ພາຍຫລັງເຈົ້າໜ້າທີ່ ປກສ ເມືອງຫີນເຫີບ ແຂວງວຽງຈັນ
ໄດ້ຮັບແຈ້ງວ່າເກີດເຫດຄົນຮ້າຍສອງຄົນປຸ້ນຊັບພົນລະເມືອງຢູ່ໜ້າຕະຫລາດເມືອງວັງວຽງ
ແຂວງວຽງຈັນ ໃນວັນທີ 27 ມີນາ 2014 ໂດຍຄົນຮ້າຍໄດ້ໃຊ້ປືນສັ້ນ ແລະ ມີດຈີ່ຂົ່ມຂູ່ທ້າວ
ອາເຟີຍ ອາຊີບຄ້າຂາຍ ໃຫ້ເອົາເງິນ, ວັດຖຸມີຄ່າ ແລະ ກະແຈລົດໃຫ້ພວກກ່ຽວ ແລ້ວຂັບຂີ່ມຸ່ງໜ້າເຂົ້າມາທາງນະຄອນຫລວງວຽງຈັນ.
ຫລັງຈາກນັ້ນ ຈຶ່ງໄດ້ນຳກຳລັງລົງຕິດຕາມກວດກາຕາມເສັ້ນທາງເລກ 13 ເໜືອ ຈົນຮອດເວລາ
20:00 ໂມງ ຂອງມື້ດຽວກັນ ຈຶ່ງພົບເຫັນລົດເປົ້າໝາຍສົງໄສ ແລະ ໄດ້ລັດກວດກາ
ເຫັນວ່າຜູ້ທີ່ຂັບຂີ່ມາແມ່ນຖືກກັບເປົ້າ ໝາຍທີ່ ປກສ ເມືອງວັງວຽງແຈ້ງມາ
ຈຶ່ງໄດ້ກັກຕົວພວກກ່ຽວ ຄືທ້າວ ຈັງຕຸງ ອາຍຸ 28 ປີ ແລະ ທ້າວ ເຕົາອຸຍ ອາຍຸ
24 ປີ ທັງສອງແມ່ນສັນຊາດຈີນ ແລະ ຜ່ານການກວດຄົ້ນລົດທີ່ພວກກ່ຽວຂີ່ມາພົບເຫັນມີດ
1 ດວງ, ປືນສັ້ນ ຢາງ 1 ກະບອກ, ໂທລະ ສັບມືຖື 3 ໜ່ວຍ, ເງິນສົດຈຳ ນວນ 100 ລ້ານກວ່າກີບ,
3.500 ກວ່າໂດລາສະຫະລັດ, 19.000 ກວ່າບາດ ແລະ ສະກຸນເງິນຕາປະເທດອື່ນໆຈຳນວນໜຶ່ງ.
No comments:
Post a Comment