laophatthananewspaper: ລະບົບການຂົນສົ່ງພາຍໃນປະເທດນັບມື້ດີຂຶ້ນ.

ກະຊວງໂຍທາທິການ ແລະ ຂົນສົ່ງ ໃຫ້ຮູ້ວ່າ: ລະບົບການຂົນສົ່ງຂອງປະເທດເຮົາໄດ້ຮັບການປັບປຸງພັດທະນາໃຫ້ດີຂຶ້ນເທື່ອລະກ້າວ ອັນໄດ້ເປັນປັດໄຈພື້ນຖານສະດວກໃຫ້ແກ່ການຄົມມະນາ ຄົມ ແລະ ຊຸກຍູ້ສົ່ງເສີມການຜະ ລິດສິນຄ້າຢູ່ປະເທດເຮົາ.

ກະຊວງດັ່ງກ່າວ ໃຫ້ຮູ້ວ່າ: ມາຮອດປັດຈຸບັນ ທົ່ວປະເທດມີເສັ້ນທາງຍາວ 43 ພັນກວ່າກິໂລແມັດ ແລະ ໃນຊຸມປີຜ່ານມາ ບໍລິມາດຂົນສົ່ງສິນຄ້າເພີ່ມຂຶ້ນປະ ມານ 5-8% ຕໍ່ປີ, ໃນນັ້ນ ບໍລິມາດການຂົນສົ່ງໂດຍສານເພີ່ມຂຶ້ນ ປະມານ 9% ແລະ ຂົນສົ່ງສິນຄ້າ 7%. ນອກນີ້ ໄດ້ສຸມໃສ່ສ້າງສິ່ງອຳນວຍຄວາມສະດວກຕ່າງໆໃຫ້ແກ່ລະບົບການຂົນສົ່ງເຊັ່ນ: ໃນລະດັບອະນຸພາກພື້ນແມ່ນ້ຳ ຂອງ (GMS) ມີສັນຍາຂົນສົ່ງຂ້າມແດນ (CBTA), ແລວເສດ ຖະກິດຕາເວັນອອກ-ຕາເວັນຕົກ, ແລວເສດຖະກິດເໜືອ-ໃຕ້ ແລະ ບໍລິການຜ່ານປະຕູ
ດຽວຢູ່ດ່ານສາກົນ ແດນສະຫວັນ-ລາວບາວ. ພ້ອມນີ້ ໄດ້ເຊັນສັນຍາຂົນສົ່ງ 3 ຝ່າຍລະຫວ່າງລາວ-ຫວຽດ ນາມ-ໄທ, ລາວ-ກຳປູເຈຍ- ຫວຽດນາມ, ສ່ວນລະຫວ່າງ ຈີນ-ລາວ-ໄທ ພວມກະກຽມຮ່າງ

ສັນຍາ, ແຕ່ໄດ້ມີການເຊັນສັນຍາສອງຝ່າຍກັບຫລາຍປະເທດ ເປັນຕົ້ນລາວ-ໄທ, ລາວ-ຫວຽດ ນາມ, ລາວ-ກຳປູເຈຍ ແລະ ລາວ-ຈີນ. ປັດຈຸບັນ ມີສະໜາມບິນ 12 ແຫ່ງ, ໃນນັ້ນ ສະໜາມບິນສາກົນ 4 ແຫ່ງ ແລະ ພາຍໃນ 8 ແຫ່ງ ພົ້ນເດັ່ນສຳເລັດການຍົກລະດັບສະໜາມບິນສາກົນວັດໄຕ ເພື່ອຮອງຮັບບັນດາເຮືອບິນໂບ ອິ້ງ 747, ຍົກລະດັບສະໜາມບິນຫລວງພະບາງ, ປາກເຊໃຫ້ດີຂຶ້ນ, ພ້ອມທັງກໍ່ສ້າງສະໜາມບິນໜອງຄ້າງ ແຂວງຫົວພັນ ແລະ ສະໜາມບິນອັດຕະປື ໂດຍຈະໃຫ້ສຳເລັດໃນໃກ້ໆນີ້ ເຊິ່ງການຂົນສົ່ງໂດຍສານທາງອາກາດໃນປີ 2012 ເພີ່ມຂຶ້ນ 15% ແລະ ການຂົນສົ່ງວັດຖຸພັນເພີ່ມຂຶ້ນ 8%, ປັບ ປຸງລະບົບການບໍລິການບິນຜ່ານໃຫ້ມີຄວາມທັນສະໄໝ ແລະ ປອດໄພກວ່າເກົ່າ ອັນໄດ້ສ້າງລາຍຮັບເຂົ້າງົບປະມານເປັນຈຳ ນວນບໍ່ໜ້ອຍ. ປັດຈຸບັນມີສັນຍາວ່າດ້ວຍການຂົນສົ່ງທາງອາ ກາດແບບສອງຝ່າຍກັບທຸກປະເທດອາຊຽນ ຍົກເວັ້ນຟີລິບປິນ, ມາເກົາ, ຮົງກົງ, ສ.ເກົາຫລີ, ກູເວດ, ສະຫະລັດອາຣັບເອມິເລດ, ສະຫະລັດອາເມລິກາ ແລະ ໄດ້ເຊັນສັນຍາເປີດກວ້າງການຂົນສົ່ງທາງອາກາດ 4 ຝ່າຍ ຄືກຳປູເຈຍ, ລາວ, ມຽນມາ ແລະ ຫວຽດນາມ (CLMV). ພ້ອມກັນນີ້ ພາຍໃຕ້ແຜນການຮ່ວມມືດ້ານການຂົນສົ່ງໃນກອບອາຊຽນແມ່ນພວມກະກຽມແຜນດຳເນີນງານເພື່ອກ້າວສູ່ການເປີດນ່ານຟ້າເສລີພາຍໃນອາຊຽນ ໃນປີ 2015, ສ່ວນການພັດທະນາເສັ້ນທາງລົດໄຟແມ່ນອີງໃສ່ແຜນຍຸດທະສາດການເຊື່ອມໂຍງເຂົ້າ ກັບລະບົບຕາໜ່າງທາງລົດໄຟພາກພື້ນ ແລະ ອະນຸພາກພື້ນ ໂດຍສະເພາະແມ່ນສັນຍາສາກົນວ່າດ້ວຍຕາໜ່າງທາງລົດໄຟຜ່ານອາຊີ ເຊິ່ງໄດ້ມີເສັ້ນທາງລົດໄຟທຳອິດຂອງລາວຍາວ 3,5 ກິໂລແມັດ. ສຳລັບໂຄງການກໍ່ສ້າງທາງລົດໄຟເຊື່ອມຕໍ່ລະຫວ່າງ ລາວ-ໄທ ໄລຍະ 2 ກໍພວມຂຸ້ນ ຂ້ຽວຈັດຕັ້ງປະຕິບັດ ແລະ ໂຄງ ການລົດໄຟລາວ-ຈີນ ແຕ່ບໍ່ເຕັນຫານະຄອນຫລວງວຽງຈັນແມ່ນສຳເລັດການສຶກສາຄວາມເປັນໄປໄດ້ ແລະ ຢູ່ໃນຂັ້ນຕອນການ ຄົ້ນຄວ້າແຫລ່ງທຶນມາປະຕິບັດ.