ກະຊວງກະສິກຳ-ປ່າໄມ້ ໃຫ້ຮູ້ວ່າ: ຜ່ານການສັງລວມແຜນ
ການ ແລະ ຄວາມຕ້ອງການກ່ຽວກັບການຂຸດຄົ້ນໄມ້ສຳລັບ 7 ແຂວງ ປະກອບມີແຂວງຜົ້ງ
ສາລີ, ບໍ່ແກ້ວ, ຫົວພັນ, ຫລວງພະບາງ, ໄຊຍະບູລີ, ວຽງຈັນ ແລະ ຈຳປາສັກ ໃນສົກປີໜ້າ
(2014-2015) ມີເຖິງ 106.000 ແມັດກ້ອນ.
ທ່ານ ວິໄລວັນ ພົມເຂ ລັດ ຖະມົນຕີວ່າການກະຊວງກະສິ
ກຳ-ປ່າໄມ້ ລາຍງານຕໍ່ກອງປະ ຊຸມເປີດກວ້າງລັດຖະບານປີ 2014 ໂດຍຊີ້ໃຫ້ເຫັນກ່ຽວກັບແຜນຂໍອະນຸມັດຂຸດຄົ້ນໄມ້
ປະຈຳສົກປີ 2014-2015 ຈາກເຂດກໍ່ ສ້າງພື້ນຖານໂຄງລ່າງ, ເຂດບຸກເບີກເນື້ອທີ່ປູກໄມ້,
ພືດກະສິກຳ ແລະ ເຂດເນື້ອທີ່ການຜະລິດຂອງປະຊາຊົນໃນ 7 ແຂວງ ລວມທັງໝົດ
105.940 ກວ່າແມັດກ້ອນ, ໃນນັ້ນ ຫລາຍກວ່າໝູ່ແມ່ນແຂວງຫລວງພະບາງ 50 ພັນແມັດກ້ອນ,
ແຂວງຈຳປາສັກ 32 ພັນແມັດກ້ອນ, ຫົວ ພັນ 20 ພັນແມັດກ້ອນ, ບໍ່ແກ້ວ 1.231 ແມັດກ້ອນ,
ໄຊຍະບູລີ 1.106 ແມັດກ້ອນ, ວຽງຈັນ 1.066 ແມັດກ້ອນ ແລະ ຜົ້ງສາ ລີ 400 ແມັດກ້ອນ.
ສຳລັບແຜນຂຸດຄົ້ນໄມ້ໃນທົ່ວປະເທດ ສົກປີ 2013-2014 ມີທັງໝົດ 580.071 ແມັດກ້ອນ,
ປະຕິບັດໄດ້ພຽງ 69.888 ແມັດກ້ອນ ເທົ່າກັບ 12% ຂອງແຜນ ການ. ສ່ວນແຜນຂຸດຄົ້ນໄມ້
6 ເດືອນຕົ້ນສົກປີ 2013- 2014 ພາຍ ຫລັງທີ່ລັດຖະບານມີມະຕິໃຫ້ກະ ຊວງກະສິກຳ ແລະ
ປ່າໄມ້ມອບແຜນໃຫ້ບັນດາແຂວງ ແລະ ນະ ຄອນຫລວງວຽງຈັນຈັດຕັ້ງ ປະຕິບັດເລີ່ມແຕ່ທ້າຍປີຜ່ານມາຈຳນວນ
133.288 ແມັດກ້ອນ ເຊິ່ງລວມມີໄມ້ໃນເຂດກໍ່ສ້າງພື້ນຖານໂຄງ
ລ່າງເຊັ່ນ: ແລວທາງ,
ແລວໄຟຟ້າ, ອ່າງເກັບນ້ຳ ຊົນລະປະທານ, ເຂດຈັດສັນພູມ ລຳເນົາໃໝ່ ລວມທັງເຂດກໍ່ສ້າງເຂື່ອນໄຟຟ້າ,
ໂຄງການຂຸດຄົ້ນແຮ່ທາດ, ເຂດບຸກເບີກປູກໄມ້ອຸດສາຫະກຳ ແລະ ພືດເສດຖະ ກິດອື່ນໆ.
ມາຮອດປັດຈຸບັນສາ ມາດປະຕິບັດພຽງແຕ່ 11.745 ແມັດກ້ອນ ຫລື ເທົ່າກັບ 9% ຂອງແຜນການ.
