ການລັກລອບຄ້າຂາຍໄມ້ເຖື່ອນມີແຜ່ຫລາຍ.
ເຖິງວ່າໃນໄລຍະຜ່ານມາ, ເຈົ້າໜ້າທີ່ກ່ຽວຂ້ອງໄດ້ເອົາໃຈໃສ່ໃນການສະກັດກັ້ນ
ແລະ ປາບປາມຂະບວນລັກລອບຄ້າຂາຍໄມ້ເຖື່ອນ, ແຕ່ປາກົດວ່າບັນຫາດັ່ງກ່າວຍັງສືບຕໍ່ເກີດຂຶ້ນໃຫ້ເຫັນຢ່າງແຜ່ຫລາຍຢູ່ຕາມທ້ອງຖິ່ນ
ຕ່າງໆ ຄືດັ່ງໄດ້ມີການລາຍງານຜ່ານສື່ຕ່າງໆ ແລະ ເມື່ອບໍ່ດົນມານີ້, ກົມຕຳຫລວດເສດຖະກິດ
ກະຊວງປ້ອງກັນຄວາມສະຫງົບກໍອອກມາຖະແຫລງວ່າ: ການຄ້າຂາຍໄມ້ເຖື່ອນໄດ້ກາຍເປັນ
ຄະດີພົ້ນເດັ່ນໃນຂົງເຂດວຽກ ງານຂອງຕົນ ຄື: ໃນປີຜ່ານມາມີຄະດີໄມ້ເຖື່ອນເກີດຂຶ້ນ
257 ກໍລະ ນີ, ຢຶດໄມ້ແປຮູບໄດ້ 37.392 ໂຕ, ບໍລິມາດ 671 ກວ່າແມັດກ້ອນ ແລະ ໄມ້ທ່ອນ
1.681 ທ່ອນ, ມີບໍລິມາດ 4,5 ລ້ານກວ່າແມັດກ້ອນ ແລະ ສາມາດກັກຕົວຜູ້ກະ ທຳຜິດ,
ພາຫະນະ ແລະ ອຸປະກອນໃນການຕັດໄມ້ໄດ້ຈຳນວນຫລາຍ ເຊິ່ງເຈົ້າໜ້າທີ່ຈະໄດ້ເພີ່ມກຳລັງໃນການຕິດຕາມກວດກາໃຫ້ເຂັ້ມງວດກວ່າເກົ່າ
ເພື່ອໃຫ້ບັນຫາດັ່ງກ່າວຫລຸດໜ້ອຍລົງ ແລະ ທັງເປັນການປະກອບສ່ວນເຂົ້າໃນການປົກປັກຮັກສາປ່າໄມ້ໃຫ້ມີຄວາມອຸດົມສົມບູນ
ແລະ ຍືນຍົງຕະຫລອດໄປ.
No comments:
Post a Comment