ພາຍຫລັງ, ດຳເນີນການສືບສວນ-ສອບສວນ ເປັນເວລາ 2 ວັນ, ກໍລະນີຄະດີຍິງຄົນໜຶ່ງຖືກຂ້າແລ້ວເອົາສົບໄປຖີ້ມລົງຄອງຊົນລະປະທານໃນເຂດບ້ານດ່ານຊ້າງ, ເມືອງໄຊທານີ, ນະຄອນ ຫລວງວຽງຈັນ. ໃນທີ່ສຸດເຈົ້າໜ້າທີ່ກໍສາມາດຈັບຄາດຕະ ກອນ ສອງຄົນທີ່ລົງມືຂ້າຍິງດັ່ງກ່າວໄດ້ຄື: ນາງ ດາວ ອາຍຸ 26 ປີ ຢູ່ບ້ານຫັດສະດີ ເມືອງຈັນທະບູລີ, ນະຄອນຫລວງວຽງຈັນ ແລະ ນາງ ຄຳສອນ ອາຍຸ 26 ປີ ຢູ່ບ້ານເກີນ ເມືອງທຸລະຄົມ ແຂວງວຽງຈັນ ເຊິ່ງຖືກເຈົ້າໜ້າທີ່ກັກຕົວໄດ້ໃນວັນທີ 26 ກຸມພາຜ່ານມານີ້.
ເຈົ້າໜ້າທີ່ ໃຫ້ຮູ້ວ່າ:ເຫດການໂຫດຫຽມດັ່ງກ່າວເກີດຂຶ້ນໃນວັນທີ 24 ກຸມພາ 2014 ໂດຍຜູ້ຕາຍຊື່ນາງ ສີສະຫຽມ ອາຍຸ 50 ປີ ຢູ່ບ້ານຫົງໄຊ, ເມືອງ ປາກຊັນ, ແຂວງບໍລິຄໍາໄຊ ແລະ ຜ່ານການສອບສວນຜູ້ຕ້ອງຫາທັງສອງຮັບສາລະພາບວ່າ: ເຄີຍ
ຮູ້ຈັກກັບຜູ້ຕາຍມາກ່ອນ ແລະ ຮູ້ວ່າຜູ້ຕາຍມີເງິນ ແລະ ໃສ່ຄຳ ຕິດຕົວຫລາຍຈຶ່ງລົງມືຂ້າເພື່ອເອົາຊັບ, ໂດຍໃນມື້ກໍເຫດໄດ້ໂທລະສັບຫາຜູ້ຕາຍໃຫ້ຂຶ້ນມາຫາພວກຕົນຢູ່ນະຄອນຫລວງວຽງຈັນ, ໂດຍນັດພົບກັນຢູ່ບ້ານພັກແຫ່ງໜຶ່ງໃນເຂດບ້ານໂນນສະອາດ ເມືອງໄຊທານີ ນະ ຄອນຫລວງວຽງຈັນ, ຈາກນັ້ນພວກຕົນກໍໄດ້ເອົານ້ຳໝາກກ້ຽງທີ່ປະສົມກັບຢາລະງັບຈຳນວນຫລາຍໃຫ້ຜູ້ຕາຍດື່ມທັນທີຈົນຂາດສະຕິແລ້ວ ພວກຕົນໄດ້ຄົ້ນເອົາເງິນ ແລະ ຄຳຮູບປະພັນຂອງຜູ້ຕາຍຈາກນັ້ນກໍໄດ້ຂໍຄວາມຊ່ວຍເຫລືອຈາກພະນັກ ງານບ້ານພັກໃຫ້ຊ່ວຍອູ້ມຜູ້ຕາຍ ຂຶ້ນລົດຈັກຊ້ອນສາມໂດຍອ້າງວ່າຈະພາແມ່ໄປໂຮງໝໍດ່ວນ ເພາະບໍ່ສະບາຍກະທັນຫັນ ແລະ ທັງສອງຈຶ່ງໄດ້ຂີ່ລົກຈັກລຽບໄປຕາມຄອງຊົນລະປະທານເຂດບ້ານດ່ານຊ້າງເມືອງໄຊທານີ ແລ້ວເອົາຜູ້ຕາຍຖິ້ມລົງຄອງຊົນ ລະປະທານຈາກນັ້ນຂັບລົດຈັກຫລົບໜີໄປ ແລະ ຊັບສີນຂອງຜູ້ຕາຍແມ່ນໄດ້ແບ່ງກັນ ແລະ ຕົກມາຮອດວັນທີ 26 ກຸມພາ 2014 ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີຕາມກົດາຍ. 
No comments:
Post a Comment