laophatthananewspaper: ສະຫລອງປີໃໝ່ໃຫ້ພໍດີພໍງາມ ແລະ ຊ່ວຍກັນປະຢັດນ້ຳປະປາ

ຄືດັ່ງຮູ້ນຳກັນວ່າ: ປັດຈຸບັນ, ພວມກ້າວເຂົ້າສູ່ໄລຍະການສະເຫລີມສະຫລອງເທດສະການ ບຸນປີໃໝ່ລາວ ພສ 2557 ແລະ ປາກົດວ່າຫລາຍຫົວໜ່ວຍທຸລະກິດ, ບໍລິສັດຫ້າງຮ້ານ ແລະ ອົງ ການຈັດຕັ້ງຈຳນວນໜຶ່ງກໍໄດ້ຈັດພິທີສະເຫລີມສະ ຫລອງກັນໄປເປັນທີ່ຮຽບຮ້ອຍແລ້ວ ເຊິ່ງກໍເຫັນວ່າຫລາຍບ່ອນແມ່ນຮັກສາໄດ້ຕາມຮີດຄອງປະເພນີ, ມີຄວາມເປັນລະບຽບຮຽບຮ້ອຍ, ສະຫງົບປອດໄພ ແລະ ສິ່ງສຳຄັນແມ່ນ ສາມາດປະຕິບັດໄດ້ບົນຈິດໃຈປະ ຢັດມັດທະຍັດ, ແຕ່ແນວໃດກໍຕາມ, ຄຽງຄູ່ກັນນັ້ນ ກໍຍັງມີອີກຫລາຍບ່ອນທີ່ພວມກະກຽມສະຫລອງເທດສະການດັ່ງ ກ່າວພາຍໃນທິດນີ້ ເຊິ່ງເປັນທິດ ສຸດທ້າຍຂອງການເຮັດວຽກງານ, ຫລັງຈາກນັ້ນ ກໍຈະໄດ້ພັກ ຜ່ອນມ່ວນຊື່ນຢູ່ກັບຄອບຄົວ, ຍາດພີ່ນ້ອງເປັນເວລາຍາວຫລາຍວັນ, ສະນັ້ນ ກໍຄືດັ່ງທຸກປີ ຜ່ານມາ, ການຈັດງານສັງສັນ ມ່ວນຊື່ນຊຸມແຊວໃນໂອກາດດັ່ງກ່າວກໍຄວນໃຫ້ມີຄວາມເໝາະ ສົມພໍດີພໍ ງາມຕາມເງື່ອນໄຂເສດຖະກິດຂອງຄອບຄົວ, ບໍລິສັດ, ຫ້າງຮ້ານຈົນຮອດອົງການຈັດ ຕັ້ງຕ່າງໆ ແລະ ຕ້ອງເປັນເຈົ້າ ການ ປະຢັດມັດທະຍັດ, ຫລີກລ່ຽງສະພາບຫລີ້ນກິນຟູມເຟືອຍ ເກີນຂອບເຂດ ແລະ ການປະພຶດ ທີ່ລະເມີດຕໍ່ຂໍ້ຫ້າມ ແລະ ຄຳສັ່ງ ຕ່າງໆ ຂອງຂັ້ນເທິງວາງອອກໃຫ້ເຂັ້ມງວດ. ໃນໂອກາດດຽວກັນ, ລັດວິສາ ຫະກິດນ້ຳປະປານະຄອນຫລວງກໍໄດ້ຮຽກ

ຮ້ອງໃຫ້ສັງ ຄົມຊ່ວຍ ກັນປະຢັດນ້ຳປະປາພາຍຫລັງ ເຫັນວ່າໄລຍະນີ້ສະພາບອາກາດຮ້ອນອົບເອົ້າຫລາຍອັນເປັນສາ ເຫດໃຫ້ການຊົມ ໃຊ້ນ້ຳປະປາ ເພີ່ມຂຶ້ນຫລາຍເທົ່າຕົວ, ໃນຂະນະການສະໜອງນ້ຳປະປາຂອງນະຄອນຫລວງວຽງຈັນ ປະຕິບັດໄດ້ພຽງ 180.000 ແມັດກ້ອນຕໍ່ມື້ ເທົ່າກັບປະມານ 50% ຂອງຄວາມຕ້ອງການຈຶ່ງເຮັດໃຫ້ບາງເຂດໂດຍສະ ເພາະເຂດທີ່ສູງ ນ້ຳບໍ່ສາ ມາດໄປຮອດໄປເຖິງ ແລະ ຂາດນ້ຳໃຊ້ ແລະ ເພື່ອແກ້ໄຂບັນ ຫາດັ່ງກ່າວໜ່ວຍງານສະເພາະກິດນ້ຳປະ ປາໄດ້ລົງກວດກາລະ ບົບ ທໍ່ເພື່ອຫາວິທີສົ່ງນ້ຳ ຫລື ແບ່ງປັນນ້ຳຈາກເຂດອື່ນມາຊ່ວຍ ແລະ ໄດ້ກຽມຕິດຕັ້ງຈັກ ສູບນ້ຳຂຶ້ນໄປຫາເຂດດັ່ງກ່າວ ເພື່ອແກ້ ໄຂສະເພາະໜ້າຈົນກວ່າການກໍ່ສ້າງໂຮງງານຜະລິດນ້ຳ ປະປາດົງໝາກຄາຍຈະ ສຳເລັດໃນປີ 2015 ແລະ ພ້ອມດຽວກັນນີ້ ກໍ ຮຽກຮ້ອງມາຍັງຜູ້ຊົມໃຊ້ຈົ່ງ ໃຊ້ນ້ຳຢ່າງປະຢັດ, ບໍ່ຟູມເຟືອຍ ແລະ ບໍ່ນຳໃຊ້ນ້ຳປະປາໄປເຮັດ ແນວອື່ນຖ້າພົບເຫັນທໍ່ນ້ຳຮົ່ວ ໄຫລໃຫ້ແຈ້ງໄປຫາບໍລິສັດນ້ຳປະປາດ່ວນເພື່ອແກ້ໄຂ.