ທ່ານ ບຸນຍັງ ວໍລະຈິດ ກຳມະການກົມການເມືອງສູນກາງພັກ,
ຜູ້ປະຈຳການຄະນະເລຂາທິການສູນກາງພັກ, ຮອງປະ ທານປະເທດ ໄດ້ໃຫ້ກຽດໂອ້ລົມຕໍ່ກອງປະຊຸມສາມັນຄົບຄະນະສູນກາງແນວລາວສ້າງຊາດທົ່ວປະເທດ
ຄັ້ງທີ 4 ສະໄໝທີ 9 ທີ່ໄຂຂຶ້ນໃນລະຫວ່າງວັນທີ 20-21 ກຸມພານີ້, ຢູ່ແຂວງຫົວພັນວ່າ:
ຄຽງຄູ່ກັບການຜັນຂະຫຍາຍຜົນສຳເລັດທີ່ຍາດມາໄດ້ໃນໄລຍະຜ່ານມານັ້ນ, ກໍໃຫ້ເອົາໃຈໃສ່ສືບຕໍ່ສຶກສາອົບຮົມການເມືອງແນວຄິດໃຫ້ສະມາຊິກພັກ-ພະນັກງານພາຍໃນອົງການແນວລາວສ້າງຊາດແຕ່ລະຂັ້ນໃຫ້ມີການຫັນປ່ຽນຈິນຕະນາການໃໝ່,
ສ້າງຄວາມຮັບຮູ້ໃໝ່, ແກ້ໄຂແນວຄິດຄອງເດີມ, ເຮັດຕາມທຳມະຊາດ ເອື່ອຍອີງລໍຖ້າແຕ່ຄຳສັ່ງ,
ສ້າງໃຫ້ມີຫົວຄິດປະດິດສ້າງ ໂດຍອີງ
ໃສ່ກຳລັງແຮງຂອງມະຫາຊົນ; ຄຽງຄູ່ກັນນັ້ນແນວລາວສ້າງຊາດທຸກຂັ້ນຕ້ອງປຸກລະດົມຂະບວນການຮັກຊາດ
ແລະ ພັດທະນາ, ສູ້ຊົນບັນລຸຄາດໝາຍທີ່ກອງປະຊຸມໃຫຍ່ຄັ້ງທີ 9ແລະ ແຜນພັດທະນາເສດຖະກິດ-ສັງຄົມແຫ່ງຊາດ
5 ປີ ຄັ້ງທີ 7 ວາງ ອອກ, ບຸກບືນປະຕິບັດວຽກງານຮາກຖານ, ວຽກງານ 3 ສ້າງ, ເຂົ້າຮ່ວມພັດທະນາຊົນນະບົດ,
ສ້າງບ້ານໃຫຍ່ໃຫ້ເປັນຕົວເມືອງນ້ອຍ ແລະ ຊຸກຍູ້ການຜະລິດສິນຄ້າ ແລະ ບໍລິການ
ເພື່ອແກ້ໄຂຄວາມທຸກຍາກຂອງປະຊາຊົນ. ເອົາໃຈໃສ່ປັບປຸງແບບແຜນວິທີເຮັດວຽກ,
ແບບແຜນວິທີເຄື່ອນໄຫວຂອງແນວລາວສ້າງຊາດທຸກຂັ້ນໃຫ້ໄປຕາມລັກສະນະມະຫາຊົນ,
ນຳເອົາຜົນປະໂຫຍດມາໃຫ້ປະຊາຊົນ, ຕ້ອງກຳແໜ້ນປະຊາຊົນ, ເຈົ້າກົກເຈົ້າເຫຼົ່າ,
ຫົວໜ້າຊິງຊາວເຜົ່າຕ່າງໆຢູ່ຊົນນະບົດ, ຜູ້ຊົງຄຸນວຸດທິ ແລະ ຄະນະນຳສາສະໜາຕ່າງໆ.
ພ້ອມນີ້ ຕ້ອງເຮັດແໜ້ນຄວາມສາມັກຄີປອງດອງລະຫວ່າງເຜົ່າ, ຊັ້ນ ຄົນ, ສາສະໜາ, ທຸກເພດໄວຕາມແນວທາງນະໂຍບາຍຂອງພັກ,
ສ້າງອຸດົມການຈິດໃຈເອກະ ລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ,
ເດັດດ່ຽວຕ້ານທຸກກົນອຸບາຍຫັນປ່ຽນໂດຍສັນຕິຂອງສັດຕູທີ່ຫວັງແບ່ງແຍກຄວາມສາມັກຄີຂອງຊາດ.
ເອົາໃຈໃສ່ລົງຕິດແທດກັບອົງການຈັດຕັ້ງສົງຄົມ, ກຳແໜ້ນ ອົງການໃດມີລັກສະນະກ້າວໜ້າ,
ສົມທົບກັບຂະແໜງ ແລະ ທ້ອງຖິ່ນກ່ຽວຂ້ອງເພື່ອສຶກສາອົບຮົມເຂົາເຈົ້າ ແລະ ເດີນໄປຕາມແນວ
ທາງນະໂຍບາຍຂອງພັກ-ລັດ ເພື່ອກຳຈັດສິ່ງຫຍໍ້ທໍ້ຕ່າງໆ. ເອົາໃຈໃສ່ປັບປຸງຄວາມສາມາດນຳ
ພາຂອງແນວລາວສ້າງຊາດແຕ່ລະຂັ້ນເປັນຕົ້ນຄວາມສາມາດເປັນເສນາທິການໃນການປຸກລະດົມສຶກສາອົບຮົມ
ຄວາມສາມາດໃນການນຳພາພັດທະນາເສດຖະກິດ ແກ້ໄຂຄວາມທຸກຍາກໃຫ້ປະຊາຊົນ,
ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ, ພາຍນອກໃຫ້ກວ້າງຂວາງປັບປຸງແບບແຜນວິທີເຮັດວຽກທີ່ຕິດແທດກັບຮາກຖານ,
ຕິດແທດກັບມະຫາຊົນ ແລະ ຕິດແທດກັບຕົວຈິງ, ກະກຽມກ້າວເຂົ້າສູ່ກອງປະຊຸມໃຫຍ່ຄັ້ງທີ
10 ຂອງພັກ ແລະ ກອງປະຊຸມໃຫຍ່ແນວລາວສ້າງຊາດຄັ້ງທີ 10 ໃຫ້ສຳເລັດຢ່າງຈົບງາມ.
No comments:
Post a Comment