ນັບວ່າເປັນເລື່ອງສະເທືອນວົງການການສຶກສາລາວບໍ່ໜ້ອຍ,
ຕໍ່ກໍລະນີກະຊວງສຶກສາທິການ ແລະ ກິລາ ໄດ້ກວດພົບວ່າມີນັກ ສຶກສາຈຳນວນບໍ່ໜ້ອຍໄດ້ນຳໃຊ້ໃບປະກາສະນີຍະບັດຈົບຊັ້ນມັດ
ທະຍົມຕອນປາຍປອມເພື່ອເຂົ້າຮຽນຕໍ່ຕາມສະຖາບັນການສຶກ ສາພາກລັດ ແລະ ເອກະຊົນ
ຫລາຍແຫ່ງໃນຫລາຍສົກຮຽນຜ່ານມາ ແລະ ກະຊວງສຶກສາຕ້ອງໄດ້ສັ່ງລຶບລ້າງໃບປະ ກາສະນີຍະບັດປອມດັ່ງກ່າວທັງໝົດ,
ເຊິ່ງພາຍຫລັງຂ່າວດັ່ງກ່າວຖືກເຜີຍແຜ່ຜ່ານສື່ຕ່າງໆ ໄດ້ສ້າງຄວາມສົນໃຈຈາກສັງຄົມບໍ່ໜ້ອຍ
ວ່າ: ພາກສ່ວນກ່ຽວຂ້ອງຈະມີວິທີການແກ້ໄຂບັນຫາດັ່ງກ່າວແນວໃດ ເພື່ອໃຫ້ເກີດຄວາມເປັນທຳກັບທຸກຝ່າຍໂດຍສະເພາະແມ່ນນັກສຶກສາ,
ເນື່ອງຈາກນັກສຶກສາຈຳນວນໜຶ່ງກໍພວມສຶກ ສາຮ່ຳຮຽນຢູ່ ແລະ ມີຈຳນວນບໍ່ໜ້ອຍກໍແມ່ນຈົບໄປແລ້ວຫລາຍປີ
ແລະ ໄດ້ໄປປະກອບອາຊີບວຽກງານນຳອົງການລັດ ແລະ ຫົວ ໜ່ວຍທຸລະກິດຕ່າງໆກໍມີ,
ເຊິ່ງ ບັນຫານີ້ຄືຈຸດສຳຄັນທີ່ພາກສ່ວນກ່ຽວຂ້ອງຕ້ອງຫາວິທີແກ້ໄຂຢ່າງເໝາະສົມ. ບັນຫາປອມແປງເອກະສານຢູ່ໃນສັງຄົມແມ່ນພົບເຫັນ ຫລາຍ,
ເວົ້າສະເພາະການປອມແປງໃບປະກາສະນີຍະບັດນີ້ ຍິ່ງເປັນບັນ ຫາຊຳເຮື້ອມາດົນນານ
ແລະ ເປັນສິ່ງທີ່ກວດກາໄດ້ລຳບາກ ຫລາຍ
ເພາະວ່າພວກເຮົາຍັງ ບໍ່ ມີອຸປະກອນເຄື່ອງມືກວດສອບ ແລະ ລະບົບການເຊື່ອມໂຍງຂໍ້ມູນຕ່າງໆລະຫວ່າງ
ກະຊວງສຶກ
ສາກັບສະຖາບັນການສຶກສາໃນຂອບເຂດທົ່ວປະເທດຍັງບໍ່ທັນດີເທົ່າທີ່ຄວນ ເຊິ່ງບັນຫານີ້ເຮັດໃຫ້ເກີດມີຊ່ອງຫວ່າງໃຫ້ແກ່ຜູ້ມີແນວຄິດບໍ່ດີວິ້ງເຕ້ັນຫາທຸກວິທີທາງ
ເພື່ອໃຫ້ໄດ້ມາແກ່ຜົນປະໂຫຍດຕົນເອງດ້ວຍການສວຍໂອກາດປອມແປງເອກກະສານທີ່ບໍ່ຖືກຕ້ອງຂຶ້ນມາຫລອກສະຖາບັນການສຶກສາເພື່ອຮ່ຳຮຽນຕໍ່,ຫລອກການຈັດຕັ້ງເພື່ອເຂົ້າເຮັດວຽກຕ່າງໆ
ໂດຍບໍ່ຄຳນຶງວ່າ ການກະທຳນັ້ນແມ່ນບໍ່ຖືກຕ້ອງຕາມລະບຽບກົດໝາຍ ແລະ ໃນເມື່ອກວດກາພົບເຫັນແລ້ວ
ກໍສ້າງຄວາມຫຍຸ້ງຍາກໃຫ້ກັບການຈັດຕັ້ງໃນການແກ້ໄຂ ແລະ ກາຍເປັນປະກົດການຫຍໍ້ທໍ້ໃຫ້ແກ່ຂະແໜງການ,
ສົ່ງຜົນສະທ້ອນຕໍ່ຄຸນນະ ພາບການສຶກສາຂອງປະເທດເຮົາ.
No comments:
Post a Comment