ທ່ານ ບຸນໜຽວ ອາລີລັກ ຫົວໜ້າພະແນກຖະແຫລງຂ່າວ,
ວັດທະນະທຳ ແລະ ທ່ອງທ່ຽວແຂວງ ກ່າວວ່າ: ການປະກວດນາງສາວງາມບຸນຊ້າງແມ່ນກິດ
ຈະກຳໜຶ່ງທີ່ສຳຄັນ ເຊິ່ງຈັດຕັ້ງ ຂຶ້ນເພື່ອສ້າງບັນຍາ ກາດເບີກ ບານມ່ວນຊື່ນໃຫ້ແກ່ງານມະຫະ
ກຳບຸນຊ້າງ. ພ້ອມດຽວກັນນັ້ນ ກໍເພື່ອເປັນການຊຸກຍູ້ສົ່ງເສີມຄວາມສາມາດຂອງເອື້ອຍນ້ອງແມ່ຍິງຕິດພັນກັບການອະນຸລັກຮັກສາມູນເຊື້ອວັດທະນະທຳຮີດຄອງປະເພນີອັນດີງາມໃຫ້ຍືນຍົງຄົງຕົວຄຽງຄູ່ກັບ
ຊາດລາວ
ໂດຍສະເພາະແມ່ນຊາວໄຊຍະບູລີຕະ ຫລອດໄປ. ດ້ານໜຶ່ງອີກກໍເພື່ອຄັດເລືອກເອົາຕົວແທນແມ່ຍິງບັນ
ດາເຜົ່າພາຍໃນແຂວງເຂົ້າຮ່ວມກິດຈະກຳສຳຄັນໃນງານມະຫະກຳບຸນຊ້າງເຊັ່ນ: ການຂີ່ຊ້າງ,
ການຕ້ອນຮັບແຂກ ແລະ ພິທີ ການສຳຄັນອື່ນໆ. ການປະກວດ ຄັ້ງນີ້ມີຕົວແທນນາງສາວຈາກ
10 ເມືອງພາຍໃນແຂວງເຂົ້າ ຮ່ວມ 20 ຄົນ. ຜ່ານການປະກວດຄັດເລືອກຂອງຄະນະກຳມະການນາງສາວງາມໃນງານມະຫະກຳບຸນຊ້າງຄັ້ງທີ
VIII ຂອງແຂວງໄຊຍະບູລີ ປະຈຳປີ 2014 ແມ່ນນາງ ສອນມະນີ ນໍລະສິງ ຈາກເມືອງພຽງ,
ອັນດັບທີສອງ ນາງ ມິຖຸນາ ຈັນທະລາ ຈາກເມືອງໄຊຍະບູລີ ແລະ ນາງ ແຄັດ ຈັນທອງ ຈາກເມືອງແກ່ນທ້າວ,
ອັນດັບທີສາມ ນາງ ຕາວັນ ສຸນາເຄນ ຈາກເມືອງປາກລາຍ ແລະ ນາງ ສາຍລຸ້ງ ບຸນນິທິ
ຈາກເມືອງຊຽງຮ່ອນ. ໃນພິທີອັນມີຄວາມໝາຍສຳຄັນ, ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ
ແລະ ທ່ານນາງ ບຸນພັກ ອິນທະປັນຍາ ເຈົ້າເມືອງໄຊຍະບູລີ ພ້ອມການນຳຂອງແຂວງ
ໄດ້ມອບສາຍສະພາຍ, ຂອງຂວັນ ແລະ ຊໍ່ດອກໄມ້ໃຫ້ນາງສາວງາມຕາມລຳດັບ ທີໜຶ່ງໄດ້ຮັບສາຍສະພາຍ
ພ້ອມເງິນສົດ 5 ລ້ານກີບ, ທີສອງໄດ້ຮັບສາຍສະພາຍ ແລະ ເງິນສົດ 4 ລ້ານກີບ ແລະ
ອັນດັບທີສາມຮັບສາຍສະພາຍ ພ້ອມເງິນສົດ 3 ລ້ານກີບ.
No comments:
Post a Comment