ເອົາໃຈໃສ່ປ້ອງກັນໄຂ້ຍຸງລາຍໃນປີ 2014

   ວັນທີ 10 ກຸມພານີ້ ກະຊວງສາທາລະນະສຸກໄດ້ອອກຄຳສັ່ງແນະນຳໄປຍັງຂະ ແໜງສາທາລະນະສຸກ, ສຸກສາລາ, ປະຊາຊົນ ໃນທົ່ວປະເທດຈົ່ງມີສະຕິເອົາໃຈ ໃສ່ປ້ອງກັນໄຂ້ຍຸງລາຍ ທີ່ອາດຈະເກີດຂຶ້ນໃນລະດູຝົນຈະມາເຖິງນີ້, ເພື່ອບໍ່ໃຫ້ມີ ການລະບາດໃຫຍ່ດັ່ງປີຜ່ານມາ ແລະ ໃຫ້ເອົາໃຈໃສ່ສະກັດກັ້ນເພື່ອບໍ່ໃຫ້ເກີດຜົນ ເສຍຫາຍຕໍ່ຊີວິດ ແລະ ຊັບສິນຂອງປະຊົນ ດັ່ງນັ້ນ ກະຊວງສາທາລະນະສຸກ ຈຶ່ງ ໄດ້ອອກຄຳສັ່ງແນະນຳໃຫ້ພາກສ່ວນກ່ຽວຂ້ອງຈົ່ງພ້ອມປະຕິບັດຢ່າງເຂັ້ມງວດດັ່ງນີ້: 1. ໃຫ້ເອກະ ພາບກັບພະແນກສາທາລະນະສຸກແຂວງເພື່ອກຳນົດຈຳນວນເມືອງ, ບ້ານພາຍໃນແຂວງທີ່ຈະມີການຕິດຕາມໃນ ແຕ່ລະເດືອນ ແລະ ກວດຄືນແຂວງໃດຄວນຈະໄດ້ອົບຮົມເຕັກນິກການພົ້ນຢາຂ້າຍຸງ, ໃຫ້ພະນັກງານແພດໝໍເພີ່ມຄວາມເອົາ ໃຈໃສ່ໃນການ ປິ່ນປົວ ແລະ ຄຸ້ມຄອງກໍລິນີ, ປັບປຸງ ແລະ ອົບຮົມຄືນວຽກງານເກັບກຳກໍລະນີຢູ່ແຕ່ລະໂຮງໝໍ ແລະ ປັບປຸງ ຄືນ ໜ່ວຍງານຕອບໂຕ້ຂອງແຂວງ ແລະ ເມືອງໃຫ້ມີປະສິດທິພາບ, 2 ໃຫ້ພະແນກສາທາລະນະສຸກນະຄອນຫຼວງ ແລະ ບັນ ດາ ແຂວງໃນທົ່ວປະເທດຈົ່ງເພີ່ມຄວາມຮັບຜິດຊອບ ແລະ ເອົາໃຈໃສ່ຈັດຕັ້ງປະຕິບັດວຽກງານກັນ ແລະ ຄວບຄຸມ ພະຍາດໄຂ້ ຍຸງລາຍໂດຍການມີສ່ວນຮ່ວມຂອງທຸກພາກສ່ວນ, ທຸກອົງການຈັດຕັ້ງ ແລະ ປະຊາຊົນທຸກຊຸມຊົນໃນແຕ່ລະແຂວງ, ເມືອງ ແລະ ບ້ານດ້ວຍການກຳຈັດແຫຼ່ງເພາະພັນໜອນນ້ຳຍຸງລາຍ, 3 ໃຫ້ເອົາໃຈໃສ່ພິເສດຕໍ່ວຽກງານປະຊາສຳພັນ ແລະ ລະດົມໃຫ້ ທຸກພະແນກການເອົາໃຈໃສ່ໃນການກຳຈັດແຫຼ່ງເພາະພັນຍຸງລາຍ ແລະ ຜັນຂະຫຍາຍວຽກງານດັ່ງກ່າວໃຫ້ເປັນວຽກງານຂອງ ທົ່ວສັງຄົມ, ໂດຍສະເພາະບັນດາໂຮງໂຮງອະນຸບານ, ປະຖົມ ແລະ ໂຮງຮຽນມັດຖະຍົມເພື່ອຫຼີກເວັ້ນບໍ່ໃຫ້ມີການລະບາດໃນ ໂຮງຮຽນ, 4 ໃຫ້ຈັດຕັ້ງລົງກວດກາ ແລະ  ຊີ້ນຳຫ້ອງການສາທາລະນະສຸກເມືອງ,ສຸກສາລາຈັດຕັ້ງຂະບວນອະນາໄມ ແລະ ເອົາ ໃຈໃສ່ແນະນຳປະຊາຊົນເປັນປົກກະຕິ, 5 ກວດຄືນຂະແໜງປິ່ນປົວ ແລະ ອຸປະກອນຄວບຄຸນພະຫະນຳເຊື້ອທີ່ຈຳເປັນ ໄວ້ໃຫ້ ພ້ອມ, ເພື່ອຮັບປະກັນຄວາມສາມາດໃນການປິ່ນປົວ ແລະ ຕ້ານການແຜ່ລະບາດຂອງໄຂ້ຍຸງລາຍ, 6 ໃຫ້ຮີບຮ້ອນ ຜັນຂະ ຫຍາຍ ແລະ ເປີດກອງປະຊຸມປຶກສາຫາລືໄຈແຍກຂໍ້ຄົງຄ້າງ ເພື່ອເຮັດໃຫ້ການກຽມພ້ອມປ້ອງກັນການລະບາດຂອງ ພະຍາດຢູ່ ຂັ້ນແຂວງ, ເມືອງ ແລະ ສຸກສາລາມີປະສິດທິຜົນ ແລະ 7 ພາກສ່ວນກ່ຽວຂ້ອງຈົ່ງພ້ອມກັນປະຕິບັດ ແລະ ລາຍ ງານໃຫ້ ກະຊວງສາທາລະນະສຸກເປັນໄລຍະໂດຍສະເພາະກໍລະນີຈຳເປັນ.