ເລີ່ມກໍ່ສ້າງຊົນລະປະທານຫ້ວຍ ບັງລຽງເມືອງປະທຸມພອນ.

      ບໍລິສັດ ດວງດີກໍ່ສ້າງ ຂົວ-ທາງ ຈຳກັດ ລົງທຶນກ້ອນ 161 ຕື້ກີບເພື່ອກໍ່ສ້າງຊົນລະປະ ທານຫ້ວຍບັງລຽງເມືອງປະທຸມ ພອນ ແຂວງຈຳປາສັກ ເພື່ອຕອບ ສະໜອງນ້ຳໃນເນື້ອທີ່ນາ 1.100 ເຮັກຕາໃຫ້ປະຊາຊົນເຂດດັ່ງ ກ່າວສາມາດປູກເຂົ້າ ແລະ ປູກ ພືດປີໜຶ່ງໄດ້ 2 ລະດູການ, ຄາດວ່າການກໍ່ສ້າງຈະໃຫ້ສຳເລັດ ພາຍໃນ 48 ເດືອນ. ໂດຍລົງນາມພິທີສັນຍາຮັບເໝົາກໍ່ສ້າງ ໂຄງການດັ່ງກ່າວມີຂຶ້ນເມື່ອບໍ່ດົນມານີ້ລະຫວ່າງທ່ານ ສຸປານີ ສີລິ ປຸນໂຍ ຫົວໜ້າພະແນກກະສິກຳ ແລະ ປ່າໄມ້ແຂວງ ກັບ ທ່ານ ອຸດອນ ແກ້ວດວງດີ ປະທານ ບໍລິສັດ ດວງດີກ່ໍສ້າງຂົວ-ທາງ ຈຳກັດ, ໂດຍມີທ່ານ ເມກສະຫວັນ ພົມພິທັກ ປະທານ ສະມາຊິກສະພາແຫ່ງຊາດເຂດເລືອກຕັ້ງ 15 ແຂວງຈຳປາສັກ, ເຂົ້າຮວ່ມ.

      ໂຄງການກໍ່ສ້າງຊົນລະປະທານຫ້ວຍບັງລຽງເປັນຝາຍນ້ຳລົ້ນຂະໜາດໃຫຍ່ອັນດັບໜຶ່ງຂອງແຂວງ, ນອນໃນທົ່ງພຽງຈຳປາ ສັກ ແລະ 7 ທົ່ງພຽງໃຫຍ່ ຂອງລາວເຊິ່ງລັດຖະບານໄດ້ກຳນົດເປັນເຂດພັດທະນາກະສິກຳ ໃຫ້ກາຍເປັນສິນຄ້າແຕ່ນີ້ຮອດປີ 2020 ແລະ ປີ 2025, ໂຄງການ ນີ້ປະກອບມີຫົວງານ 1 ແຫ່ງ, ກໍ່ສ້າງຄອງເໝືອງແມ່ 2 ເສັ້ນຍາວ 12.300 ແມັດ, ກໍ່ສ້າງ

ຄອງເໝືອງຂັ້ນສອງ 16 ເສັ້ນຍາວ 19.000 ແມັດ ແລະ ກໍ່ສ້າງລະບົບອາຄານຕ່າງໆໃນບັນດາຄອງເໝືອງ ແລະ ການບຸກເບີກ ເນື້ອທີ່ໃໝ່ໃນມູນຄ່າລວມທັງໝົດ 161 ຕື້ກີບ ໂດຍແມ່ນບໍລິສັດລົງທຶນກ່ອນ 100% ແລະ ລັດຖະ ບານຈະຊຳລະຄືນພາຍ ຫຼັງທີ່ສຳເລັດ. ໂຄງການນີ້ເມື່ອສຳເລັດຈະມາດສະໜອງນ້ຳ ໃຫ້ປະຊາຊົນໃນເນື້ອທີ່ 1.100 ເຮັກຕາ ເພື່ອປູກເຂົ້າ ແລະ ປູກພຶດ ຕ່າງໆ. ໃນນັ້ນມີເນື້ອທີ່ນາເຟືອງ 880 ເຮັກຕາ ແລະ ເນື້ອທີ່ສາມາດສັບຊ່າວໃໝ່ໄດ້ 220 ເຮັກຕາ ເຊິ່ງຈະກາຍເປັນຈຸດສຸມ ຂອງເມືອງ ແລະ ຂອງແຂວງໃນການເຮັດໃຫ້ຊີວິດການເປັນຢູ່ຂອງປະຊາຊົນດີຂື້ນເທື່ອລະກ້າວ ແລະ ເຮັດໃຫ້ເຂດດັ່ງກ່າວ ກາຍເປັນເຂດເນື້ອທີ່ການຜະລິດກະສິກຳທີ່ທັນສະໄໝໃນອະນາຄົດ.