ຫາລືວຽກໂຄສະນາຫລຸດຜ່ອນຄວາມທຸກຍາກ

   ໃນ​​ວັນ​ທີ 18 ກຸມພານີ້, ຄະນະ​ພັດທະນາ​ຊົນນະບົດ ​ແລະ ລຶບ ລ້າງ​ຄວາມທຸກ​ຍາກ​ຂັ້ນສູນກາງ (ຄພທສ) ໄດ້​ຈັດ​ກອງ​ປະ ຊຸມ​ຮ່ວມ​ປຶກສາ​ຫາລືກັບ​ບັນດາ​ຕົວ​ແທນ​ຈາກ​ສື່​ມວນ​ຊົນ​ພາກສ່ວນ​ຕ່າງໆ ກ່ຽວກັບ​ວຽກງານ​ໂຄສະນາ​ເຜີຍ​ແຜ່​ຜົນສຳ​ເລັດ​ຂອງ​ວຽກງານ​ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ ​ໂດຍ​ທີ່​ປະຊຸມ​ໄດ້​ມີ​ການ​ຊີ້​ແຈງ​ໃຫ້​ຊາບ​ກ່ຽວກັບ​ວຽກງານ​ກໍ່ສ້າງ​ຮາກ​ຖານ-ການ​ເມືອງ, ການ​ພັດທະ ນາ​ຈຸດ​ສຸມ- ການ​ພົວພັນ​ຕ່າງປະ​ເທດ, ວຽກງານ​ຫລຸດຜ່ອນ​ຄວາມທຸກ​ຍາກ ​ແລະ ວຽກ ງານ​ເກັບ​ກູ້​ລະ​ເບີດ​ບໍ່ທັນ​ແຕກ.

     ທ່ານ​ ບຸນ​ໃຈ ບູ່​ຕາ​ວົງ ຫົວໜ້າຫ້ອງການ​ກໍ່ສ້າງ​ຮາກ​ຖານ-ການ​ເມືອງ ຄພທສ ໄດ້​ຊີ້​ໃຫ້​ເຫັນ​ສະພາບ​ການ​ແກ້​ໄຂ​ຄວາມທຸກ​ຍາກ​ຂອງ​ບາງ​ປະ​ເທດ​ເພື່ອນ​ມິດໂດຍ​ສະ​ເພາະ ສປ.ຈີນ ຊຶ່ງ​ໄດ້​ວາງ​ແນວທາງ​ເປີດ​ປະຕູ​ໃນ​ປີ 1978 ພ້ອມ​ກັນ​ປົດ​ປ່ອຍ​ແນວ​ຄິດ ສະ​ແຫວ​ງຫາ​ຄວາມ​ສັດຈະທຳ​ແຫ່ງ​ຄວາມ​ເປັນ​ຈິງ ຈີນ​ຖືວ່າ      “ ທຸກ​ຈົນ​ບໍ່​ແມ່ນ​ສັງຄົມ​ນິຍົມ ”. ປັດຈຸ​ບັນ​ຈີນ​ສາມາດ​

ແກ້​ໄຂ ຄວາມທຸກ​ຍາກ​ໃຫ້​ປະຊາຊົນ​ຈາກກິນ​ອື່ມ-ນຸ່ງ​ອຸ່ນ​ໄປ​ສູ່​ຢູ່ດີ-ກິນ​ດີ, ຖື​ປັດ​ໄຈ​ຄົນ​ເປັນ​ກົກ, ​ເສດຖະກິດ​ເປັນ​​ໃຈ​ກາງສຸດ​ທ້າຍ​ພ້ອມ​ກັນ​ຮັ່ງມີ​ຂຶ້ນ ​ແລະ ມີ​ພື້ນຖານ​ເສດຖະກິດ​ອັນ​ດັບ 2 ຂອງ​ໂລກ.  ​ໃນ​ຂະນະ​ທີ່​ສສ.