ປັດຈຸບັນຖະໜົນຫົນທາງຢູ່ ປະເທດເຮົາສ່ວນໃຫຍ່ແມ່ນໄດ້
ຮັບການຍົກລະດັບ ແລະ ປົວ ແປງດີຂຶ້ນດ້ວຍການປູຢາງ ຫຼື ເບຕົ້ງ ທີ່ມີຄວາມແໜ້ນໜາທົນທານໄດ້ມາດຕະຖານ,
ແຕ່ການຮັກ ສາຄວາມສະອາດແມ່ນຍັງເຮັດ ໄດ້ໜ້ອຍຍ້ອນລົດບັນທຸກໜັກຂະໜາດຕ່າງໆນັບແຕ່
6 ລໍ້- 10 ລໍ້ຫາ 12 ລໍ້, ແຂ່ງກັນບັນທຸກຫີນຊາຍ, ດິນແດງ ແລະ ອື່ນໆ ແລ່ນເຂົ້າອອກຈາກບໍ່ດິນ,
ບໍ່ຫີນ ແລະ ສະໜາມກໍ່ສ້າງຢູ່ຫຼາຍແຫ່ງຂອງໃຈກາງນະຄອນຫຼວງວຽງຈັນ ໄດ້ທຸກເວລາທັງໆທີ່ທາງການ
ກໍໄດ້ມີ ຂໍ້ຫ້າມເຖິງຜູ້ປະກອບການຂົນສົ່ງດັ່ງກ່າວ ແຕ່ກໍບໍ່ມີໃຜເອົາ ຫົວຊາສົ່ງຜົນໃຫ້ເກີດມີເສັ້ນທາງເປິະເປື້ອນຈາກຫີນ,
ຊາຍ, ດິນ ແດງ ແລະ ຕົມ ທີ່ຟົ້ງອອກຈາກລົດລົງສູ່ທາງແຕ່ລະເສັ້ນ ໂດຍບໍ່ເວັ້ນແຕ່ລະວັນ
ແລະ ກາຍເປັນສິ່ງທ້າທາຍຕໍ່ການ ຈັດຕັ້ງປະຕິ ບັດຄຳຂັວນ ສ ສະອາດ ຊຶ່ງແມ່ນ ໜຶ່ງໃນຈຳນວນ
6 ສ ທີ່ນະຄອນ ຫຼວງໄດ້ວາງອອກ. ຂະນະທີ່ສັງ ຄົມຮຽກ
ຮ້ອງໃຫ້ມີການຈັດສັນເສັ້ນທາງແລ່ນລົດບັນທຸກດັ່ງ
ກ່າວ ແລະ ຈະຈັດລົດຂະໜາດສາມາດບັນທຸກດິນ,
ຊາຍເຂົ້າອອກຕົວເມືອງໄດ້ ແລະ ດີທີ່ສຸດ ຄວນກຳນົດໂມງເວລາທີ່ເໝາະ ສົມເພື່ອຫຼີກເວັ້ນການເປີະເປື້ອນໃນຍາມຝົນມີຕົມ,
ຍາມແລ້ງມີຂີ້ ຝຸ່ນໃຫ້ລົດ ຂົນດິນ, ຂົນຊາຍ ເຂົ້າອອກຕົວເມືອງ, ຊຶ່ງຜ່ານ ມາກໍມີການກຳນົດແລ້ວແຕ່ປະຕິບັດໄດ້ໜ້ອຍ,
ລົດບັນທຸກສ່ວນ ຫຼາຍຕ່າງກໍ ພາກັນແລ່ນຊິງບັນ ທຸກດິນຊາຍເຂົ້າອອກຈາກໂຄງ ການກໍ່ສ້າງດ້ວຍຄວາມໄວສູງ
ນອກຈາກສົ່ງຜົນໃຫ້ເສັ້ນທາງ ເປີະເປື້ອນ ແລ້ວຍັງມີຄວາມສ່ຽງພາໃຫ້ເກີດອຸປະຕິເຫດຕາມມາ. ນອກຈາກນີ້ສັງຄົມຍັງຂໍຮ້ອງ
ໃຫ້ຂະແໜງກ່ຽວຂ້ອງຈົ່ງມີ ມາດ ຕະການ ເຂັ້ມງວດກັບຜູ້ປະກອບ ການຂົນສົ່ງດັ່ງກ່າວ ແລະ ປຸກລະດົມໃຫ້ເຂົາເຈົ້າຫັນມາມີສ່ວນ
ຮ່ວມຕໍ່ການບົວ ລະບັດຮັກສາ ຄວາມສະອາດໃນຕົວເມືອງ. ທຸກຄັ້ງກ່ອນຈະອອກເຂດໂຄງການຕ້ອງອະນາໄມຕີນລົດໃຫ້ມີ
ຄວາມສະອາດ.
No comments:
Post a Comment