laophatthananewspaper: ພິທີມອບ-ຮັບໜ້າທີໃໝ່ຫຼາຍຕຳແໜ່ງໃນກະຊວງການຕ່າງປະເທດ.

ປະຕິບັດຕາມແຜນການ ປັບ ປຸງກົງຈັກການຈັດຕັ້ງ, ຊັບຊ້ອນພະນັກງານຂອງກະຊວງການຕ່າງປະເທດ, ໃນວັນທີ 3 ມີນາ 2014, ກະຊວງການຕ່າງປະເທດ ໄດ້ຈັດຕັ້ງພິທີມອບ-ຮັບໜ້າທີ່ລະ ຫວ່າງຫົວໜ້າກົມຜູ້ເກົ່າ ແລະ ຜູ້ໃໝ່ໃຫ້ແກ່ບາງກົມພາຍໃນກະ ຊວງການຕ່າງປະເທດ, ໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ທອງລຸນ ສີສຸລິດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນ ຕີວ່າການກະ ຊວງການຕ່າງປະເທດ, ຫົວໜ້າຄະນະພົວພັນຕ່າງປະເທດສູນກາງພັກ, ພ້ອມບັນດາລັດຖະມົນຕີຊ່ວຍວ່າການ ແລະ ບັນດາຫົວ ໜ້າກົມຂອງກະຊວງການຕ່າງປະເທດກໍໄດ້ເຂົ້າຮ່ວມ. ການມອບ-ຮັບໜ້າທີ່ລະຫວ່າງຜູ້ເກົ່າ

ແລະ ໃໝ່ມີດັ່ງນີ້:

- ມອບ-ຮັບ ລະຫວ່າງ ທ່ານ ໄຊຍະການ ສີສຸວົງ ຫົວໜ້າຫ້ອງ ການກະຊວງການຕ່າງປະເທດຜູ້ເກົ່າ ແລະ ທ່ານ ນາງ ຄຳເພົາ ເອີນທະວັນ ຫົວໜ້າຫ້ອງການກະ ຊວງການຕ່າງປະເທດຜູ້ໃໝ່.

- ມອບ-ຮັບ ລະຫວ່າງ ທ່ານ ນາງ ຄຳເພົາ ເອີນທະວັນ ຫົວໜ້າສະຖາບັນການຕ່າງປະເທດຜູ້ເກົ່າ ແລະ ທ່ານ ຢົງ ຈັນທະລັງສີ ຫົວໜ້າສະຖາບັນການຕ່າງປະເທດຜູ້ໃໝ່.

- ມອບ-ຮັບ ລະຫວ່າງ ທ່ານ ຈັນທະວີ ໂພທິສານ ຫົວໜ້າກົມການເງິນຜູ້ເກົ່າ ແລະ ທ່ານ ຄຳພໍ ໄຂຄຳພິທູນ ຫົວໜ້າກົມອາຊຽນ ຜູ້ໃໝ່.

- ມອບ-ຮັບ ລະຫວ່າງ ທ່ານ ດຣ. ຂຽນ ພັນສຸຣິວົງ ຫົວໜ້າກົມອາຊຽນຜູ້ເກົ່າ ແລະ ທ່ານ ພົງສະ ຫວັນ ສີສຸລາດ ຫົວໜ້າກົມອາ ຊຽນຜູ້ໃໝ່.

- ມອບ-ຮັບ ລະຫວ່າງ ທ່ານ ອ້ວນ ພົມມະຈັກ ຫົວໜ້າກົມສົນທິສັນຍາ ແລະ ກົດໝາຍຜູ້ເກົ່າ ແລະ ທ່ານ ພູໂຂງ ສີສຸລາດ ຫົວ ໜ້າກົມສົນທິສັນຍາ ແລະ ກົດ ໝາຍຜູ້ໃໝ່

- ມອບ-ຮັບ ລະຫວ່າງ ທ່ານ ສຸວັນນາ ໄຊຍະສານ ຮັກສາການຫົວໜ້າຫ້ອງການບໍລິການສະຖາທູດຜູ້ເກົ່າ ແລະ ທ່ານ ບຸນຫວາດ ເກດສຸວັນ ຫົວໜ້າບໍລິການສະ ຖານທູດຜູ້ໃໝ່.

ພາຍຫຼັງໄດ້ເຊັນມອບ-ຮັບ ໜ້າທີ່ກັນແລ້ວ, ທ່ານຮອນາຍົກ ລັດຖະມົນຕີ ໄດ້ໃຫ້ກຽດໂອ້ລົມ ບັນດາທ່ານທີ່ເຂົ້າຮ່ວມໃນພິທີດັ່ງ ກ່າວ ໂດຍໄດ້ຊີ້ນຳໃຫ້ບັນດາພະ ນັກງານຫຼັກແຫຼງ ຈົ່ງໄດ້ສືບຕໍ່ຍົກສູງຄວາມຮັບຜິດຊອບຕໍ່ໜ້າທີ່ວຽກງານ ທີ່ຖືກມອບໝາຍໃຫ້ໃນຄັ້ງນີ້ ເພື່ອສືບຕໍ່ນຳເອົານະໂຍ ບາຍການຕ່າງປະເທດກ້າວຂື້ນຕາມແນວທາງ ຂອງພັກ-ລັດ, ໂດຍສະເພາະແມ່ນ ຕາມເນື້ອໃນຂອງກອງປະຊຸມ ວຽກງານການຕ່າງປະເທດຄັ້ງທີ 12 ເພື່ອປະ ກອບສ່ວນເຂົ້າໃນການເຊື່ອມໂຍງສາກົນຂອງປະເທດເຮົາໃນໄລຍະໃໝ່.