ຄະນະຈັດຕັ້ງສູນກາງພັກ, ໄດ້ກຳນົດທິດທາງລວມ ແລະ
ວຽກງານຈຸດສຸມໃນການຈັດຕັ້ງປະຕິບັດວຽກງານໂດຍສະເພາະ ແມ່ນໃນປີ 2014 ນີ້ ໄດ້ສືບຕໍ່ເພີ່ມທະວີການປັບປຸງ-ກໍ່ສ້າງການຈັດຕັ້ງຮາກຖານພັກໂດຍສະເພາະແມ່ນຂະບວນການກໍ່ສ້າງ
ໜ່ວຍພັກແຂງ-ຮູ້ນຳພາຮອບດ້ານຢູ່ແຕ່ລະຮາກຖານພັກຕິດພັນກັບການປຸກລະດົມຂະບວນການແຂ່ງຂັນຮັກຊາດ
ແລະ ສ້າງ ບ້ານພັດທະນາ, ຊຸກຍູ້ວຽກງານ 3 ສ້າງຢູ່ 51 ເມືອງ ແລະ 109 ບ້ານ ໂດຍສຸມໃສ່ເຮັດໃຫ້
51 ເມືອງ ເປັນເມືອງທີ່ເຂັ້ມແຂງ ຮອບດ້ານ ແລະ 109 ບ້ານໃຫ້ກາຍເປັນ ບ້ານພັດທະນາຕາມທີ່ໄດ້ກຳນົດ
ໃນຄຳສັ່ງເລກທີ 03 ຂອງກົມການເມືອງສູນກາງ ພັກ.
ທ່ານ ໄຊສີ ສັນຕິວົງ ຮອງຫົວໜ້າຄະນະຈັດຕັ້ງສູນກາງພັກໄດ້ລາຍງານໃຫ້ຮູ້ໃນກອງປະຊຸມວຽກງານຈັດຕັ້ງທົ່ວປະເທດ
ປະຈຳປີ 2013 ເມື່ອບໍ່ດົນຜ່ານມານີ້ ວ່າ: ເພື່ອປະຕິບັດໃຫ້ໄດ້ຕາມ ຄາດໝາຍດັ່ງກ່າວຕ້ອງແມ່ນຄະນະພັກເມືອງ,
ຄະນະພັກ ຮາກຖານ ແລະ ໜ່ວຍພັກຮາກຖານບ້ານທີ່ເຮັດທົດລອງ 3 ສ້າງເປັນຜູ້ນຳພາ ແລະ ປະຕິບັດ,
ສະນັ້ນ ການປັບປຸງ ແລະ ກໍ່ສ້າງ ຮາກຖານພັກໃຫ້ມີຄວາມປອດໃສ, ໜັກແໜ້ນ, ເຂັ້ມແຂງທາງດ້ານການເມືອງ-ແນວຄິດ,
ການຈັດຕັ້ງ ແລະ
ແບບແຜນວິທີນຳ ພາຢູ່ຂັ້ນເມືອງ ແລະ ຂັ້ນຮາກຖານຈິ່ງກາຍເປັນບັນຫາທີ່ຕ້ອງຮີບຮ້ອນໂດຍສະເພາະແມ່ນສືບຕໍ່ເລືອກເຟັ້ນ,
ບຳລຸງສ້າງ ແລະ ຄຸ້ມຄອງ,ນຳໃຊ້ພະນັກງານໃຫ້ເຂົ້າສູ່ລະບຽບຫລັກການເທື່ອລະກ້າວໂດຍອີງໃສ່ແຜນກຳນົດພະນັກງານ ເປັນພື້ນຖານ;
ສືບຕໍ່ ປັບປຸງບັນດານິຕິກຳຕ່າງໆກ່ຽວກັບພະນັກງານຂັ້ນສູງກາງຄຸ້ມຄອງໃຫ້ສອດຄ່ອງກັບຄວາມຮຽກຮ້ອງຕ້ອງ ການໃນແຕ່ລະໄລຍະ;
ສືບຕໍ່ປັບປຸງກົງຈັກການຈັດຕັ້ງແຕ່ລະຂັ້ນໃຫ້ມີຄວາມໜັກແໜ້ນ, ເຂັ້ມແຂງຕາມທິດສ້າງແຂວງເປັນ ຫົວໜ່ວຍຍຸດທະສາດ,
ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາ; ສົມທົບແໜ້ນການ ປັບປຸງກໍ່ສ້າງການຈັດຕັ້ງ
ພັກກັບການປັບປຸງກົງຈັກລັດແຕ່ລະຂັ້ນໃຫ້ມີຄວາມເໝາະສົມກົມກຽວກັນລະຫວ່າງບົດບາດການ ນຳພາຂອງພັກ
ແລະ ການ ຄຸ້ມຄອງລັດ. ສະເພາະການກໍ່ສ້າງພັກທາງດ້ານແບບແຜນວິທີເຮັດວຽກ ແລະ ວິທີນຳພາແມ່ນເອົາ ໃຈໃສ່ປັບປຸງແບບແຜນວິທີ
ເຮັດວຽກຂອງຄະນະພັກແຕ່ລະຂັ້ນຕາມຫລັກການລວມສູນປະຊາທິປະໄຕຢ່າງເຂັ້ມງວດ, ຮັບປະກັນການເຄື່ອນໄຫວນຳພາ
ຖືກຕ້ອງຕາມແນວທາງ, ມະຕິ, ຄຳສັ່ງຂອງການຈັດຕັ້ງພັກ-ຂັ້ນເທິງ; ການຄົ້ນຄວ້າຕົກລົງ ບັນຫາສຳຄັນເປັນໝູ່ຄະນະ
ແລະ ມອບຄວາມຮັບຜິດຊອບໃຫ້ບຸກຄົນໃນຄະນະ; ການເຮັດວຽກມີແບບແຜນ ແລະ ປະຕິບັດ ຕາມແຜນການຢ່າງຖືກຕ້ອງ,
ມີການຕິດຕາມ, ກວດກາ, ປະເມີນຜົນເປັນປົກກະຕິໃນແຕ່ລະໄລຍະ; ຍົກສູງແບບແຜນວິທີນຳ ພາຂອງຄະນະພັກແຕ່ລະຂັ້ນ
ຕາມທິດຕິດແທດກັບຮາກຖານ, ຕິດແທດກັບວຽກງານຕົວຈິງ, ໃກ້ຊິດ ແລະ ຫງ່ຽງຫູຟັງມະຫາ ຊົນ; ປະຕິບັດລະບອບການ
ຮ່ວມຊີວິດພັກເປັນປົກກະຕິ ແລະ ເສີມຂະຫຍາຍປະຊາທິປະໄຕພາຍໃນພັກຢ່າງກວ້າງຂວາງ ເພື່ອຮັບປະກັນຄວາມເປັນເອ
ກະພາບພາຍໃນພັກຢ່າງໜັກແໜ້ນ.
No comments:
Post a Comment