ການຊ່ວຍເຫລືອດັ່ງກ່າວແມ່ນສະໜອງໃຫ້ແກ່ຄະນະກຳ
ມະການແຫ່ງຊາດເພື່ອຄວບຄຸມລະເບີດບໍ່ທັນແຕກ (NRA) ແລະ ອົງການເກັບກູ້ລະເບີດແຫ່ງຊາດ
(VXO) ໂດຍຜ່ານການຈັດຕັ້ງປະຕິບັດຂອງອົງການສະຫະປະຊາຊາດເພື່ອການ
ພັດທະນາ
(UN DC) ເປົ້າໝາຍແມ່ນຊ່ວຍຫລຸດ ຜ່ອນຄວາມສ່ຽງດ້ານສາທາລະ ນະສຸກ ແລະ ຄວາມທຸກຍາກຂອງຊຸມຊົນທີ່ຖືກຜົນກະທົບຫລາຍທີ່ສຸດໃນແຂວງຜົ້ງສາລີ,
ຊຽງຂວາງ, ສະຫວັນນະເຂດ ແລະ ວຽກງານຕົ້ນຕໍທີ່ຈະຈັດຕັ້ງ ປະຕິບັດແມ່ນການເກັບກູ້ລະເບີດ, ສ້າງຄວາມຮັບຮູ້ ແລະ ສຶກສາດ້ານຄວາມສ່ຽງ ແລະ ຊ່ວຍເຫລືອຜູ້ໄດ້ຮັບຜົນກະທົບຈາກລະເບີດດັ່ງກ່າວ.
ຫລາຍປະເທດຄູ່ຮ່ວມພັດ ທະນາຕ່າງກໍຮັບຮູ້ດີວ່າ:
ສປປ ລາວ ເປັນປະເທດທີ່ຖືກຖິ້ມລະເບີດໃສ່ຫລາຍທີ່ສຸດໃນໂລກ ແລະ ລະເບີດທີ່ຍັງບໍ່ແຕກຍັງເປັນໄພຄຸກຄາມຕໍ່ການພັດທະນາເສດຖະກິດ,
ການດຳລົງຊີວິດ ແລະ ການທຳມາຫາກິນຂອງປະຊາຊົນ. ດັ່ງນັ້ນ ການແກ້ໄຂບັນຫາດັ່ງກ່າວຈຶ່ງແມ່ນບູລິມະສິດຂອງລັດຖະບານ
ແລະ ຄູ່ຮ່ວມພັດທະນາຕ່າງໆກໍຄືສະຫະພາບເອີຣົບ.
ທ່ານອຸປະທູດສະຫະພາບເອີຣົບປະຈຳລາວ ມີແຊນ
ໂກແຟງ ກ່າວວ່າ: ສະຫະພາບເອີ ຣົບຍັງຢຶດໝັ້ນທີ່ຈະໃຫ້ການຊ່ວຍເຫລືອແກ່ ສປປ ລາວ
ໃນການລຶບລ້າງຄວາມທຸກຍາກ ແລະ ບັນລຸເປົ້າໝາຍສະຫັດສະວັດທີ 9 (MDG9) ໃນການຫລຸດຜ່ອນຜົນກະທົບຈາກລະເບີດບໍ່ທັນແຕກ
ແລະ ຈັດຕັ້ງປະຕິບັດແຜນງານວຽງຈັນຂອງສົນທິສັນຍາສາກົນວ່າດ້ວຍການເກືອດຫ້າມລະເບີດລູກຫວ່ານ
ແລະ ເຊື່ອໝັ້ນວ່າ: ການຊ່ວຍເຫລືອໃໝ່ນີ້ຈະປະ ກອບສ່ວນສຳຄັນໃນການປັບປຸງຊີວິດການເປັນຢູ່ຂອງປະຊາຊົນ
ໃນເຂດຊົນນະບົດ ແລະ ກຳຈັດໄພນາບຂູ່ຈາກລະເບີດບໍ່ທັນແຕກ ເພື່ອສ້າງຄວາມປອດໄພ
ແລະ ນຳຜົນປະໂຫຍດມາສູ່ປະເທດຊາດ.
No comments:
Post a Comment