ກະສິກຳເນັ້ນ ສືບຕໍ່ໂຄງການເກັບແກ່ນ ແລະ ກ້າເບ້ຍໄມ້ຄືນໃໝ່

     ພາຍຫຼັງທີ່ລັດຖະບານໄດ້ເປີດ ກ້ວາງການລົງທືນໃນຂະແໜງ ກະສິກຳປ່າໄມ້, ໂດຍສະເພາະ ແມ່ນການປູກໄມ້ເປັນສິນ ຄ້າ, ວຽກງານກ້າເບ້ຍໄມ້ຈຶ່ງໄດ້ຮັບ ການສົ່ງເສີມຢ່າງກ້ວາງຂວາງ ໂດຍສະເພາະ:ວຽກງານເກັບແກ່ນ, ກ້າເບ້ຍຊຶ່ງເປັນວຽກ ງານໜຶ້ງທີ່ຂະແໜງກະສິກຳ ປ່າໄມ້ໄດ້ເອົາໃຈໃສ່ຈັດຕັ້ງປະຕິ ບັດມາເປັນເວລາດົນນານ, ແຕ່ ມາຊ່ວງໄລຍະໜຶ່ງໄດ້ຖືກປ່ອຍ ປະໄປ, ໂດຍສ່ວນໃຫຍ່ຈະມອບໃຫ້ບໍລິສັດເອກະຊົນເປັນຜູ້ລົງທຶນກ້າເບ້ຍ ແລະ ຄຽງຄູ່ກັນນັ້ນສ່ວນຫຼາຍແມ່ນເຂົາຈະກ້ າແຕ່ເບ້ຍໄມ້ທີ່ເປັນສິນຄ້າເຊັ່ນ: ຢາງພາລາ, ໄມ້ບິກ, ໄມ້ເກດສະໜາ, ໄມ້ດູລາຍ ແລະ ອື່ນໆ, ຊຶ່ງເຮັດໃຫ້ ການກ້າເບ້ຍໄມ້ ພື້ນເມືອງສ່ວນໃຫຍ່ຖືກປ່ອຍປະ ແລະ ອາດນຳໄປສູ່ການສູນພັນກໍເປັນໄດ້, ພ້ອມກັນນັ້ນກໍຍັງເຮັດໃຫ້ຂະບວນການປູກ

ໄມ້ປະຈຳປີຂອງອົງການຈັດຕັ້ງພັກລັດບໍ່ຄຶກຄື້ນ ດັ່ງທີ່ຜ່ານມາ.

      ຍ້ອນເຫັນໄດ້ຄວາມຈຳເປັນ ແລະ ສິ່ງທ້າທາຍດັ່ງກ່າວນັ້ນ, ໃນສົກປີ 2014 ນີ້ທ່ານລັດຖະມົນ ຕີວ່າການກະຊວງກະ ສິກຳ ແລະ ປ່າໄມ້, ກໍຄືລັດຖະບານຈຶ່ງໄດ້ມີຄຳສັ່ງແນະນຳໃຫ້ຂະພະແນກກະສິກຳ ແລະ ປ່າໄມ້ແຂວງ, ນະຄອນຫຼວງ ແລະ ເມືອງ ໃນທົ່ວປະເທດສືບຕໍ່ປະຕິບັດໂຄງການເກັບແກ່ນ ແລະ ກ້າເບ້ຍໄມ້ພື້ນເມືອງຄືນໃໝ່, ແນ່ໃສ່ຂະຫຍາຍພັນໄມ້ພື້ນເມືອງ ໃຫ້ຫຼາຍຂຶ້ນ, ທັງເປັນການສົ່ງເສີມໃຫ້ຊາວກະສິກອນ ແລະ ທຸກຂະແໜງການຂອງລັດມີເບ້ຍໄມ້ໄວ້ປູກທັນກັບລະດູການ, ພ້ອມດຽວກັນນັ້ນກໍຕ້ອງສ້າງແຜນງົບປະມານເພື່ອໃຊ້ເຂົ້າໃນວຽກງານດັ່ງກ່າວໃຫ້ຮັບປະກັນເພື່ອການຈັດຕັ້ງປະຕິບັດທັນກັບ ລະ ດູການ ແລະ ເປັນຂະບວນຟົດຟື້ນຄືແຕ່ກ່ອນ.