ສຳລັບທະນາຄານ ກຸງເທບ ສາຂານະຄອນຫຼວງວຽງຈັນຖືສຳຄັນລູກຄ້າດ້ວຍການບໍລິການດ້ານການເງິນໄດ້ຄົບວົງຈອນຕາມທີ່ລູກຄ້າຕ້ອງການ,
ພ້ອມທັງໃຫ້ຄຳແນະນຳປຶກສາດ້ານການເງິນ ແລະ ຕອບສະໜອງຄວາມຕ້ອງການຂອງລູກຄ້າ
ໄດ້ຢ່າງວ່ອງໄວ.
ທ່ານ ພິສິດ ຈະເຣີນພັນ ຜູ້ຈັດການທະນາຄານກຸງເທບ
ສາຂານະຄອນຫຼວງວຽງຈັນກ່າວວ່າ: ຕະຫຼອດໄລຍະເວລາ 20ປີ ຜ່ານມາ, ທະນາຄານກຸງເທບ
ມີ ຄວາມພາກພູມໃຈເປັນຢ່າງຍິ່ງທີ່ໄດ້ປະກອບສ່ວນເຂົ້າໃນຂະບວນ ການສ້າງສາ ແລະ
ພັດທະນາເສດຖະກິດຂອງລາວມີຄວາມເຕີບໃຫ່ຍເຂັ້ມແຂງ, ໂດຍສະເພາະແມ່ນຂະແໜງການທະນາຄານ,
ການເງິນ, ການພັດທະນາດ້ານພື້ນຖານໂຄງລ່າງ ແລະ ຊັບພະຍາກອນມະນຸດໃນລາວ ແລະ ທະນາຄານເອງກໍມີຄວາມເຊື່ອໝັ້ນຕໍ່ການຂະຫຍາຍຕົວທາງດ້ານ
ເສດຖະກິດຂອງລາວໃນອະນາ ຄົດດັ່ງນັ້ນ, ທະນາຄານຈິ່ງໄດ້ປັບປຸງ ແລະ ຂະຫຍາຍສະຖານທີ່ໃໝ່ຂອງຕົນເພື່ອສາມາດຕອບສະໜອງ
ແລະ ຮອງຮັບການບໍລິການລູກຄ້າໃຫ້ມີຄວາມສະດວກຍິ່ງຂື້ນ ແລະ ກໍເພື່ອກະກຽມການຂະຫຍາຍທຸລະກິດຂອງທະຄານໃຫ້ເຂັ້ມແຂງກວ່າເກົ່າ
ເພື່ອສາມາດຕອບສະໜອງການບໍລິການທີ່ດີທີ່ສຸດໃຫ້ກັບສັງຄົມລາວຢ່າງເຕັມທີ່ ແລະ
ໄດ້ມີໂອກາດປະກອບສ່ວນເຂົ້າໃນການພັດທະນາສ້າງສາເສດຖະກິດຂອງລາວໃຫ້ເຕີບໃຫ່ຍເຂັ້ມແຂງຍິ່ງຂື້ນ.
ທະນາຄານ ກຸງເທບ ຈຳກັດ (ມະຫາຊົນ) ເປີດດຳເນີນການສາຂາຢູ່ນະຄອນຫຼວງວຽງຈັນ,
ນັບແຕ່ວັນທີ 5 ເດືອນສິງຫາ 1993, ຕະຫຼອດໄລຍະເວລາ 20 ປີທີ່ຜ່ານມາສາຂາດັ່ງກ່າວສາມາດໃຫ້ບໍລິການດ້ານການທະນາຄານເຕັມຮູບແບບປະ
ກອບດ້ວຍການບໍລິການເພື່ອທຸລະກິດສົ່ງອອກ ແລະ ນຳເຂົ້າ, ສິນເຊື່ອທຸລະກິດ,
ບໍລິການໂອນເງີນ, ບໍລິການແລກປ່ຽນເງິນຕາຕ່າງປະເທດ ແລະ ບໍລິດການບັນຊີເງິນຝາກ,
ຊຶ່ງລວມເຖິງບັນຊີເງິນຝາກປະຈຳ ແລະ ບັນຊີເງິນຝາກກະແສລາຍວັນ. ຫ້ອງການແຫ່ງທຳອິດຂອງທະນາຄານ
ຕັ້ງຢູ່ເລກທີ 140, ໜ່ວຍ 9, ຖະໜົນຫັດສະດີ; ປັດຈຸບັນທະນາຄານໄດ້ຍ້າຍໄປຫ້ອງການໃໝ່ຊຶ່ງຕັ້ງຢູ່ເລກທີ
12, ຖະໜົນສາມແສນໄທ, ບ້ານຊຽງຢືນ, ເມືອງຈັນທະບູລີ, ນະຄອນຫຼວງວຽງຈັນ.
No comments:
Post a Comment