ພາຍຫຼັງມີແຈ້ງການກ່ຽວກັບການກຳນົດລາຄາສິນຄ້າຕາມທ້ອງຕະຫຼາດ
ແລະ ເມື່ອບໍ່ດົນມານີ້ ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ລົງພົບປະໂອ້ລົມແມ່ຄ້າຊາວຂາຍທີ່ຕະຫຼາດໜອງຈັນ,
ເພື່ອຮຽກຮ້ອງບໍ່ໃຫ້ສວຍໂອກາດຂື້ນລາຄາສິນ ຄ້າໃນໄລຍະປີໃໝ່ນີ້, ໂດຍລຳພັງອັນຈະສົ່ງຜົນກະ
ທົບຕໍ່ຜູ້ບໍລິໂພກ ແລະ ເປັນການ ປັບປ່ອນລາຄາ ສິນຄ້າ ແລະ ປັດຈຸບັນກໍເຫັນວ່າ ລາຄາສິນຄ້າຫຼາຍປະເພດຢູ່ໃນເກນປົກະຕິ
ແລະ ມີບາງປະເພດມີການເໜັງຕີງເລັກໜ້ອຍ. ເນື່ອງຈາກວ່າມີແມ່ຄ້າຈຳ ນວນໜຶ່ງສວຍໂອກາດປັບຕາຊິງໃຫ້ອ່ອນລົງເຮັດໃຫ້ບໍ່ເຕັມກິໂລ.
ຕົວຢ່າງ: ຊື້ຊີ້ນໝູ 1 ກິໂລ, ແຕ່ຕົວຈິງມີພຽງແຕ່ 7-8 ກຼາມ ເທົ່ານັ້ນ, ຖ້າຫາກວ່າຊື້ຊີ້ນໝູໃນລາຄາສູງທີ່ເຂົາເຈົ້າກຳນົດກໍຈະໄດ້ເຕັມຕາມນ້ຳໜັກ ຕົວຈິງຕໍ່ບັນຫາດັ່ງກ່າວຈຶ່ງຂໍຮຽກຮ້ອງ
ໃຫ້ ພາກສ່ວນກ່ຽວຂ້ອງລົງກວດກາດ່ວນເພື່ອບໍ່ສົ່ງຜົນກະທົບຕໍ່ຜູ້ບໍລິໂພກ ແລະ ບໍ່ຄວນປະປ່ອຍໃຫ້ສະພາບນີ້ແກ່ຍາວ,
ຖ້າພົບ ເຫັນກໍຕ້ອງມີມາດຕະການແກ້ໄຂໃຫ້ໄວ.
ປັດຈຸບັນນີ້ ລາຄາຊີ້ນໝູຢູ່ ຕາມຕະຫຼາດຕ່າງໆແມ່ນ
42-45.000 ກີບ/ກິໂລ, ຊີ້ນງົວ 75-80.000 ກີບ/ກິໂລ, ປານິນ 22-23.000 ກີບ/ກິໂລ,
ໄກ່ 42-45.000 ກີບ/ກິໂລ, ໝາກເພັດ 18-20.000 ກີບ/ກິໂລ, ໝາກນາວ 18-20.000 ກີບ/ກິໂລ.
No comments:
Post a Comment