ຫວຽດນາມວາງ​ເປົ້າ​ຮອດ​ປີ 2020 ຫັນ​ປະ​ເທດ​ເປັນ​ອຸດສາຫະກຳຕາມ​ທິດ​ທັນ​ສະ​ໄໝ​​ໂດຍ​ພື້ນຖານ, ກາງ​ສັດຕະວັດ​ທີ 21(2050) ​ເປັນປະ​ເທດ​ອຸດສາຫະກຳທີ່​ທັນ​ສະ​ໄໝ​​ ແລະ ກ້າວ​ຂຶ້ນສູ່​ສັງຄົມ​ນິຍົມດ້ວຍ​ການ​ເຮັດ​ໃຫ້​ຄອບຄົວ​ຊົນນະບົດ​ຈຳນວນໜຶ່ງຮັ່ງມີ​, ​ເປັນ​ຄອບຄົວ​ຕົວ​ແບບ​ການ​ຜະລິດ, ການ​ບໍລິການ, ສ້າງ​ເງື່ອນ​ໄຂ​ຊຸກຍູ້​ຜູ້​ທຸກ​ຍາກ ​ແລະ ອື່ນໆ. ພ້ອມ​ທັງ​ຊີ້​ແຈງ​ 5 ຮູ​ບແບ​ບການ​ລົງ​ກໍ່ສ້າງ​ຮາກ​ຖານ, ການ​ຕີ​ລາຄາ​ຕາມ 4 ​ເນື້ອ​ໃນ 4 ຄາດໝາຍ, ການ​ປະຕິບັດ​ວຽກງານ​ ປກສ- ປກຊ, ລວມທັງ​ການ​ດຳ​ເນີນ​ນະ​ໂຍບາຍ​ທາງ​ດ້ານ​ເສດ ຖະກິດ​ໃນ​ປະ​ເທດ​ເຮົາ.

     ທ່ານ​ແສງ​ເພັດ ວັນນະ​ວົງ ຮັບຜິດຊອບ​ກອງ​ທຶນ​ຫລຸດຜ່ອນ​ຄວາມທຸກ​ຍາກ (ທລຍ) ກໍ​ໄດ້​ແນະນຳ​ເພີ່ມ​ເຕີມ​ໂຄງການ​ໄລ ຍະ 2 ​ໄລຍະປີ 2011-2016 ຊຶ່ງ​ໄດ້​ມີ​ການ​ຂະຫຍາຍ​ພື້ນທີ່​ຂອງ​ໂຄງ ການ​ອອກ​ຕື່ມ​ອີກ 25% ຫລື ຈາກ​ເດີມ 7 ​ເປັນ 10 ​ແຂວງ, ຈາກ 28 ​ເປັນ 40 ​ເມຶ​ອງ ​ແລະ 274 ກຸ່ມ​ບ້ານ. ທລຍ ​ໄດ້​ຮັບ​ການສະໜັບ ສະໜູນຈາກ​ຫລາຍ​ແຫ​ລ່ງທຶນ ໂດຍ​ໄດ້​ເພີ່ມ​ຂຶ້ນ​ເກືອບ 50% ຫລື ຈາກ 42 ລ້ານ​ໂດ​ລາ​ສະຫະລັດ ເປັນ 68,3 ລ້ານ​ໂດ​ລາ​ສະຫະລັດ​ໃນ​ໄລຍະ 2. ພ້ອມ​ທັງ​ລົງ​ເລິກ​ໃຫ້​ຮູ້​ເຖິງການ​ຄາດ​ຄະ​ເນ​ຜົນ​ທີ່​ຈະ​ໄດ້​ຮັບ, ກາ​ນພັດທະນາ​ທີ່​ກະຕຸກ​ຊຸກຍູ້​ໂດຍ​ຊຸມ​ຊົນ​ໃຫ້​ອະນາຄົດ​ດີກ​ວ່າ, ການ​ປັບປຸງ ​ແລະ ຂະ ຫຍາຍ​ຜົນ​ໄດ້​ຮັບ​ໃນ​ການ​ຫລຸດ ຜ່ອນ​ຄວາມທຸກ​ຍາກ, ການ​ເພີ່ມ​ປະສິດທິພາບຜົນ​ໄດ້​ຮັບ ​ແລະ ຜົນ​ປະ​ໂຫຍ​ດ​ໃນ​ການວາງ​ແຜນ​ໄລ ຍະ​ຍາວ ​ເພື່ອ​ຮັບປະກັນ​ການ​ມີ​ສ່ວນຮ່ວມການ​ມອບ​ສິດ​ໃຫ້​ຊຸມ​ຊົນ ການຈັດຕັ້ງປະຕິບັດ ​ແລະ ຄວາມ​ຍືນ​ຍົງ​ຂອງ​ໂຄງການ. ສິ່ງ​ສຳຄັນ​ແມ່ນ​ຄວາມ​ເອົາ​ໃຈ​ໃສ່​ໃນ​ຂະ​ບວນການຈັດຕັ້ງ ​ເພື່ອ​ຜູ້​ທຸກ​ຍາກ, ລວມທັງ​ບັນຫາ​ຄວາມ​ສະ​ເໝີພາບ​ດ້ານ​ບົດບາດ​ຍິງ-ຊາຍ, ການ​ສ້າງ​ຄວາມ​ເຂັ້ມ​ແຂງ​ໃຫ້​ແກ່​ຊຸມ​ຊົນ ​ແລະ ພາກ​ລັດ ​ໃນ​ການ ວາງ​ແຜນ​ພັດທະນາ​ຂັ້ນທ້ອງ​ຖິ່ນ ຊຶ່ງ​ເປັນ​ກິດຈະກຳ​ຫລັກ​ຂອງ ທລຍ.

     ທ່ານ   ​ພູ​ຂຽວ ຈັນທະ​ສົມບູນ ຫົວໜ້າຫ້ອງການ​ຄະນະ​ກຳມະ ການ​ຄຸ້ມ​ຄອງແຫ່ງ​ຊາດ ​ເພື່ອ​ແກ້​ໄຂ​ບັນຫາ​ລະ​ເບີດ​ບໍ່ທັນ​ແຕກ ທີ່​ຕົກ​ຄ້າງ​ຢູ່ ສປປ ລາວ ​ໄດ້​ລາຍ​ງານຫຍໍ້ການ​ປະຕິບັດ MDG ​9 ແຕ່​ປີ 2011-2013 ​ແລະ ທິດ​ທາງ​ຈຸດ​ສຸມ​ໃນ​ປີ 2013-2015 ຊຶ່ງ​ມີ 6 ອົງການ​ກວດກູ້ລະ​ເບີດ​ເພື່ອ​ມະ ນຸດສະທຳ (​ໂດຍ​ບໍ່ຄິດ​ຄ່າ) ​ແລະ 13 ບໍລິສັດກວດ​ກູ້​ລະ​ເບີດ​ທັງ​ພາຍ​ໃນ ​ແລະ ຕ່າງປະ​ເທດ ທີ່​ໄດ້​ເຄື່ອນ​ໄຫວ​ຢູ່​ໃນ 14 ​ແຂວງ 98 ​ເມືອງ​ຂອງ ສປປ ລາວ. ຊຶ່ງ​ຜົນ​ໄດ້​ຮັບ​ເຮັດ​ໃຫ້​ຜູ້​ຖືກ​ເຄາະ​ຮ້າຍ​ຈາກ​ລະ​ເບີດ​ບໍ່ທັນ​ແຕກ​ຫລຸດ​ລົງ, ປິ່ນປົວ​ດ້ານ​ການ​ແພດ ​ແລະ ຟື້ນ ຟູ​ສຸຂະພາບ​ໃຫ້​ແກ່​ຜູ້​ລອດ​ຊີວິດ, ທັງ​ມີ​ການ​ຊ່ວຍ​ເຫລືອ​ປະ ກອບ​ອາຊີບ, ກວດ​ກູ້​ເນື້ອທີ່​ການ​ຜະລິດ ​ແລະ ການ​ພັດທະນາ. ຢ່າງ​ໃດ​ກໍ​ຕາມ​ປະຕິບັດ​ວຽກງານ​ເກັບ​ກູ້​ລະ​ເບີດ​ໃນ​ຊຸມ​ປີຜ່ານ ມາ​ມີ​ບາງ​ດ້ານ​ບໍ່ທັນ​ບັນລຸ​ຄາດໝາຍອັນ​ມີ​ສາ​ເຫດ​ມາ​ຈາກ​ຫລາຍ​ປັດ​ໄຈ ຊຶ່ງ​ຈະ​ໄດ້​ສຸມ​ໃສ່​ແກ້​ໄຂ​ໃນຕໍ່ໜ້າໂດຍ​ສະ​ເພາະ​ການ​ແກ້​ໄຂ​ເນື້ອທີ່​ດິນ​ບູລິ​ມາ​ສິດ​ຂອງ​ລັດຖະບານຕາມ​ຄາດໝາຍ 20.000 ​ເຮັກຕາ​/ປີ.

