ລົງນາມສັນຍາພັດທະນາໂຄງການເຂື່ອນໄຟຟ້ານ້ຳໄຜ່ຢູ່ແຂວງໄຊສົມບູນ.

      ບໍລິສັດ ໄຟຟ້າ ນ້ຳໄຜ່ ໄດ້ ລົງນາມສັນຍາກັບລັດຖະບານ ລາວ, ເພື່ອສຳປະ ທານໂຄງການ ເຂື່ອນໄຟຟ້ານ້ຳໄຜ່ຢູ່ແຂວງໄຊ ສົມບູນໃນວັນທີ 28 ກຸມພາຜ່ານ ມານີ້, ຢູ່ກະຊວງແຜນການ ແລະ ການລົງທຶນໂດຍໃຫ້ກຽດເຂົ້າ ຮ່ວມຂອງທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະ ມົນຕີ, ຜູ້ຊີ້ນຳວຽກງານເສດ ຖະກິດ ແລະ ທ່ານເອກອັກຄະ ລັດຖະທູດ ສປ ຈີນ ປະຈຳລາວ ແລະ ຮ່ວມລົງນາມໃນຄັ້ງນີ້ ຕາງໜ້າລັດຖະບານແມ່ນທ່ານ ດຣ ບຸນທະວີ ສີສຸພັນທອງ ລັດຖະ ມົນຕີວ່າການກະຊວງແຜນການ ແລະ ການລົງທຶນ, ທ່ານ ສີຈາດ ບຸດຊາກິດຕິລາດ ຮອງຫົວໜ້າ ກົມທຸລະກິດພະ ລັງງານ ແລະ ທ່ານ ຈັນທະໝອນ ວົງສົມຈິດ ຫົວໜ້າພະແນກແຜນການ ແລະ ການລົງທຶນແຂວງໄຊສົມບູນ ແລະ ຝ່າຍ ບໍລິສັດມີທ່ານ ຊ່າງຊີ້ ຜິງ ປະທານບໍລິສັດ ໄຟຟ້ານ້ຳໄຜ່ ຈຳກັດ ແລະ ທ່ານ ສີເຫວ້ຜູ້ອຳ ນວຍການໃຫຍ່ບໍລິສັດໄຟຟ້ານ້ຳໄຜ່ ຈຳກັດ.

     ທ່ານ ຊ່າງຊີ້ຜິງ ປະທານ ບໍລິສັດ ໄຟຟ້ານ້ຳໄຜ່ ຈຳກັດ ໃຫ້ ຮູ້ວ່າ: ເຂື່ອນໄຟຟ້ານ້ຳໄຜ່ ແຂວງ ໄຊສົມບູນ ມີກຳລັງຕິດຕັ້ງ 86 ເມກາວັດ (MW) ສາມາຜະລິດ ໄຟຟ້າໄດ້ 420 ລ້ານກິໂລວັດໂມງ ຕໍ່ປີ ເປັນເຂື່ອນໃຊ້ລະດັບນ້ຳ ຕົກທີ່ສູງ, ອ່າງເກັບ ນ້ຳໃຫຍ່ສາ ມາດປັບປຸງການຜະລິດໄຟຟ້າໄດ້ຫລາຍປີ ແລະ ມີອຸໂມງທໍ່ສົ່ງນ້ຳ ທີ່ຍາວ.ໂຄງການດັ່ງກ່າວບໍ່ພຽງແຕ່ຈະເຮັດ ໃຫ້ເສດຖະກິດມີການຈະເລີນເຕີບໂຕເທົ່ານັ້ນແຕ່ຍັງຈະສະໜອງພະລັງງານສະອາດ ແລະ ສ້າງຜົນກຳໄລ ທັງເປັນການ ປະກອບສ່ວນເຂົ້າໃນການ ພັດທະນາເສດຖະກິດ-ສັງຄົມ ຂອງລາວນຳອີກ.

     ທ່ານປະທານບໍລິສັດ ໄຟຟ້າ ນ້ຳໄຜ່ ຈຳກັດ ໄດ້ກ່າວອີກວ່າ: ພາຍໃຕ້ການຕິດຕາມ ແລະ ປະ ສານງານຂອງພາກສ່ວນ ທີ່ກ່ຽວຂ້ອງທາງບໍລິສັດຈະຈັດຕັ້ງປະຕິບັດວຽກງານຢູ່ພາກສະໜາມ ຢ່າງຮອບດ້ານໂດຍອີງຕາມ ແບບແຜນທີ່ກຳນົດໄວ້ ແລະ ໃນ ຊ່ວງໄລຍະການກໍ່ສ້າງໂຄງການ ທາງບໍລິສັດຈະເນັ້ນໃສ່ແກ້ໄຂບັນຫາຜົນກະທົບທາງດ້ານສິ່ງແວດລ້ອມ ແລະ ສັງຄົມ, ພັດທະນາ ເສດຖະກິດທ້ອງຖິ່ນ ແລະ ປະ ກອບສ່ວນເຂົ້າໃນການປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນກວ່າເກົ່າ.