IV ໃນຕອນເຊົ້າວັນທີ 22 ມັງກອນ 2014 ທີ່ຫ້ອງວ່າການປະທານປະເທດ ຊຶ່ງມອບໂດຍ ທ່ານ ດຣ. ອ່ອນ ແກ້ວ ພົມມະກອນ ຮອງຫົວໜ້າຄະນະຈັດຕັ້ງສູນກາງພັກ, ມີທ່ານ ພົງສະຫວັດ ບຸບຜາ ເລຂາຄະນະ ພັກ, ລັດຖະ ມົນຕີ, ຫົວໜ້າຫ້ອງວ່າການປະທານປະເທດ, ມີຄະນະພັກ, ສະມາ ຊິກພັກ ແລະ ພະນັກງານ-ລັດຖະກອນເຂົ້າ ຮ່ວມ.

           ໃນພິທີ ຄະນະຈັດຕັ້ງໄດ້ຜ່ານມະຕິຕົກລົງຂອງຄະນະຈັດຕັ້ງສູນກາງພັກວ່າ ດ້ວຍການຮັບຮອງໜ່ວຍພັກຫ້ອງວ່າການປະທານປະເທດທີ່ຂຶ້ນກັບອົງຄະນະພັກຄະນະຈັດຕັ້ງສູນກາງພັກເປັນໜ່ວຍພັກເຂັ້ມແຂງຮູ້ນຳ ພາຮອບດ້ານ ປະຈຳປີ 2012.ພ້ອມນີ້ກໍຍັງໄດ້ຜ່ານບົດສະຫລຸບຕີລາຄາໂດຍຫຍໍ້ກ່ຽວກັບການສ້າງໜ່ວຍພັກເຂັ້ມແຂງ-ຮູ້ນຳພາ

ຮອບດ້ານໃນປີ 2012 ຜ່ານມາ.ໜ່ວຍພັກຫ້ອງວ່າການປະທານປະເທດເປັນໜ່ວຍພັກເອກະລາດຂຶ້ນກັບຄະນະພັກຂັ້ນເທິງຊຶ່ງ ກົມການເມືອງສູນກາງພັກໄດ້ມອບໝາຍໃຫ້ຄະນະພັກຄະນະຈັດຕັ້ງສູນກາງພັກເປັນ ຜູ້ຊີ້ນຳ, ໜ່ວຍພັກດັ່ງກ່າວໄດ້ເຄື່ອນໄຫວ ວຽກງານຂອງຕົນບົນພື້ນຖານລັດຖະດຳລັດຂອງປະທານປະເທດວ່າດ້ວຍ ການຈັດຕັ້ງ ແລະ ການເຄື່ອນໄຫວຂອງຫ້ອງວ່າ ການປະທານປະເທດ, ມີພາລະບົດບາດໃນການຈັດຕັ້ງນຳພາປະ ຕິບັດໜ້າທີ່ການເມືອງພາຍໃນຫ້ອງວ່າການປະທານປະເທດ ໃຫ້ບັນລຸຜົນສຳເລັດ.ໃນປີ 2012 ຜ່ານມາການເຄື່ອນ ໄຫວ ແລະ ການຈັດຕັ້ງປະຕິບັດການກໍ່ສ້າງໜ່ວຍພັກເຂັ້ມແຂງ-ຮູ້ນຳ ພາຮອບດ້ານ ໃນ ແຕ່ລະດ້ານເປັນຕົ້ນດ້ານ ການເມືອງ, ດ້ານແນວຄິດ, ການຈັດຕັ້ງ ແລະ ແບບແຜນວິທີເຮັດວຽກແມ່ນ ໄດ້ຈັດເປັນປະເພດເຂັ້ມແຂງ ແລະ ອື່ນໆ.