ຂະແໜງໄປສະນີ-​ໂທລະ​ຄົມມະນາຄົມ-ການ​ສື່ສານ​ຕ້ອງ​ໄດ້​ສືບຕໍ່​ປັບປຸງ​ຫລາຍດ້ານ.

   ທ່ານພົນໂທ ດວງໃຈ ພິຈິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ, ຜູ້ຊີ້ນຳວຽກງານໄປ ສະນີ, ໂທລະຄົມມະນາຄົມ ແລະ ການສື່ສານໄດ້ໃຫ້ກຽດໂອລົມ ແລະ ໃຫ້ທິດຊີ້ນຳ​ຕໍ່ກອງປະຊຸມປະຈຳປີ 2013 ວຽກງານໄປ ສະນີ, ໂທລະຄົມມະນາຄົມ ແລະ ການສື່ສານ​ໃນ​ວັນ​ທີ 18 ກຸມພາ ນີ້ວ່າ: ເພື່ອເປັນທິດທາງໃຫ້ແຕ່ລະພາກສ່ວນໄດ້ເຮັດໜ້າທີ່ ຂອງຕົນຢ່າງມີປະສິດທິຜົນໃນການນຳໃຊ້ເຕັກໂນໂລຊີສື່ສານ ແລະ ຂໍ້ມູນຂ່າວສານໃຫ້ເປັນເຄື່ອງມືກະຕຸກຊຸກຍູ້ການຫັນເປັນ ທັນສະໄໝ ແລະ ປະກອບສ່ວນການພັດທະນາເສດຖະກິດ-ສັງຄົມພາຍໃນປະເທດໃຫ້ແຂງແຮງນັ້ນ, ຄະນະພັກ ແລະ ຄະນະ ນຳແຕ່ລະຂັ້ນຂອງກະຊວງຕ້ອງບຸກທະລຸທາງດ້ານທັດສະນະ ແລະ ຄວາມຮູ້ກ່ຽວກັບໄອຊີທີ ທີ່ເປັນປັດໄຈໜຶ່ງທີ່ສຳຄັນໃນ ການພັດທະນາເສດຖະກິດ-ສັງຄົມຂອງປະເທດເພື່ອໃຫ້ຫລຸດພົ້ນອອກຈາກຖານະດ້ອຍພັດທະນາໃນປີ 2020 ຕາມທີ່ພັກກຳ ນົດໄວ້; ຕ້ອງໄດ້ຄົ້ນຄວ້າກຳນົດຍຸດທະສາດໄອຊີທີແຫ່ງຊາດເພື່ອສະເໜີລັດຖະບານໃນການຈັດຕັ້ງປະຕິບັດນະໂຍບາຍຂອງ ລັດຖະບານເພື່ອຫັນປະເທດເປັນອຸດສາຫະກຳ ແລະ ທັນສະໄໝນັ້ນ. ໃນສະເພາະໜ້ານີ້ ກະຊວງໄປສະນີ, ໂທລະຄົມມະນາ ຄົມ ແລະ ການສື່ສານຈະຕ້ອງຖືເປັນບູລິມະສິດ ໜຶ່ງເພື່ອເຮັດໃຫ້ອັກສອນລາວໄດ້ຮັບການປັບປຸງຈົນເຖິງຂັ້ນສົມ ບູນຄືກັບພາ ສາອື່ນໆ; ເອົາໃຈໃສ່ປັບປຸງລະບົບບໍລິຫານລັດດ້ວຍເອເລັກໂຕຣນິກໃນຂອບເຂດໃນທົ່ວປະເທດເພື່ອປະຢັດເວລາ, ຕິດຕໍ່ໄດ້ ງ່າຍ ແລະ ປອດໄພ,ໃ ຫ້ບັນດາກະຊວງ, ຂະແໜງການ ແລະ ທ້ອງຖິ່ນສາມາດນຳໃຊ້ໄດ້ແຕ່ໜ້ອຍຫາຫລາຍ; ເອົາໃຈໃສ່ເຝິກ ອົບຮົມໃຫ້ພະນັກງານໂດຍສະເພາະດ້ານໄອຊີທີ, ຊຸກຍູ້ໃຫ້ບັນດາວິສາຫະກິດປະຕິບັດພັນທະຄ່າບໍລິການ ແລະ ຄ່າອາກອນ ຕາມລະບຽບການຢ່າງເຄັ່ງຄັດອັນເປັນການສ້າງລາຍໄດ້ເຂົ້າງົບປະມານແຫ່ງຊາດປະກອບສ່ວນເຂົ້າໃນການແກ້ໄຂຄວາມທຸກ ຍາກຂອງປະຊາຊົນ; ສ້າງນິຕິກຳທີ່ເໝາະສົມໂດຍອີງໃສ່ບົດຮຽນຂອງປະເທດອື່ນໃນການຄຸ້ມຄອງອຸປະກອນໄອຊີທີທີ່ມີມາດ ຕະຖານສາກົນ.

     ທ່ານພົນໂທ ດວງໃຈ ພິຈິດ ໄດ້ກ່າວຕື່ມວ່າ: ລະບົບໄອຊີທີ ໄດ້ກາຍເປັນຄວາມຈຳເປັນສຳລັບຫລາຍໆກະຊວງ ແລະ ຂະ ແໜງການໃນລະດັບທີ່ແຕກຕ່າງກັນ. ດັ່ງນັ້ນ ຕ້ອງໄດ້ມີການປະສານສົມທົບໃນການນຳໃຊ້ເຕັກໂນໂລຊີຂໍ້ມູນຂ່າວສານ ແລະ ໂທ ລະຄົມມະນາຄົມໃຫ້ເກີດປະໂຫຍດສູງສຸດ, ຫລີກເວັ້ນການລົງທຶນ ແລະ ການພັດທະນາທີ່ມີລັກສະນະສັບຊ້ອນ ແລະ ບໍ່ ມີການລວມສູນ. ກະຊວງ ປທສ ຕ້ອງສ້າງເງື່ອນໄຂນຳໃຊ້ໂຄງລ່າງພື້ນຖານ ແລະ ສິ່ງອຳນວຍຄວາມສະດວກໃຫ້ສາມາດຮອງ ຮັບກັບເຕັກໂນໂລຊີທີ່ທັນສະໄໝແບບປະສົມປະສານແນໃສ່ການປະຢັດ, ມີປະສິດທິຜົນ, ມີລາຄາຖືກ, ວ່ອງໄວ ແລະ ປອດ ໄພ. ສ່ວນກະຊວງອື່ນໆກໍຕ້ອງພັດທະນາ ແລະ ນຳໃຊ້ໂປຼແກມໃນຂົງເຂດວຽກງານຂອງຕົນຢ່າງມີປະສິດທິຜົນ ແລະ ອື່ນໆ.