ທັງນີ້ເນື່ອງຈາກການປະຕິບັດແຜນຂຸດຄົ້ນໄມ້ຕົວຈິງມີລັກສະນະຊັກຊ້າ ຍ້ອນຫລາຍຂອດປະສານງານ
ຈຶ່ງເຮັດໃຫ້ຫລາຍແຂວງເລີ່ມປະຕິບັດໃນຕົ້ນປີ 2014. ນອກ ຈາກໂກຕາປົກກະຕິແລ້ວ
ບາງແຂວງຍັງສືບຕໍ່ຂຸດຄົ້ນໄມ້ທີ່ລັດຖະບານອະນຸມັດໃນເຂດກໍ່ ສ້າງພື້ນຖານໂຄງລ່າງຂອງແຂວງ
ໃນສົກປີຜ່ານມາຈຳນວນ 446.783 ແມັດກ້ອນ, ມາຮອດປັດຈຸບັນສາມາດປະຕິບັດໄດ້ພຽງ
58.142 ແມັດກ້ອນ ເທົ່າກັບ 13% ຂອງແຜນການ.
ທ່ານລັດຖະມົນຕີວ່າການກະຊວງກະສິກຳ-ປ່າໄມ້
ໃຫ້ຮູ້ຕື່ມວ່າ: ການຈັດຕັ້ງປະຕິບັດແຜນຂຸດຄົ້ນໄມ້ໃນສົກນີ້ ໄດ້ດຳເນີນໄປຕາມການຊີ້ນຳຂອງລັດຖະບານ
ໂດຍມີການຕິດຕາມກວດກາ ແລະ ຄຸ້ມຄອງຢ່າງໃກ້ ຊິດ, ສ່ວນໂຕເລກຄາດໝາຍໃນວຽກງານເກັບແກ່ນ,
ກ້າເບ້ຍໄມ້-ປູກໄມ້, ການຂຸດຄົ້ນໄມ້ ແລະ ການເກັບກູ້ເຄື່ອງປ່າຂອງດົງແມ່ນບໍ່ທັນສາມາດສະຫລຸບໄດ້
ເນື່ອງຈາກຢູ່ໃນລະຫວ່າງການຕີລາຄາຂອງທ້ອງຖິ່ນ. ນອກຈາກນັ້ນ ທ່ານຍັງໃຫ້ຮູ້ບາງບັນຫາທີ່ຈະຕ້ອງໄດ້ແກ້ໄຂ
ເຊິ່ງມີຫລາຍແຂວງຂໍອະນຸມັດເກັບກູ້ໄມ້ກິ່ງງ່າ, ໄມ້ທ່ອນສັ້ນ ແລະ ໄມ້ທ່ອນປາຍ;
ການຂຸດຄົ້ນໄມ້ເປັນທຶນ ເພື່ອຊະລຳໂຄງການກໍ່ສ້າງພື້ນ ຖານໂຄງລ່າງ ແລະ ຍັງມີບາງແຂວງສືບຕໍ່ຂຸດຄົ້ນໄມ້ໃນເຂດປ່າຜະລິດແມ່ນເຫັນວ່າບໍ່ແທດເໝາະ,
ຍັງອະນຸຍາດໃຫ້ບັນດາບໍລິ ສັດ ຫລື ເຈົ້າຂອງໂຮງງານປຸງແຕ່ງໄມ້ເກັບຊື້ໄມ້ຂະຍຸງທີ່ລັກ
ລອບນຳເຂົ້າຈາກປະເທດເພື່ອນບ້ານແບບເປີດກວ້າງອາດເປັນການສ້າງເງື່ອນໄຂອັນບໍ່ດີ
ແລະ ສວຍໂອກາດລັກລອບຕັດໄມ້ຂະຍຸງພາຍໃນແຂວງມາແອບອ້າງ. ເຊັ່ນດຽວກັບການອະນຸຍາດຂຸດຄົ້ນໄມ້ແລວທາງໃນໄລຍະຍາວເປັນຈຳນວນຫລາຍ
ເຊິ່ງອາດຈະມີຄວາມຫຍຸ້ງຍາກໃນການຄຸ້ມຄອງ ແລະ ອາດເປັນຊ່ອງວ່າງໃຫ້ຜູ້ທີ່ໄດ້ຮັບອະນຸຍາດສວຍໂອກາດລັກລອບຕັດໄມ້ທີ່ມີລາຄາແພງ
ແລະ ມີຕະຫລາດຕ້ອງການຫລາຍເທົ່ານັ້ນ.
No comments:
Post a Comment