ທ່ານອຳນວຍການໂຮງໝໍດັ່ງກ່າວ ໃຫ້ຮູ້ວ່າ:
ພາຍຫລັງ ຄົນເຈັບໄດ້ນຳສົ່ງເຖິງໂຮງໝໍຢ່າງຮີບດ່ວນດ້ວຍສີໜ້າຈືດມ້ານ ເນື່ອງຈາກຖືພາໄດ້ປະມານ
31 ອາທິດ, ແຕ່ມີເລືອດອອກຈາກຊ່ອງຄອດຫລາຍ ແລະ ຜ່ານການກວດຂອງຄະນະແພດເຫັນວ່າປາກມົດລູກປິດ,
ທ້ອງປັ້ນແຂງ, ກຳມະຈອນເຕັ້ນໄວເຖິງ 125 ເທື່ອຕໍ່ນາທີ, ຄວາມດັນເລືອດສູງ ແລະ
ຫົວໃຈເດັກໃນທ້ອງເຕັ້ນ 170 ຄັ້ງຕໍ່ນາທີ, ຄະນະແພດໄດ້ບົ່ງມະຕິເບື້ອງຕົ້ນວ່າ:
ຄົນເຈັບເກີດອາການແຮ່ໂຄະກ່ອນກຳນົດ ຈຶ່ງໄດ້ຜ່າຕັດສຸກ
ເສີນ ແລະ ພົບວ່າມີມົດລູກສອງໜ່ວຍ,
ແຕ່ມີປາກມົດລູກດຽວກັນ ແລະ ໜ່ວຍເບື້ອງຂວາທີ່ມີເດັກຢູ່ຖືກແຕກເລືອດໄຫລເຂົ້າ ຜົ້ງທ້ອງ ເຊິ່ງອາການແບບນີ້ແມ່ນພົບເຫັນຍາກໃນພະຍາດຍິງ, ເມື່ອເປັນເຊັ່ນນັ້ນ ອຳນວຍການໂຮງໝໍຈຶ່ງໃຫ້ຄະນະແພດບໍ່ຍົກມົດລູກອອກ ເພາະຄົນເຈັບຍັງໜຸ່ມນ້ອຍ ແລະ ບໍ່ທັນໄດ້ລູກຈັກເທື່ອ ຈຶ່ງໃຫ້ນຳໃຊ້ເຕັກນິກຂອງ ດຣ. ຈອນ (Jones) ຊ່ຽວຊານຜ່າຕັດຈາກຕ່າງປະເທດ ເພື່ອສັນຍາກຳໃຫ້ມົດລູກສອງໜ່ວຍເປັນອັນດຽວ ໂດຍໃຊ້ເວລາຜ່າຕັດກວ່າ 2 ຊົ່ວໂມງຈຶ່ງສຳເລັດ ແລະ ຄາດວ່າຄົນເຈັບຈະມີໂອກາດຖືພາ ແລະ ເກີດລູກໄດ້ ເພາະນີ້ແມ່ນກໍລະນີທີ 2 ທີ່ໂຮງໝໍແມ່ ແລະ ເດັກ ໄດ້ຜ່າ ຕັດເມື່ອ 3 ປີກ່ອນ ແລະ ສາມາດຊ່ວຍໃຫ້ຄົນເຈັບດັ່ງກ່າວຖືພາຈົນຮອດເດືອນຄອງ ແລະ ຈະກຽມມາຕັດເອົາລູກອອກທີ່ໂຮງໝໍຂອງພວກເຮົາໃນໄວໆນີ້.
No comments:
Post a Comment