ການຂັບຂີ່ລົດດ້ວຍຄວາມປະ ໝາດເຊັ່ນ: ເມົາແລ້ວຂັບ,
ຂັບລົດໄວເກີນຂອບເຂດ ແມ່ນສາເຫດຕົ້ນຕໍຂອງການເກີດອຸປະຕິເຫດບົນທ້ອງຖະໜົນ
ອັນໄດ້ສ້າງຄວາມເສຍຫາຍຕໍ່ຊີວິດ ແລະ ຊັບສິນຜູ້ຄົນມາແລ້ວເປັນຈຳນວນບໍ່ໜ້ອຍ
ຄືດັ່ງເຫດການທີ່ເກີດຂຶ້ນເມື່ອທ່ຽງຄືນຂອງວັນທີ 16 ກຸມ ພາຜ່ານມານີ້, ລົດຈິບແລນກຣຸນ
ເຊີ (Land Cruiser) ສີປອນ ເລກທະບຽນ ກກ 9999 ຄຳມ່ວນ ເສຍຫລັກເຈີດເຂົ້າເຮືອນຄົນຢູ່ແຄມທາງເຂດບ້ານດົງດຳດວນ
ເມືອງໄກສອນ
ພົມວິຫານ ແຂວງສະ ຫວັນນະເຂດ ຍ້ອນຜູ້ຂັບລົດຄັນດັ່ງກ່າວຊື່ທ້າວ
ຫງວຽນດຶກຄຳ ອາຍຸ 28 ປີ ສັນຊາດຫວຽດນາມ ໄດ້ດື່ມສິ່ງມຶນເມົາແລ້ວຂັບຂີ່ລົດດ້ວຍຄວາມໄວສູງ
ຈຶ່ງເກີດອຸປະ ຕິເຫດຄືດັ່ງກ່າວ ອັນໄດ້ເຮັດໃຫ້ລົດ ແລະ ເຮືອນປະຊາຊົນໄດ້ຮັບຄວາມເສຍຫາຍສົມຄວນ, ໂຊກດີບໍ່ມີຜູ້ເສຍຊີວິດ ມີພຽງຜູ້ຂັບລົດ ແລະ ຍິງທີ່ນັ່ງມານຳບາດເຈັບເລັກໜ້ອຍ.
ນີ້ແມ່ນອຸປະຕິເຫດຕົວຢ່າງໜຶ່ງທີ່ສະທ້ອນໃຫ້ສັງຄົມຜູ້ໃຊ້ລົດໃຊ້ຖະໜົນຄວນມີສະຕິລະວັງຕົວໃນການຂັບຂີ່,
ບໍ່ຄວນຂັບຂີ່ດ້ວຍຄວາມປະໝາດ, ປະຕິບັດລະ ບຽບການສັນຈອນຢ່າງເຄັ່ງຂັດ ເພື່ອຮັບປະກັນຄວາມປອດໄພທັງຊີວິດ
ແລະ ຊັບສິນຂອງຕົນ ແລະ ຄົນອື່ນ.
No comments:
Post a Comment