laophatthananewspaper: ກຽມສາຍຮູບເງົາສາກົນວຽງຈັນນານຢູ່ລາວໃນລະຫວ່າງວັນທີ 8-9 ມີນານີ້

ກົມຮູບເງົາກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວຮ່ວມກັບ ສະຖານທູດອາເມລິກາ, ສູນການຮຽນຮູ້ ດອກລາວ ແລະ ທ່ານ ລອດ໌ ເດວິດ ພັທແນມ ທູດການຄ້າຂອງນາຍົກລັດ ຖະມົນຕີອັງກິດ ປະຈຳຫວຽດ ນາມ, ລາວ ແລະ ກຳປູເຈຍ, ທັງເປັນຜູ້ຜະລິດຮູບເງົາ ແລະ ນັກສຶກສາສາດຂອງປະເທດອັງກິດ ຈັດຖະແຫລງຂ່າວກ່ຽວກັບການເປີດມະຫະກຳ ຮູບເງົາສາກົນວຽງຈັນນານ ໃນວັນທີ 1 ມີນາ 2014 ທີ່ນະຄອນຫລວງວຽງຈັນ, ຊຶ່ງງານດັ່ງກ່າວແມ່ນຈະໄດ້ຈັດຂຶ້ນໃນວັນທີ 8-9 ມີນາ 2014 ທີ່ກົມຮູບເງົາກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວ. ພິເສດແມ່ນເຂົ້າຊົມໂດຍບໍ່ໄດ້ເສຍຄ່າໃຊ້ຈ່າຍໃດໆ.

ທ່ານ ອາທິດໄຊ ບວນ ດາວເຮືອງ, ອຳນວຍການສູນ ການຮຽນຮູ້ດອກລາວ ກ່າວວ່າ: ຮູບເງົາເລື່ອງສັ້ນເປັນແຫລ່ງທີ່ ສຳຄັນ ຂອງການພັດທະນາຮູບ ເງົາ, ພວກເຮົາໄດ້ຮັບປະກັນ ເຖິງການເຕີບໃຫຍ່ຂອງຄຸນນະ ພາບຮູບເງົາເລື່ອງສັ້ນນັບຕັ້ງແຕ່ມີການ ຈັດງານວຽງຈັນນານປີ 2009 ແລະ ພວກເຮົາໄດ້ຕັດສິນ ໃຈທີ່ຈະຈັດງານແຂ່ງຂັນຂຶ້ນທຸກໆປີ ແລະ ຈັດຝຶກອົບຮົບກ່ຽວ ກັບການສ້າງຮູບເງົາໄປພ້ອມໆ ກັນເພື່ອເຮັດໃຫ້ນັກສ້າງຮູບເງົາ ລາວເກີດຄວາມສົນໃຈ ແລະ ແຮງຈູງໃຈທີ່ຈະສ້າງຮູບເງົາຕໍ່ ໄປ. ໃນງານດັ່ງກ່າວຈະນຳຮູບເງົາເຂົ້າມາສາຍຈຳນວນ 16 ເລື່ອງ ແຕ່ລະເລື່ອງມີຄວາມຍາວບໍ່ເກີນ 7 ນາທີ ຊຶ່ງຖືກສ້າງໂດຍນັກສ້າງຮູບເງົາທີ່ເປັນຄົນລາວ ແລະ ໄດ້ສ້າງຂື້ນໂດຍອີງໃສ່ຫົວຂໍໍ້ທີ່ວ່າ: “ເຈົ້າ ແລະ ຂ້ອຍ” ຜູ້ທີ່ເຂົ້າຊົມຈະສາມາດໃຫ້ຄະແນນ ບັນດາຮູບເງົາເລື່ອງສັ້ນທີ່ຕົນມັກໄດ້ ເຊິ່ງເລື່ອງສັ້ນເຫລົ່ານັ້ນມີເນື່ອໃນກ່ຽວກັບຄວາມຮັກ, ມິດ ຕະພາບ ແລະ ຄອບຄົວ. ພ້ອມນີ້ ຍັງຈະມີການມອບ-ຮັບລາງວັນສຳລັບຮູບເງົາເລື່ອງສັ້ນທີ່ດີທີ່ສຸດອີກດ້ວຍ ແລະ ໃນໂອກາດນີ້ຍັງຈະໄດ້ມີການສາຍຮູບເງົາເລື່ອງສັ້ນຂອງຜູ້ຊະນະການແຂ່ງຂັນໃນປີ 2011 ຄື ຮູບເງົາຂອງທ່ານ ມັດທິພົນ ດວງມີໄຊ, ນອກນັ້ນ ຍັງມີການສາຍຮູບເງົາລາວຂອງທ່ານ ອານີໄຊ ແກ້ວລາ (ບໍລິສັດ ລາວນີວເວບ ຊິນນິລາ) ແລະ ຮູບເງົາຂອງທ່ານ ທິວອນ ເມືອງຫານ (ບໍລິສັດ ມິນິງ ສ໋ອງ). ຈາກນັ້ນ, ຍັງໄດ້ສະແດງຮູບເງົາເລື່ອງ ສັ້ນຈາກບັນດາປະເທດບ້ານໃຫ້ເຮືອນຄຽງອາຊີຕາເວັນອອກ ສຽງໃຕ້ ກໍຄື ຮູບເງົາເລື່ອງສັ້ນ ຈາກບັນດາປະເທດໃນເອີຣົບເປັນຕົ້ນແມ່ນ:ສະວີເດັນ, ອັງກິດ, ເຢຍລະມັນ ແລະ ສະເປນ. ແຕ່ລະປະເທດກໍມີການສ້າງຮູບເງົາທີ່ແຕກຕ່າງກັນບົນພື້ນຖານຫົວຂໍ້ “ເຈົ້າ ແລະ ຂ້ອຍ”. ການສາຍຮູບ ເງົາແມ່ນຈະຖືກຈັດໂດຍໂຮງສາຍ ຮູບເງົາ ແລະ ການສະແດງ ເຂົ້າໜຽວພົບເພັດ, ການສະແດງ ເຕັ້ນຈາກລາວບັ້ງໄຟ ແລະ ການ ສະແດງດົນຕີຈາກວົງລາວ ຣອກ,ເມຈິແບຼກ ແລະ ເມຕາລິກ.